खोज

बुटवल, ९ फागुन । काठमाण्डौको बिरेन्द्र शान्ति कार्य तालिम केन्द्र, पाचखालमा जडित सोलार प्रोजेक्टको संयुक्त राज्य अमेरिकाका डिपुटी एसिस्टेन्ट सेक्रेटरी राचेल सिल्लरले बुधबार समुद्घाटन गरेका छन । कार्यक्रममा उनले शान्ति स्थापना सम्बन्धी क्षमता अभिवृद्धि गर्ने केन्द्र र ग्लोबल पिस अपरेसन ईनिसियसनको सहकार्यको उदाहरणका रुपमा परियोजना भएको दाबी गरे । नेपाली सेनामार्फत संयुक्त राष्ट्रसंघिय शान्ति स्थापना कार्यमा सहभागी हुने विभिन्न मुलुकका सैनिकहरुलाई सहयोग हुदै आएको उनले बताए ।

कार्यक्रममा युद्धकार्य विभाग प्रमुख उपरथी प्रेमध्वज अधिकारीले सोलार परियोजना निमार्णका लागि जिपिओआईबाट भएको सहयोगप्रति विशेष कृतज्ञता ब्यक्त गरे । संयुक्त राज्य अमेरिकी सरकारको जिपिओआईको सहयोगमा निमार्ण भएको उक्त सोलार १ सय ८५ केभिए क्षमताको छ । बैकल्पिक उर्जा श्रोतको रुपमा जडान भएको सोलार परियोजना तालिम केन्द्रको भौतिक स्तरोन्नतीमा महत्वपूर्ण हुनुको साथै केन्द्रलाई शान्ति स्थापना सम्बन्धी अन्तराष्ट्रिय स्तरको सेन्टर अफ एक्सलेन्सका रुपमा बिकसित गर्दै लैजान सहयोगीसिद्ध हुने उनले बताए ।

तालिम केन्द्रको सबै संरचनालाई आवश्यक विद्याुतीय उर्जाको सो परियोजनामार्फत प्रवाह हुनेछ । जिपिओआईको सहयोगमा नेपाली सेना तथा संयुक्त राज्य अमेरिकी सेनाको सहकार्यमा बिरेन्द्र शान्ति कार्य तालिम केन्द्रमा संचालन भैरहेको शान्ति स्थापना सम्बन्धी बहुराष्ट्रिय अभ्यास शान्ति प्रयासको सिलसिलामा नेपाल आएका हुन ।