खोज

बुटवल, १४ फागुन । नेपाल उत्कृष्ट गन्त्ब्य भएको भन्दै यहा गुणस्तरीय सेवामा जोड दिन जरुरी रहेको होटल ब्यवसायीहरुले जोड दिएका छन । ऐतिहासिक, परम्परागत, सास्कृतिक र भौगोलिक बनावटको हिसाबबाट समेत नेपाल उत्कृष्ट गन्तव्य भएको भन्दै यहा रहेका सेवा उद्योग गुणस्तरीय सेवामा ध्यान दिन जरुरी रहेको नेपालिज होटलियर्स एशोसिसयन लुम्बिनीका अध्यक्ष प्रविण बहादुर पाठकले सोमबार पत्रकार सम्मेलनमा बताए । आफ्नो सेवाको विविधतालाई पहिचान गरि बिक्रि गर्न जरुरी रहेको उनले बताए । नेपालको भौगोलिक बनावट र अवस्थितिको कारण पनि संख्यात्मक भन्दा पनि गुणस्तरीय पर्यटन भित्राउन सकिने सम्भावना रहेको बताए । यसतर्फ कार्ययोजना अघि बढाउने लक्ष्य अनुसार संस्था जन्माएको उनले बताए ।

विश्व सम्पदा सुचिमा सुचिकृत सात वटा स्थल काठमाडौ रहेको, जिवित भगवान कुमारी लगायत धेरै नेपाललाई विश्वमा चिनाउन सकिने हाम्रो चिनारी रहेको उनले बताए । पर्यटकलाई लक्षित गरि बुद्ध जन्मस्थल लुम्बिनीमा वर्थिङ केन्द्र स्थापना गर्न लुम्बिनी विकास कोषसंग सुझाव पेश गरेको दाबी गर्दै पछिल्लो समय यो कुरा निक्कै प्रचारमा रहेको बताए । ‘हामीले पर्यटन सुधारका २४ बुदे माग सरकारसंग राखेको छौ, साथै धेरै पटक डेलिगेसन समेत दिएका छौ ।’—उनले भने । गुल्मीको कफि, छपियाको माछा परिकार, बुटवलमा नाईट लाईफ जस्ता अभियानलाई अघि बढाएको उनले बताए । पर्यटक ६ घण्टा भन्दा बढि सवारी गर्न नपाउने प्रावधान रहेपनि नेपालको सडक विकास कार्यको कारण धेरै समस्या रहेको छ । विश्वका धेरै देशहरु पर्यटक भित्राएर समृद्धि भईरहेको उनले उदाहरण दिदै उनले पर्यटनबाट आर्थिक समृद्धि सम्भव रहेको बताए । यहाँ रहेका सरोकारवाला संघसंस्थाहरु बिच समन्वय अभाव, सरकारको उदारनितिका कारण समस्या रहेको उनले बताए । नेपालमा साहसिक पर्यटन अर्को बिकल्प रहेको उनले बताए ।

कार्यक्रममा एशोसियसनका उपाध्यक्ष दिलिप गौचनले पर्यटन मुख्य मुद्दा बनाएर सेवा उद्योगलाई अघि बढाएको बताए । नेपाल पर्यटनबाट आर्थिक समृद्धिको सम्भावना रहेपनि त्यसको फाईदा लिन नसकेको यथार्थ रहेको उनले बताए । विश्व शान्तिका दुत भगवान गौतम बुद्धको जन्मस्थलमा केही प्रतिशत धार्मिक पर्यटक भित्राउन सके ठूलो आर्थिक लाभ लिन सकिने उनले बताए । देशमा रहेका समयसापेक्ष नीति अभाव कै कारण वर्तमान पर्यटन उद्योग नकारात्मक दिशामा जान लागेको उनले बताए । ‘नया युग अनुसारको नीति सरकारले ल्याउन जरुरी छ ।’– उनले भने ।

कार्यक्रममा एशोसियसनका महासचिव विकास पाण्डेले लुम्बिनीमा धार्मिक पर्यटकको सानो हिस्सामात्र भित्रदै गरेको भन्दै यसलाई बढाउने गरि अभियानलाई अगाडी बढाउन जरुरी रहेको बताए । एशोसियसनमा हाल ४१ वटा होटलहरु संस्थागत भएका छन ।