खोज

दोस्रो मेयर कप तथा छैटौ बुटवल खुला राष्ट्रिय लनटेनिस प्रतियोगिता २०८० दोस्रो पटक प्रदिप र अभिलाषालाई उपाधि

बुटवल, १९ फागुन।

रुपन्देहीमा सम्पन्न दोस्रो मेयर कप तथा छैटौ राष्ट्रिय खुला लनटेनिस प्रतियोगिता २०८० को उपाधि पोखराका प्रदिप खड्काले चुमेका छन।

योसंग उनको यो दोस्रो उपाधि हो। बुटवल उपमहानगरपालिकाको सहयोग, रुपन्देही लनटेनिस संघको आयोजनामा शनिबार भएको फाईनलमा पहिलो रेकिङ खेलाडी प्रदिपले बुटवलका रितिक रानालाई ६-३, ४-६, ६-४ को सेटमा पराजित गर्दै उपाधि रक्षा गरेका छन।

उपाधिसंग उसले नगद ६० हजार रुपैया, कप, मेडल, प्रमाणपत्रबाट पुरस्कृत भए। योसंग उनले आफनो रेकिङमै रहेका छन। उपविजेता रितिक नगद ३० हजार रुपैया, कप, मेडल, प्रमाणपत्रबाट पुस्कृत भए। रितिक एक पटकमात्र उपाधि चुमेका छन। यता महिलातर्फ अभिलाषा बिष्टले आफ्नो उपाधि रक्षा गर्न सफल भईन।

फाईनलमा सिभाङी आरएल शाहलाई पराजित गर्दै बिष्ट च्याम्पियन बनेकी हुन। उनी लगातार दोस्रो पटक उपाधि आफ्नो नाम गर्दा शाहलाई फाईनलमा ६-०, ६-२ को सेटमा पराजित गरिन । उपाधिसंगै उनले नगद ६० हजार रुपैया, कप, मेडल, प्रमाणपत्रबाट पुरस्कृत भईन। उपविजेता शाह भने नगद ३० हजार रुपैया, कप, मेडल, प्रमाणपत्रबाट पुरस्कृतमा चित्त बुझाए। यता ३५ प्लस सिगलको उपाधि अनिल शाहिले चुमेका छन ।

उनले फाईनलमा कमल भण्डारीलाई ७-५, ६-७, ११-९ को ट्राईबेकरमा जित निकाले। कार्यक्रमको एक समारोहका बिच बुटवल उपमहानगरपालिकाका नगरप्रमुख खेलराज पाण्डेय, प्रदेश खेदकुद परिषद लुम्बिनीका सदस्य सचिव जयप्रकाश भट्टराई, वडा नं ५ का वडा अध्यक्ष हरि प्रसाद श्रेष्ठ, नेपाल टेनिस संघका निवर्तमान अध्य‍क्ष मनोज सम्शेर राणा, लुम्बिनी प्रदेश लनटेनिस संघका अध्यक्षका अध्यक्ष संजय श्रेष्ठ, कास्की लनटेनिस संघका अध्यक्ष ल‍ोक गुरुङ, लुम्बिनी लनटेनिस संघका उपाध्यक्ष मनोज बस्नेत, जिल्ला संघका अध्यक्ष गोपाल ज्ञवालीले पुरस्कार बितरण गरे। मंगलबारदेखि प्रतियोगिता शुरु भएको प्रतियोगितामा विभिन्न ११ ईभेन्टहरुमा प्रतिस्पर्धा भएको टुर्नामेन्ट सुपरभाइजर कृष्णराज घलेले बताए।