खोज

बुटवल, १८ फागुन । रुपन्देहीमा जारी दोस्रो मेयर कप तथा छैटौ राष्ट्रिय खुला लनटेनिस प्रतियोगिता २०८० को उपाधिका लागि गतवर्षका डिफेन्डिङ च्याम्पियन प्रदिप खड्का र बुटवलका रितिक राना भिड्ने भएका छन । देविनगरस्थित लनटेनिस कोर्टमा शुक्रबार भएको पहिलो सेमीफाईनलमा गतवर्षका च्याम्पियन पोखराका खड्काले प्रनव मानन्धरलाई ६–१, ३–६, ६–२ को सेट तथा दोस्रो सेमीफाईनलमा रितिकले निशान्त श्रेष्ठलाई ६–१, ६–३ को सेटले पाखा लगाउदै फाईनल भिडन्त तय गरेका हुन । दुई वर्षअघि च्याम्पियन रहेका रितिक दोस्रो पटक उपाधि चुम्ने दाउमा छन भने प्रदिप पनि लगातार दोस्रो जितको खोजीमा छन ।

यसैगरि महिला सिगलको उपाधिका लागि अभिलाषा विष्ट र सुभाङिनी शाहका बिचमा उपाधि भिडन्त हुने भएको छ । गतवर्षको च्याम्पियन तथा एक नम्बर बरियतामा रहेकी खेलाडी विष्टले पहिलो सेमीफाईनलमा आईसा डल्कर गुरुङलाई ६—२, ७—५ तथा दोस्रो सेमीफाइनलमा सुभाङिनी शाहले प्रकृति श्रेष्ठलाई ७—६, १—६, ६—१ को सेटमा पराजित गरेका हुन । शनिबार दुबै उपाधिका लागि फाईनल खेल हुने टुर्नामेन्ट सुपरभाइजर कृष्णराज घलेले बताए ।

यसैगरि मेन्स डबल्सको उपाधि आयुषमान हजुर घले र आशिष खड्काको जोडीले हात पारेका छन । शुक्रबार भएको फाईनलमा आर्यन गिरी र सक्षम बिक्रम शाहलाई ६–४, ६–२ को सेटमा पराजित गर्दै घले र खड्काको जोडीले उपाधि हात पारेका हुन ।
यसैगरि ३५ प्लस सिगलको उपाधि अनिल शाहीले चुमेका छन । फाईनलमा अनिलले सन्तोष खत्रीलाई ६–४, ६–४ को सेटमा पराजित गर्दै उपाधि चुमेको हो ।
यसैगरि ३५ प्लस डबल्सको उपाधि सिमान्त गुरुङ र अनिल शाहीको जोडीले चुमेका छन । फाईनल खेलमा सिमान्त गुरुङ र अनिल शाहीको जोडीले सन्तोष खत्री र सन्जय प्रकाश श्रेष्ठको जोडीलाई ६–२, ६–३ को सेटमा पराजित गरेको हो ।
यसैगरि ४५ प्लस सिगलको उपाधि कमल भण्डारीले हात पारेका छन । फाईनल खेलमा सिमान्त गुरुङलाई ६–१, ६–१ को सेटमा पराजित गर्दै भण्डारीले उपाधि चुमेको हो ।
यसैगरि ४५ प्लस डबल्समा गोपी भट्टराई र धर्मसिह लामिछानेको जोडीले उपाधि चुमेका छन । शुक्रबार भएको फाईनलमा रोहित सुनवार र जोली टार्जेनको जोडीलाई ७—५, ७—५ को सेटमा पराजित गर्दै उपाधि हात पारेका हुन ।
यसैगरि ५५ प्लस सिगलको उपाधि चन्द्र शाहीले चुमेका छन । उनले फाईनलमा राजु श्रेष्ठलाई ६–२, ६–४ को सेटमा पराजित गर्दै उपाधि चुमेका हुन ।
यसैगरि ६५ प्लस सिगलको उपाधि मनोज राणाले जितेका छन । उनले फाईनलमा ध्रव गुरुङलाई ६–१, ६–२ को सेटमा पराजित गर्दै उपाधि चुमेका हुन । प्रतियोगितामा ११ विधामा एक सय खेलाडीहरुले प्रतिस्पर्धा गरेको संघका सचिव सबर मियाले बताए ।