खोज

बुटवल, १५ फागुन । कुस्ती खेल र खेलाडीहरुलाई प्रोत्साहन गर्ने उदेश्यका साथ दाङमा दोस्रो अन्तराष्ट्रिय कुस्ती प्रतियोगिता २०८० शुरु भएको छ । प्रदेश खेलकुद परिषद लुम्बिनीको मुख्य प्रायोजन तथा युथ्स अफ तुल्सीपुरको आयोजनामा मंगलबारदेखी ३ दिने प्रतियोगिता अरनिको मैदान, दाङमा शुरु भएको हो ।

प्रतियोगिताको लुम्बिनी प्रदेश उद्योग तथा यातायातमन्त्री रोज राणा र प्रदेश खेलकुद परिषद लुम्बिनीका सदस्य सचिव जयप्रकाश भट्टराईले उद्घाटन गरेका छन । कार्यक्रममा मन्त्री राणाले दुई देशबिचका परापुर्वकालदेखी रहेको कुस्ती खेलमार्फत खेलाडीहरुमा भाइचारा विकास हुने बताए ।

कार्यक्रममा सदस्यसचिव भट्टराईले पराम्परागत खेलहरुलाई प्रवर्द्धन गर्न प्रदेश सरकार लागेको बताए । ‘कुस्ती, तिर हान्ने, डण्डिबियो लगायत खेल र खेलाडीहरुलाई प्रोत्साहन हुने गरि अभियान थालेका छौ ।’—उनले भने । नेपालमा २५०० वर्षअघिदेखी खेलिदै आएको कुस्ती खेललाई जगाउने गरि प्रतियोगिता र प्रशिक्षणलाई जोड दिएको दाबी गरे । लुम्बिनी प्रदेश सबैभन्दा धेरै खेलकुद गतिविधि गर्नेमात्र नभई खेलको उर्वरभुमि भएको समेत उनले दाबी गरे ।

मंगलबार भएको उद्घाटन खेलमा नेपाली कुस्ती खेलाडी राजु थापा र भारतिय पहलमान बिचको खेल बराबरीमा टुगिएको छ ।यसैगरि दोस्रो खेल सलदीप पहलमान दिल्ली र अशोक पहलवान मेरठिबिच पनि बराबरी भएको छ।

प्रतियोगितामा ३० जना भारतिय, ५ जना नेपाली र २ जना महिला पहलमानहरु अखडामा भिड्ने क्लबका ऋषिराज लहरे (अरुण) ले बताए ।