खोज

बुटवल, १५ फागुन । रुपन्देहीमा दोस्रो मेयर कप तथा छैटौ राष्ट्रिय खुला लनटेनिस प्रतियोगिता २०८० शुरु भएको छ । लनटेनिस खेलको विकास र खेलाडीलाई प्लेटफर्म दिने उदेश्यका साथ बुटवल उपमहानगरपालिकाको सहयोगमा रुपन्देही लनटेनिस संघको आयोजनामा मंगलबारदेखि प्रतियोगिता शुरु भएको हो ।

प्रतियोगिताको एक समारोहका बिच बुटवल उपमहानगरपालिकाका नगरप्रमुख खेलराज पाण्डेयले टुर्नामेन्ट सुपरभाइजर कृष्णराज घलेलाई बल हस्तान्तरण गरि समुद्घाटन गर्दै स्थानिय सरकार खेलकुद क्षेत्रको विकासमा महत्वपूर्ण लगानी गरेको बताए । ‘वार्षिक साढे ३ करोड रुपैया बजेट खेल क्षेत्रमा बिनियोजन गरेका छौ ।‘– उनले भने । शिक्षा र स्वस्थ्यसंगै खेलकुद तथा सास्कृतिक क्षेत्रमा प्राथमिकता दिएर लगानी गर्दै आएको उनले दाबी गरे । लोपोन्मुख खेलहरुलाई समेत प्रवर्द्धन गर्ने गरि अभियान चलाएको उनले बताए । सबै खेललाई बचाउने, जोगाउने र अघि बढाउने काम गर्दै आएको उनले बताए। ‘हामीले देखिने गरि लगानी गरेका छौ ।’— उनले भने । लनटेनिस खेल र खेलाडी उत्पादनमा संघको महत्त्वपूर्ण भुमिका रहेको उनले बताए । बुटवल खेलकुदको हब बनाउन लनटेनिस खेलको महत्वपूर्ण योगदान रहेको उनले बताए ।

कार्यक्रममा प्रदेश खेलकुद परिषद लुम्बिनीका सदस्यसचिव जयप्रकाश भट्टराईले बुटवल खेलकुदको हबका रुपमा विकास भैरहेको बताए । अन्तराष्ट्रियस्तरको कोर्ट निर्माणमा प्रदेश सरकारबाट सहयोग हुने र प्रतियोगिता आयोजनामा समेत सहयोग गर्ने प्रतिवद्घता जनाए ।

कार्यक्रममा संघका अध्यक्ष गोपाल ज्ञवालीले बुटवलको प्रतियोगिता ऐतिहासिक रुपमा परिचय बनाएको बताए । हाल रहेको ४ वटा कोर्टलाई बिस्तार गरि ६ वटा बनाई अन्तराष्ट्रियस्तरको प्रतियोगिता गर्न सकिने सम्भावना रहेको उनले बताए । लनटेनिस कोर्ट निर्माणमा विभिन्न खेलप्रेमीहरुको सहयोग निरन्तर हुँदै आएको बताए । खेलप्रेमी उत्तम लामा र युकेन लामाबाट भएको ५ लाख रुपैया सहयोगमा लाईट जडान गर्ने काम भएको उनले बताए । बुटवलमा अन्तराष्ट्रिय प्रतियोगिता हुने वातावरण सरकारबाट गर्न उनले आग्रह गरे ।

कार्यक्रममा जिल्ला प्रहरी कार्यालय भैरहवाका प्रहरी उपरिक्षक रंजितसिह राठौर, नेपाल टेनिस संघका निवर्तमान अध्यक्ष मनोज सम्शेर राणा, नेपाल टेनिस संघका उपाध्यक्ष राजु श्रेष्ठ, बिनोद कायस्थ, लुम्बिनी प्रदेश लनटेनिस संघका अध्यक्षका अध्यक्ष संजय श्रेष्ठ, कास्की लनटेनिस संघका अध्यक्ष लोक गुरुङ, लुम्बिनी लनटेनिस संघका उपाध्यक्ष मनोज बस्नेत, संघका उपाध्यक्ष डा मनोज ढुगानाले खेलाडी, खेलप्रेमी, संघसंस्थाहरुको सहयोगमा विकासको गति लिएको बताए ।

मंगलबार बिहान भएको उद्घाटन खेलमा मेन्स खुलातर्फ निहालजंग थापाले विकास खड्कालाई ६–४, ६–२ को सेटमा पराजित गर्दै दोस्रो चरणमा प्रवेश गरेका छन । यसैगरि युगेन शेर्पाले निर्मल मगरलाई ६–४, ६–४ को सेटले पराजित गरेको छ ।
मेन्स ३५ प्लसमा बिकास पाण्डेले टिका घिमिरेलाई ६–२, ६–३ को सेट, नबिन श्रेष्ठले रिश्चल थापालाई ६–०, ६–१ को सेट, विकास गुरुङ एचकेले प्रकाश बस्नेतलाई ६–०, ६–३ को सेट, राजन पौडेलले बिश्वास थापाले ६–१, ६–२ को सेटमा पराजित गर्दै क्वाटरफाईनलमा प्रवेश गरेका छन ।

यसैगरि ४५ मेन्स सिगलमा रोहित सुनुवारले छावान लामालाई ६–१, ६–१ को सेट, रामु बिकले तेज लिलाई ६–४, ६–३ को सेट, किम जिम मानले विष्णु चापागाईलाई ६–०, ६–२ को सेट, कमल भण्डारीले बिकास गुरुङलाई ६–१, ६–३ को सेट, माधव भण्डारीले विष्णु बहादुर थापालाई ६–१, ६–० को सेट, अर्जुन गुरुङले मनोज ढुगानालाई ६–०, ६–२ को सेट, शरण गुरुङले मनोज नेपाललाई ६–३, ६–० को सेट र गोपी भट्टराईले केबी तामाङलाई ६–०, ६–१ को सेटमा पराजित गर्दै क्वाटरफाईनलमा प्रवेश गरेका छन ।
यसैगरि ५५ प्लस मेन्स सिगलमा चद्रा शाहीले शिव सेढाईले ६–१, ६–१ को सेट तथा विष्णु हमालले नरेन्द्र सिहलाई ६–१, ६–१ को सेटमा पराजित गर्दै दोस्रो चरणमा प्रवेश गरेका छन ।

मेन्स खुल्ला डबल्सतर्फको खेलमा प्रदिप खड्का र निहालजंग थापाको जोडीले प्रवण खनाल र प्रनव मानन्धरको जोडीलाई ६–४, ७–६ को सेट, संयमबिक्रम शाह र आर्यन गिरीको जोडीले निर्मल मगर र बिबेक गर्बुजाको जोडीलाई ६–०, ६–० को सेट, रितिक राना र ईशान श्रेष्ठको जोडीले उगेन शेर्पा र बिष्णु नेपालीको जोडीलाई ६–२, ६–२ को सेटमा पराजित गर्दै सेमीफाईनलमा प्रवेश गरेका छन ।

यसैगरि ३५ प्लस डबल्समा राज गुरुङ र केबी तामाङको जोडीले सब्बर मिया र गोपाल ज्ञवालीको जोडीलाई २–६, ६–१, १०–४ को सेट, चोम बहादुर शाह र सन्दुप के लामाको जोडीले सागर थापा र बिकास पाण्डेको जोडीलाई ६–१, ६–१ को सेट, रिश्चल थापा र अभिषेक पाठकको जोडीले टिका घिमिरे र प्रकाश बस्नेतको जोडीलाई ६–२, ५–७, १०–५ को सेटमा पराजित गर्दै क्याटरफाईनलमा प्रवेश गरेको टुर्नामेन्ट सुपरभाइजर कृष्णराज घलेले बताए । फागुन १५ देखि १९ सम्म चल्ने प्रतियोगितामा ११ विधामा एक सय खेलाडीहरुले प्रतिस्पर्धा गरेको संघका सचिव सबर मियाले बताए ।