खोज

सुर्खेत, १८ फागुन ।

दैलेखको महाबु गाउँपालिकामा अन्तरपालिका स्तरीय कर्मचारी खेलकुद कार्यक्रम सुरु भएको छ । महाबु कर्मचारी मिलन केन्द्रद्वारा आयोजित कार्यक्रम स्थानीय खेलकुद मैदानमा सञ्चालन गरिएको छ ।

महाबु गाउँपालिकाका कार्यवाहक अध्यक्ष मञ्जुकुमारी शर्मा पाण्डेले प्रतियोगिताको उद्घाटन गरेकी हुन् । दैलेख जिल्लास्थित पालिकामा कार्यरत कर्मचारीहरु बीचमा प्रतिस्पर्धा रहने प्रतियोगितामा जिल्लाका सबै स्थानीय तहका कर्मचारीहरुको सहभागिता रहेको छ ।

आगामी आइतवार सम्म सञ्चालन हुने उक्त कार्यक्रममा क्रिकेट, व्याडमिन्टन, स्लोबाइक रेस, घैटोफोड लगायतका खेलहरु समावेश हुनेछन् । उद्घाटन खेलमा क्रिकेटतर्फ महाबु गाउँपालिका र चामुण्डा बिन्द्रासैनी नगरपालिकाबीच प्रतियोगिता भएको थियो । उक्त खेलमा महाबु गाउँपालिकाले ४४ रनले जित हासिल गरेको छ । महाबुले १२ ओभरमा ७७ रनको लक्ष्य दिएको थियो । चामुण्डा ३६ रनमाअल आउट भयो । सो खेलमा महाबुका योगेन्द्र रावल सर्वाधिक ३७ रन बनाएका थिए भने कुमार परियार र मोतिराम मगर ३÷३ विकेट लिएका थिए । कार्यक्रममा महाबु गाउँपालिका प्रमुख प्रशासकीय अधिकृत उदयराज उपाध्याय, ठाटिकाँध गाउँपालिका निमित्त प्रमुख प्रशासकीय अधिृकत नेत्र बहादुर थापालगायतको सहभागिता रहेको थियो ।