ट्रेंडिंग:

>> ‘लोकतन्त्रमा कालो धब्बा लाग्दै गएको छ’ >> विनाशकारी भूकम्प गएको ९ वर्ष पूरा,९२ हजार परिवारका घर बन्न बाकी >> कतारका अमिर स्वदेश फर्किदै, के के छ आजको कार्यक्रम ? >> चार प्रदेशमा चट्याङ्गसहित वर्षाको सम्भावना, तराईमा हावाहुरी >> सल्यानमा ११ प्रतिशत कम सुन्तला उत्पादन >> २६ औं भूकम्प सुरक्षा दिवस >> राजनैतिक स्वार्थको चक्रव्यूहमा सामुदायिक विद्यालय >> शिवराजमा निःशुल्क शिक्षाको अभ्यास >> राशीअनुसार तपाईंको आजको भाग्य हेर्नुहोस् : आजको राशीफल >> रुपन्देही मोर्डन स्कुलको वार्षिक उत्सव >> खोलामा डुबेर एकको मृत्यु >> नेपाल मगर महिला संघ रुपन्देहीको अधिवेशन रद्द गर्न माग >> कर्णालीका मुुख्यमन्त्री कँडेलले बिहीबार विश्वासको मत लिने >> बुटवलमा ३ दिने भलिबल प्रतियोगिता सुरु >> कतारी राजाको काठमाडौंमा भव्य स्वागत >> बुटवलले ल्यायो जनसंख्याको अनुपातका नागरिक बडापत्र >> तिलोत्तमा वडा नं. ६ को कार्यालय आफ्नै भवनमा >> ‘विज्ञ भन्छन्ः लु को जोखिम बढ्यो, सरकारसँग रणनीति छैन >> इजरायलले अर्को गल्ती गरे कठोर कदम चाल्ने इरानको चेतावनी >> नेपालसंग खेल्ने वेस्टइन्डिज ‘ए’ टोलीको घोषणा >> साँसद आचार्यको पहलमा आगलागीपीडितलाई राहत >> ७० जनाको टोलीसहित आउँदै कतारी राजा, होटल सोल्टीमा द्विपक्षीय वार्ता >> तीन दशकका अभ्यासलाई सच्याउन समय लाग्छ : गृहमन्त्री लामिछाने >> नेपालगन्जमा कटुवा पेस्तोलसहित तीन जना पक्राउ >> आज सुनको मूल्यमा भारी गिरावट >> एकीकृत समाजवादीद्वारा स्थायी कमिटी बैठक आह्वान >> लायन्स क्लब तिलोत्तमा बुद्धज्योतिको अध्यक्षमा पन्थी >> आज १८ औं लोकतन्त्र दिवस, आम नागरिकमा छैन उत्साह >> कतारका राजा अमिर आज नेपाल आउँदै, देशभर सार्वजनिक बिदा >> लुम्बिनी प्रदेशसहित अधिकांश भूभागमा हावाहुरीको सम्भावना, सचेत रहन आग्रह >> आगलागीका घटनाप्रति एमाले रुपन्देहीको ध्यानाकर्षण >> गहुँ उत्पादन घट्दा किसान चिन्तित >> उपनिर्वाचनः आचारसंहितामा कडाई गर >> कर्साघाट ‘बुटवलको गया’ >> बुटवलः हिजो, आज र भोली >> आगलागी पीडित खुल्ला आकासमुनि >> पहिले स्कुलले खोज्थ्योे, अहिले अभिभावकले खोज्छन् >> राशीअनुसार तपाईंको आजको भाग्य हेर्नुहोस् : आजको राशीफल >> कटुवा पेस्तोलसहित नेपालगञ्जमा तीनजना पक्राउ  >> अमेरिकाले संसदमा पार्टी खोल्यो : चित्रबहादुर केसी >> पारिश्रमिक नबढाएसम्म एसइईको उत्तरपुस्तिका नजाच्ने >> भोलि सार्वजनिक बिदा >> जेठको पहिलो साता बुटवलमा हाफ म्याराथन तथा रोड रेस >> प्लाष्टिक नियन्त्रण : धेरै गफ, कमजोर कार्यान्वयन >> ओम्स नेपाल लुम्बिनीमा अर्जुन नेपाल >> सशस्त्र प्रहरीद्वारा ५० लाख बराबरको अवैध सामान बरामद >> अहिलेको गठबन्धन कति दिन टिक्छ टुङ्गो छैन : नेपाल >> सबै वामपन्थी शक्ति ध्रुविकरण हौं : प्रधानमन्त्री >> देशभर गर्मी बढ्यो, तराईका विभिन्न ठाउँमा तातो हावा >> एमाले कार्यालयमा प्रचण्ड र माधव, ओली भने अस्वस्थताका कारण अनुपस्थित
विवादित बन्दै लोरेट्स एण्ड लिडर्स शिखर सम्मेलन :

मुख्यमन्त्रीलाई सभामुख घर्तीका १० गम्भीर प्रश्न

१७ फाल्गुन २०८०, बिहीबार
१७ फाल्गुन २०८०, बिहीबार

बुटवल, १७ फागुन । लुम्बिनीमा यही फागुन अन्तिममा हुने भनिएको लोरेट्स एण्ड लिडर्स शिखर सम्मेलनप्रति सत्तारुढ दलका नेताहरुबाटै गम्भीर प्रश्न र आशंकाहरु निरन्तर आउन थालेका छन् । लुम्बिनीका मुख्यमन्त्री डिल्लीबहादुर चौधरीको जोडबलमा सरकारको नीति तथा कार्यक्रम र बजेटबाट पारित भएपनि प्रदेश सभालाई पर्याप्त जानकारी नगराई यो कार्यक्रम गर्न लागिएको भन्दै सत्तारुढ दलका नेता र विपक्षीबाट गम्भीर प्रश्न उठेका हुन् । प्रदेश सभाका सभामुख तुलाराम घर्ती मगर (बसन्त) ले अन्तर्राष्ट्रिय महत्वको यो कार्यक्रम नेपालको सार्वभौमसत्ता, राष्ट्रिय स्वाधिनता, भौगोलिक अखण्डता र नेपाली नागरिकको सर्वोच्चतालाई कतैबाट पनि आँच नआउने ग्यारेन्टी गरिनुपर्दछ भनेका छन् । यस विषयमा मुख्यमन्त्री कत्तिको गम्भीर हुनुहुन्छ भनेर सभामुख घर्तीले प्रश्न गरेका छन् ।

यस्तै सम्मेलनमा सहभागी हुने नोबेल पुरस्कार विजेताहरुको नामावली सञ्चारमाध्यमबाट थाहा पाइएको भन्दै मुख्यमन्त्री चौधरीलाई घुमाउरो पाराले दरिलो ब्यङग्य गरेका छन् । सभामुखको भनाईको तात्पर्य सम्मेलनमा को को आउंदैछन् भन्ने विषय प्रदेश सभालाई पर्याप्त जानकारी नगराइएको र एकैचोटी मिडियाबाट थाहा पाउनुपरेको भन्ने हो । यस्तै सभामुखले कार्यक्रमको नाम अंग्रेजी भाषामा लोरेट्स एण्ड लिडर नै किन राखियो ?, उद्घाटनको मिति तिब्बती धर्मगुरु दलाई लामाले चीन विरुद्ध विद्रोह गरेकै दिनलाई किन रोजियो भन्ने प्रश्न गरेका छन् । शुरुमा शिखर सम्मेलन मार्च १० देखि १२ सम्म अर्थात फागुन २७, २८ र २९ गते गर्ने तयारी थियो । तर दलाई लामाले विद्रोह गरेको दिनमा कार्यक्रम उद्घाटन हुने जानकारीले छिमेकी देश चीन सशंकित भएर नेपालका प्रधानमन्त्रीलाई गम्भीर चासो राखेपछि सम्मेलनको मिति मार्च ११–१२ बनाइएको हो ।

सभामुख घर्तीले प्रदेश सरकारको आयोजना एवं व्यवस्थापनमा हुने भनिएको महत्वाकांक्षी अन्तर्राष्ट्रिय महत्वको कार्यक्रमको रणनीतिक महत्व र उपादेयताबारे सामान्यतया सम्पुर्ण नेपालीलाई र विशेषत लुम्बिनी प्रदेशबासीलाई प्रष्ट र स्पष्ट जानकारी हुन जरुरी रहेको सवाल पनि उठाएका छन् । सभामुख घर्तीले मुख्यमन्त्रीले चलाखीपूर्ण तरिकाले साढे ६ करोड वजेट विनियोजन गरेको यति ठूलो शिखर सम्मेलनमा यसको विषय वस्तु केवल बालबालिका र शान्ति मात्र किन राखियो ? यससंगै प्रदेशलाई आत्मनिर्भर बनाउन सकिने खालका पर्यटकीय महत्वको र औद्योगिक महत्वको विषय किन राखिएन भन्ने प्रश्न पनि तेर्साएका छन् ।

सभामुखले सम्मेलनको प्रमुख पाहुना को हो ? कसले उद्घाटन गर्ने हो ? नेपालका सम्माननीय ज्युहरुबाट वा विदेशी महामहिमबाट भन्ने प्रश्न पनि गरेका छन् । विश्वशान्तिको अग्रदुत गौतम बुद्धको जन्मभूमि नै महाशक्ति राष्ट्र अमेरिकाको रोजाई किन र कसरी भयो ? यसको सामरिक महत्व के कति हुन्छ ? कार्यक्रमको रणनीतिक महत्वबारे मुख्यमन्त्रीले आफ्नै प्रदेशका राजनीतिक दलका नेताहरु, बुध्दिजीवि, सामाजिक र आर्थिक अभियन्ताहरु र स्वयं प्रदेशसभाका माननीय सदस्यलाई कत्तिको महत्व बोध गराउनु भएको छ भन्ने प्रश्न पनि गरेका छन् । यस्तै लोरेट्स एण्ड लिडर्स कार्यक्रमको रणनीतिक र सामरिक महत्वबारे मुख्यान्त्रीले सदनमा औपचारिक जानकारी दिनु भएको छ कि छैन ? यदि यी विषयहरु छुटेको अनुभूति हुन्छ भने बेलैमा सुझबुझ पुर्ण कदम चाल्नुहोला भन्ने सुझव समेत सभामुखले दिएका छन् ।

सभामुखले कार्यक्रमको पारदर्शिता र मितव्ययिता हुनुपर्ने सवाल पनि उठाएका छन् । राज्यको सार्वजनिक सम्पत्ती लगानी गर्दा ध्यान दिनु पर्ने विषयहरु जवाफदेहिता, पारदर्शिता, सामरिकता, वैधानिकता र मितव्यिता हुन् भन्ने सभामुखले मुख्यमन्त्रीलाई सचेत गराएका छन् ।
सभामुखले जस्तै माओवादी केन्द्र संसदीय दलका प्रमुख सचेतक इन्द्रजित चौधरी, नेकपा एमालेका प्रमुख सचेतक तुल्सी चौधरीले पनि यो सम्मेलनबारे मुख्यमन्त्रीले प्रदेशसभालाई गुमराहमा राखेको भन्दै असन्तुष्टी जनाएका छन् । यो विषयमा भोलि बस्ने प्रदेश सभामा मुख्यमन्त्रीसंग स्पष्ट जवाफ मागिने उनीहरुले बताएका छन् ।

यो खबर पढेर तपाईलाई कस्तो महसुस भयो ?