ट्रेंडिंग:

>> लुम्बिनीका मुख्यमन्त्री महराले पाए विश्वासको मत, पक्षमा ४८,विपक्षमा २८ , राप्रपा र लोसपा तटस्थ >> संघीय संसदको हिउँदे अधिवेशन अन्त्य गर्न सिफारिस >> ‘बा–आमासँग नगरप्रमुख’ कार्यक्रमको प्रभावकारिता बढ्दै >> गाउँपालिकाको अनुदानमा खेतबारी जोत्ने आधुनिक उपकरण >> वर्षको अन्तिम दिन,सुनको भाउमा नयाँ रेकर्ड >> म्यानमारमा सैन्य कुपछि ह्वात्तै बढ्यो गरिबी दर >> बाजुरा केन्द्रबिन्दु बनाएर ३.७ रेक्टर स्केलको भूकम्प >> वाणिज्य बैंकहरूले घटाए ब्याजदर >> एसीसी प्रिमियर कप : नेपाल मलेसियासँग भिड्दै >> लुम्बिनीका मुख्यमन्त्री महराले आज विश्वासको मत लिने >> कोरियामा देखेको कफीले जव प्रेमको ध्यान मोड्यो…! >> देश बचाउन कांग्रेस–एमाले मिलौंः डा. शेखर कोईराला >> पशु बधशालाः १५ वर्षदेखिको सपना पूरा हुँदै >> विद्यार्थीहरूलाई जोडौं भर्ना अभियानमा >> उजाडिएका गाउँघरमा छरौं– आशाको सुनौलो किरण >> पर्यटन केन्द्र बन्दै ‘गौतमबुद्ध राष्ट्रिय उद्यान’ >> राशीअनुसार तपाईंको आजको भाग्य हेर्नुहोस् : आजको राशीफल >> सत्ता समिकरणमा प्वाल पारेर नेपाली कांग्रेस सत्तामा आउन चाहान्छ: पौडेल >> गुल्मीको हिमालय आधारभूत विद्यालयमा दिवाकर पन्थीले गरे टीकाराम गुरु स्मृति अक्षयकोष स्थापना >> हरेक परिवर्तन एमालेको विचारबाट निर्देशित : पद्मा अर्याल >> ठुलाखर्क सेवा समाज रूपन्देहीद्वारा भित्तेपात्रो विमोचन >> ‘सफा हिमाल अभियान २०२४’ को ध्वजारोहण समारोह सम्पन्न >> जेसीआई तिलोत्तमाको नया वर्ष शुभकामना तथा क्यालेण्डर विमोचन >> बिग्रिए सिसिटिभी, अपराधका घटनामा वृद्धि >> सुप्रिम सहकारी पीडितको गृहमन्त्रीलाई प्रश्न : जिबि र सागर कहिले पक्रिन्छन् ? >> अभिव्यक्ति स्वतन्त्रता संरक्षणका लागि कर्णालीमा अभियान >> स्कलर्समा कक्षा १२ का विद्यार्थीलाई बिदाई >> नेशनल प्याथल्याब भयो आइएसओ प्रमाणीकरण (भिडियोसहित) >> आगलागी सम्बन्धी कृत्रिम घट्ना अभ्यास >> गृहमन्त्री लामिछानेमाथि संसदीय छानबिन समिति बन्दैन : प्रधानमन्त्री >> `ई-ड्राईभ नेपाल´ को सेवा लुम्बिनीमा >> झाडापखाला नियन्त्रणमा ढिलाई किन ? >> अग्नी जोखिम व्यवस्थापनमा ध्यान दिने बेला >> कार्यालयमा नारा, वनमा डढेलो >> चार प्रदेशमा चट्याङ्गसहित हल्का वर्षाको सम्भावना >> आईपीएल क्रिकेटमा शीर्ष स्थानको राजस्थानलाई गुजरातले हरायो >> ईद उल फित्रमा एमाले रुपन्देहीको शुभकामना >> इस्लाम धर्मावलम्बीले इद–उल–फित्र मनाउदै, आज सार्वजनिक बिदा, प्रधानमन्त्रीले दिए शुभकामना >> एसीसी प्रिमियर कपमा नेपालले पहिलो खेल मलेसियासँग खेल्ने >> राशीअनुसार तपाईंको आजको भाग्य हेर्नुहोस् : आजको राशीफल >> सीमा क्षेत्रका वासिन्दासँग परिवारमैत्री वातवरण बनाउँदै सशस्त्र प्रहरी >> रुपन्देही ईभेन्टसको ईफतारीमा सहयोग >> बुटवलमा पहिलो पटक कलेजोको बायोप्सी जाँचको सुरुवात ग्यास्ट्रो सेन्टरमा >> गण्डकी सरकारलाई दीर्घकालीन निर्णय गर्न सर्वोच्चको रोक, वैशाख १० मा पूर्ण सुनुवाइ >> नवनियुक्त मुख्यमन्त्री कँडेलले लिए शपथ >> कोशीमा बैसाख ६ गते विशेष अधिवेशन >> होराइजन जिबिएसमा शुभकामना तथा विदाई कार्यक्रम सम्पन्न >> राष्ट्रिय सभाको उपाध्यक्षमा विमला घिमिरे विजयी >> बुटवलको प्लान बी मा ‘न्यू ईयर ईभ’ >> भारतका ब्रेन मास्टर सुधिरलाई उपाधि

एमाले सल्यानमा अहिले के पाकिरहेको छ ?

१६ फाल्गुन २०८०, बुधबार
१६ फाल्गुन २०८०, बुधबार

शुरुमै प्रष्ट पारुँ, एमाले सल्यानमा अहिले केही पाकिरहेको छैन । पकाउनलाई जोरजुलम हुँदैछ । टोली जुट्दैछ । कसैले दाउराको जोहो गर्दैछन् । कसैले खाने सरसामानको । कसैले भाँडाकुँडा जुटाउदैछन् त कसैले बस्ने ठाउँको बन्दोबस्त गर्दैछन् त कसैले आगो सल्काउनको लागि तम्तयार हुँदैछन् । सबैभन्दा खुशीको कुरा एमाले सल्यान लामो निद्राबाट भने ब्यूँतिएको छ ।

विशाल संभावना बोकेको पार्टी नेकपा फुट्थ्यो कि फुट्दैन्थ्यो यसै भन्न सकिदैन तर जसरी तिव्र गतिमा अन्तरसंघर्ष चर्किएर छिट्टै फुट्यो त्यसमा सल्यानले भूमिका खेल्यो । प्रकाश ज्वाला त्यसका खलपात्र बने । आफ्नो राजनैतिक जीवनमा ठूलो रिस्क मोले र पार्टीबाट बाहिरिए । विडम्बना पार्टी अन्तरसंघर्षमा ज्वालालाई धुलो चटाएको जिल्लाको शक्तिशाली टिम हाईसुक्क मानेर लामो समय निदायो । सायद सुखको र जितको अभिनय गर्याे । विभाजनको बेला ध्रुवीकरणमा जति यो पंक्तिले ध्यान दिनुपथ्र्याे दिएन । विभाजन पछिको पार्टीभित्रको विभिन्न विचार प्रवृत्तिको व्यवस्थापनमा पनि सृजनशिलता अपनाएन र त्यसपछिका स्थानीय, प्रदेश र संघीय चुनावमा पनि गम्भीरता देखाएन । लामो लडाइँपछि थकाइ मारेको त्यो पंक्ति अब बिस्तारै आँखा खोल्दैछ र देख्दैछ व्यक्ति बाहिरिदैमा प्रवृत्ति सकिदो रहेनछ । एकमना भएर नपुग्दो रहेछ । मदन भण्डारीको राजनीतिमा थकाइ भन्ने कुरा हुँदैन भन्ने भनाइलाई सायद जिल्लाको नेतृत्व पंक्तिले बल्ल बुझ्दैछ र आत्मसात गर्दैछ ।

सल्यानमा सूर्य चिन्हमा छाप हान्ने अथवा एमाले समर्थित जनता कति छन् भनेर जान्न समानुपातिक मत हेरे पुग्छ । अहिले पनि सर्वाधिक सल्यानी जनताले मन पराउने पार्टी भनेको एमाले हो । जनताको नजरमा सबैभन्दा लोकप्रिय पार्टी बनेको एमाले सल्यान आन्तरिक जीवनमा भने अस्तव्यस्त छ । जनवर्गीय संघ संगठनमा को छन्, के हुँदैछ र के गर्दैछन् पार्टी नेतृत्व बेखबर छ । वडा, पालिका र क्षेत्रका पार्टी संगठनहरुका गतिविधि ठप्प छन्, वातावरण सुनसान छ । जिल्लामा पार्टीका कार्यक्रम हुन छाडेको धेरै भयो । जिल्ला कमिटीका साथीहरुको देखादेख नभएको पनि महिनौँ भइसक्यो । सल्यानमा पार्टी खोज्दै आउने जनता र नेता खोज्दै आउने कार्यकर्ताले देख्ने भनेकै त्यो बन्द कार्यलयको रातो घर हो । हात लाउने भनेकै निराशा हो । सबैभन्दा बढी संकोच त त्यो बेला हुन्छ जिल्लाका अधिकांश सरकारी कार्यालय र संघसंस्थाका कार्यक्रमहरु पार्टी प्रतिनिधि बिहिन हुन्छन् । स्थानीय चुनावमा पार्टी नराम्ररी पराजित भयो नेता कार्यकर्ता ब्यूँतिएनन् । प्रदेश र संघीय चुनावमा पार्टीलाई लज्जास्पद परिणाम हात लाग्यो तरपनि जिल्लाको नेतृत्व र कार्यकर्ता पंक्ति ब्यूँतिएन । प्रदेश अधिवेशनमा पनि जुन जुझारु एकता र सकृयता प्रदर्शित हुनपथ्र्याे, भएन । जब आफ्नै अस्तित्व संकटको घण्टी बज्यो सायद भालेको डाँको सँगै ब्यूँतिने गृहणी जस्तैः एमाले सल्यानका नेता कार्यकर्ता आँखा मिच्दै हातखुट्टा टेक्दै भित्ताभित्तामा छामछाम छुमछुम गर्दै बाटो पहिल्याउँदै छन्, जो पार्टीको लागि सकारात्मक कुरा हो ।

जिल्ला अधिवेशनको मिति नतोकिदै खास मुद्दा र विषय सहितको बहस अहिले नै छेडि नहालौँ तर समय अगावै भन्दा फरक नपर्ने केही कुरा भनिहालौँ । राजनीतिमा विचार, सिद्धान्त, नीति, कार्यक्रम, लक्ष्य, रणनीति मुख्य कुरा हुन् तर जब संगठनको कुरा आउँछ त्यहाँ प्रधान भूमिका नेतृत्व र त्यसको पहलकदमीको हुन्छ । कैयौंपटक प्रमाणित भइसकेको कुरा हो, सिद्धान्त र विचार, कार्यक्रम र रणनीति अधिकांश कार्यकर्ताले व्यवहारमा बुझाए मात्र बुझ्छन् भने जनताले परिणाम हात परे मात्र । नेतृत्वको कुशल व्यवस्थापन र साहसिक निर्णयले आम कार्यकर्तामा सकारात्मक प्रभाव परे पार्टी स्वतः सांगठनिक रुपमा बलियो हुन्छ । जब नेतृत्व पुरानै मानसिकतामा हुन्छ कार्यकर्ताको उत्साह त घट्छ नै, जनउभार हेर्दाहेर्दै हराएर जान्छ । तसर्थ नेतृत्व हुनेले, भविष्यमा हुने आकांक्षा राख्नेले समयमै बुझ्नुपर्छ जनसमर्थनको भेललाई सक्षम नेता कार्यकर्ताको मेलले मात्र बाटो देखाउन सक्छ । नेतृत्व प्रदान गर्न समर्थ हुन्छ ।

सल्यानको एमाले समर्थित जनताको विशाल पंक्तिलाई निराश बनाउँदै तितरबितर पारेर आआफ्नो दुनो सोझ्याउन लागिपरेको अन्य वामपन्थी कम्युनिस्ट पार्टी र तिनका नेता कार्यकर्ताहरु अहिले सल्यानका बस्ती बस्तीमा सकृय छन् । पार्टी नेतृत्व पंक्तिले बुझोस् हामीले पहिलो ठूलो गल्ती नेकपा विभाजन पछिको जिल्ला अधिवेशनमा गर्याैँ र त्यसको सजाय र क्षति तिनै तहका चुनावमा पाइसक्यौँ, भोगिसक्यौँ । अब आउँदो अधिवेशनमा त्यो गल्ती दोहोर्याउने छुट हामी कसैलाई छैन । अपार जनमत भएर पनि तिनै तहका चुनावमा लज्जास्पद हार किन बेहोर्नुपर्याे ? पटकपटक देशकै नेतृत्व गरिसकेका केन्द्रीय नेतृत्वहरुले राम्रोसँग बुझेका छन्, चाहे जिल्लाको जोकोही नेता कार्यकर्ता उनको अगाडि हात जोडेर जस्तोसुकै कारण सुनावस्, जेसुकै आरोप प्रत्यारोप लगाओस् र जतिसुकै तितो चुक्ली हालोस् ।

अन्तमा, निश्चय नै अब छिट्टै जिल्लाका गाउँबस्तीमा पार्टीको आन्तरिक जीवनमा पर्व जस्तै मानिने अधिवेशनको चहलपहल बढ्नेछ । विगतको गम्भीर समीक्षा, वर्तमानको विवेकी निर्णय र भविष्यको अपार सफलताको लागि सम्पूर्ण एमाले सल्यान जुट्दैछ र अभियानमा हिड्दैछ । सफलताको शुभकामना ।

आगामी दिनमा बहसको लागि फेरि फेरि आउने गरी अहिलेलाई यत्ति नै । धन्यवाद ।

(लेखक नेपाल कम्युनिष्ट पार्टी (एमाले) जिल्ला कमिटी सल्यानका सचिवालय सदस्य हुन्)

यो खबर पढेर तपाईलाई कस्तो महसुस भयो ?

Admission open

http://www.lws.edu.np