खोज

बुटवल, १५ फागुन ।

राष्ट्रिय एचआईभी तथा एड्स महासंघ नेपालको सातौं राष्ट्रिय महाधिवेशन बुटवलमा सम्पन्न भएको छ । अधिवेशनले खगेन्द्र खड्काको अध्यक्षतामा आगामी तीन वर्षका लागि नयाँ कार्यसमिति चयन गरेको छ ।

अधिवेशनबाट सुजिता अधिकारी, हिरामणिी सिटौला, ईश्वर शाक्य, राजु प्रसाद सुवेदी, मिनादेवी लुहार खुल्ला सदस्य चयन भएका छन् । यसैगरी कोशी प्रदेशमा संजीवकुमार खड्का , मधेश प्रदेश सदस्यमा रेखा महत्तो, वागमती प्रदेश सदस्यमा दिलकुमारी तामाङ्ग, गण्डकी प्रदेशमा मनोज कुमार गरुङ्ग, लुम्बिनी प्रदेश सदस्यमा श्रmृषि शाह, कर्णाली प्रदेश सदस्यमा काली बहादुर शही र सुदुरपश्चिममा सदस्यमा कमला मल्ल सहित १३ जना सदस्य चयन भएको निर्वाचन अधिकृत ईश्वर अधिकारीले जानकारी दिए ।

कार्यक्रममा बोल्दै नवनिर्वाचित अध्यक्ष खड्काले एचआईभी संक्रमित र प्रभावितको शरीरिक मानसिक पक्षको सुधार ल्याई गुणस्तरीय जीवन यापनमा सहयोग गर्ने बताए । उनले राज्यले बनाउने नीति र नियममा आफ्ना मागहरुलाई सम्बोधन गर्ने दबाव सृजना गरेर स्वरोजगार बनाउने कामलाई प्राथमिकतामा राख्ने प्रतिवद्धता व्यक्त गरे ।

उनले संक्रमित बच्चा तथा युवाहरुको शिक्षा, स्वास्थ्थ र रोजगारका लागि आवाज उठाउने र त्यसका लागि सबैको साथ र सहयोग आवश्यक रहेको बताए । त्योसँगै आर्थिक रुपमा सबल भएका संक्रमित युवाहरु विदेश अध्ययन गर्न र रोजगारीका लागि जान नपाउने अवस्था अन्त्यका लागि सबैले आवाज उठाउनु पर्नेमा जोड दिए । यात्रा गुणस्तरीय जीवनको भन्ने नारा सहित शुरु भएको महाधिवेशनमा देशभरबाट करिव एक सय जनाको सहभागिता रहेको लुम्बिनी प्रदेश संयोजक अर्जुन ज्ञवालीले जानकारी दिए ।