ट्रेंडिंग:

>> राजनीतिक र आर्थिक संकट समाधानका लागि संविधानमा पुनरावलोकन हुनुपर्छः त्रिपाठी >> बुद्धज्ञान शिक्षा विश्वव्यापी बनाउन पहल गरौँ : गृहमन्त्री श्रेष्ठ >> लौरियट्स एण्ड लिडर्स सम्मेलनबारे प्रदेशसभामा एमालेको विरोधः मुख्यमन्त्री ‘लेण्डुप दोर्जे’ बन्न खोजेको आरोप >> होटलको छतबाट खसेर एकको मृत्यु >> ५० करोड लागतमा भैरहवामा पर्यटकलक्षित होटल ल्याण्डमार्क सञ्चालनमा >> वीरेन्द्रनगरमा पहिलो महिला सम्मेलन हुँदै >> शालिनको पोस्टमार्टम रिपोर्ट : बलात्कार पुष्टि भएन, झुण्डिएर मृत्यु >> शिखर सम्मेलनबारे विपक्षीले विरोध गर्ने संकेत पाएपछि प्रदेशसभामा गएनन् मुख्यमन्त्री (लाईभ) >> सामाजिक रुपान्तरणका लागि महिला मञ्च दाङको अध्यक्षमा आचार्य >> लुम्बिनी प्रदेशसभामा शिखर सम्मेलनबारे किन बोलेनन् प्रधानमन्त्री ? >> दादुरा रुवेला विरुद्ध खोप सोमबारबाट >> प्रचण्ड र ओलीबीच बालुवाटारमा वार्ता >> राष्ट्रिय सभाका अध्यक्ष तिमिल्सिनासहित २० सदस्यको पदावधि आजदेखि सकिँदै >> शिक्षण सिकाई सहजिकरणमा अनलाइन र डिजिटल माध्यम >> शालिन पोखरेल मृत्यु घटनामा के भन्यो प्रहरीले ? (विज्ञप्तिसहित) >> सरकार र दूध उत्पादक किसानबीच पाँच बुँदे सहमति, आन्दोलनका कार्यक्रम स्थगित >> पश्चिमी वायुले देशभरको मौसम बदली, धेरै ठाउँमा मेघ गर्जनसहित वर्षाको सम्भावना >> महासमिति बैठक कागको कथन जस्तै भयो : उपसभापति गुुरुङ >> घोषणाको चार वर्षपछि गाउँटोलमा शौचालय अभियान >> बाली उपचार चिकित्सामा मिश्र सरको व्यस्तता उस्तै >> धार्मिक बसले बढायो श्रद्धालु >> नेताका सम्पत्ति शुद्विकरण गर्नुपर्ने >> वन्यजन्तु चोरी शिकारीको चिन्ता >> वन्यजन्तु संरक्षणका चुनौतीहरू >> राशीअनुसार तपाईंको आजको भाग्य हेर्नुहोस् : आजको राशीफल >> करिश्मामा निशुल्क स्वस्थ्य परिक्षण तथा परामर्श >> नागरिक समाज दाङको संयोजकमा थापा  >> पश्चिम नेपाल बस ब्यबसायीद्वारा बधार्ई तथा सम्मान >> मानसिक स्वास्थ्य रणनीतिको विषयमा वृहत छलफल >> संघीयता लागु गर्न नचाहने प्रवृत्ति अहिले पनि छ : प्रधानमन्त्री >> नेदरल्यान्ड्सलाई ६ विकेटले हराउँदै नेपाल फाइनलमा >> राष्ट्रिय लनटेनिस प्रतियोगिता : प्रदिप र अभिलाषालाई उपाधि >> लुम्बिनीमा मौलिकता झल्किने नेपाल थेरवाद विहार >> नेपाललाई नेदरल्यान्डले दियो १२१ रनको लक्ष्य >> मिसन ८४ को नारालाई सफल पार्न आफैमा रुपान्तरण पहिलो शर्त : अध्यक्ष बस्नेत >> चौतर्फी आलोचनापछि पत्रकार सम्मेलन गर्न मुख्यमन्त्री वाध्य,सरकारको २ करोड मात्रै,अरु विदेशी सहयोग भन्दै बचाउ >> लुम्बिनी अस्पतालमा मातृ तथा शिशु स्वास्थ्यका लागि सहयोग बढाउने दातृ निकायको प्रतिवद्धता >> नेदरल्यान्ड्सविरूद्ध पहिले फिल्डिङ गर्दै नेपाल >> आज लुम्बिनी बौद्ध विश्वविद्यालयको १५ औं सभाको बैठक, प्रधानमन्त्रीले उद्घाटन गर्दै >> थारु मानक भाषाका लागि भाषा वर्ण निर्धारण अभ्यास >> लोक सांस्कृतिक महोत्सवले संस्कृतिको प्रवद्र्धन गर्छ : मन्त्री थापा >> गोमाको ‘घरको अचार’ >> बाउन्नगढी नै प्राचीन बौद्धकालिन सम्पदा >> साइन्सोत्सव >> छत्रेश्वरीमा छाडा गाई व्यवस्थापन >> राशीअनुसार तपाईंको आजको भाग्य हेर्नुहोस् : आजको राशीफल >> लुम्बिनीमा राज्य पक्षबाट शान्ति भंग गर्ने प्रयास भयो : सांसद शुक्ला (भिडियो सहित) >> न्यून गुणस्तरका तीन औषधी विक्रिमा रोक >> लुम्बिनी, बाग्मती र एपीएफको जित >> एनसेल र ईएन्ड इन्टरनेसनलबीच उत्कृष्ट डिजिटल सेवा र ग्राहक अनुभव प्रदान गर्न समझदारी
विचार

समुदायमा कांग्रेस अभियानको सार्थकता

२४ माघ २०८०, बुधबार
२४ माघ २०८०, बुधबार

नेपाली काँग्रेसको अभियान समुदायमा काँग्रेस लोगो सहित रूपन्देहीमा सहिद दिवसको अवसर पारेर यही माघको १६ गते जिल्ला कार्य समितिले अभियानको शुरुवात गरेको छ । १६ गते देखि शुरु भएको यो अभियान २६ गतेसम्म सन्चालन हुने जनाइएको छ । यो अभियान जिल्लाको १५५ वडाहरूमा संचालन हुनेछ । हिमाल, पहाड, तराई, मधेसमा नेपाली काँग्रेसको राष्ट्रिय अभियानको पहिलोचरण शुरु गरेको केन्द्रिय समितिले जिल्लाहरूमा परिपत्र गरेको छ । यो अभियान मुलुकको ७७ जिल्ला र विदेशस्थित ३३ वटा जनसम्पर्क समितिले एक साथ शुरु गर्ने लक्ष्य अनुसार संचालन भएको हो । मुख्यत यो अभियानको उद्देश्य गुटगत राजनीतिको अन्त्य गर्ने र समुदायमा पुगेर कार्यकर्तासंग भलाकुसारी गर्ने रहेको छ । गुटगत राजनीतिको अन्त्य गरी आन्तरिक एकतामा जोड दिने भनिएको यो अभियानले कुन रूप लिने हो हेर्न बाँकी नै छ ।

नेपाली काँग्रेस नेपालको सबैभन्दा ठूलो समाजवादी र लोकतान्त्रिक राजनीतिक दल हो । यो दलको स्थापना २००६ चैत २७ मा नेपाल राष्ट्रिय काँग्रेस र नेपाल प्रजातान्त्रिक काँग्रेसको एकिकरणबाट भएको थियो । यो दलको युवा संगठन नेपाल तरुण दल हो भने विद्यार्थी सँगठन नेपाल विद्यार्थी संघ हो । सदस्यका आधारमा लगभग १० लाख क्रियाशील सदस्यसहित नेपाली काँग्रेस देशको सबैभन्दा ठूलो पार्टी हो । हाल यो प्रतिनिधि सभामा प्रमुख दल समेत हो । नेपाली काँग्रेसका प्रधानमन्त्रीहरूले राणा शासनको अन्त्य पछि र आम निर्वाचन २०१५ मा नेपालको पहिलो प्रजातान्त्रिक तवरले निर्वाचित सरकार लगायत पञ्चायत युगको सुरुवातका वीच चारवटा सरकारको नेतृत्व गरेका थिए । नेपाली काँगे्रस बहुमत प्राप्त गर्न सफल एक मात्र नेपाली दल हो । जसले तीन चुनावमा बहुमत ल्याएको छ । यसैगरी दुई चुनावबाट यो पहिलो दल बन्न सफल भएको इतिहास छ ।

नेपाली काँग्रेसको इतिहास जति लामो छ, पार्टीभित्र गुटको इतिहास पनि उति लामो छ । राणा र पन्चायतकालमा व्यवस्था परिवर्तनका लागि सँघर्ष गरिरहँदा पनि नेपाली काँग्रेसभित्र गुटको टकराव थियो । तर, बाहिर छताछुल्ल थिएन । चुनावी राजनीतिमा आएपछि २००७, २०१७ र २०४७ यता भने गुटबीच खुलेआम द्वन्द्व भए । नेपाली काँग्रेस स्थापनापछि अहिलेसम्म दुईपटक पार्टीमा ठूला विभाजन हुँदाताका दुवैपटक काँग्रेस नेतृत्वको सरकार थियो । पहिलोपटक २००९ सालमा पार्टी विभाजन हुँदा मातृकाप्रसाद कोइराला प्रधानमन्त्री थिए भने बीपी कोइराला पार्टी सभापति थिए । दोस्रोपटक २०५९ सालमा विभाजन हुँदा शेरबहादुर देउवा नेतृत्वको सरकार थियो । सभापति गिरिजाप्रसाद कोइराला थिए । उनी २०५७ सालमा पोखरामा भएको दशौं महाधिवेशनमा देउवालाई पराजित गरेर सभापति भएका थिए । तर दुई गुटबीचको द्वन्द्व यथावत थियो ।

सरकारको नेतृत्व गरेका देउवालाई २०५९ सालमा संकटकाल नथप्न पार्टीले निर्देशन दियो । माओवादी द्वन्द्व चरम अबस्थामा थियो । देउवाले पार्टी निर्देशन अवज्ञा गर्दै संकटकाल लम्ब्याए । केन्द्रिय समितिमा कोइराला बहुमतमा थिए । उनले पार्टी बैठक राखेर देउवालाई कारबाही गरे । देउवाले ४ असार २०५९ मा बानेश्वरमा आफु पक्षीय कार्यकर्ताको भेला गरेर नयाँ पार्टी नेपाली काँग्रेस ( प्रजातन्त्रिक) गठनको घोषणा गरे । त्यतिबेला देउवालाई गोपालमान श्रेष्ठ, प्रकाशमान शिंह, विजयकुमार गच्छदार, विमलेन्द्र निधि, बालकृष्ण खाँण, पूर्णबहादुर खडका लगायतका नेताले साथ दिएका थिए । पार्टी फुटेको पाँच वर्षपछि फेरि दुवै काँग्रेसबीच एकता भयो र कोइराला नै सभापति कायम रहे । त्यसअघि २००९ सालमा ठूलो फुट हुँदा पार्टी सभापति बीपी कोइराला थिए भने प्रधानमन्त्री मातृकाप्रसाद कोइराला थिए । निवर्तमान पार्टी सभापतिसमेत रहेका मातृकालाई बीपी गुटले कारबाही गरेपछि काँग्रेस विभाजनतर्फ गयो । त्यसबेला काँग्रेस एकैपटक चार चिरा भएको थियो । काँग्रेस स्थापनादेखि नै पार्टीमा मातृका र बीपी गुट जन्मिएका थिए । दुवैको महत्वाकाँक्षाका कारण दुई गुटको द्वन्द्व चलेको थियो । जसको परिणाम खुला राजनीतिमा आएपछि काँग्रेस विभाजित भयो । तर, नेपाली काँग्रेस स्थापनाअघि नेपाली राष्ट्रिय काँग्रेस हुँदा नै बीपी कोइरालाले पार्टी फुटाउने अभ्यास गरिसकेका थिए । डिल्लीरमण रेग्मीसँगको अन्तरद्वन्द्वका कारण बीपीले पहिलोपटक पार्टी फुटाएका थिए ।

माथि उल्लेख गरे अनुसार जुन उद्देश्य राखेर दोस्रो चरणको अभियान समुदायमा काँग्रेस चलाइएको छ र नेपाली काँग्रेसको इतिहास पल्टाएर हेर्दा समुदायमा पनि गुटको असरका कारण काँग्रेस बलियो हुन सकिराखेको छैन । यो अभियानले पार्टी भित्रको द्वन्द्वलाई छुन्छ भन्ने लाग्दैन । अहिलेको अबस्था हेर्दा पनि गुटगत स्थानीय तहमा आफनो पार्टीको मान्छेले जित्छ कि भन्ने चिन्ता उही पार्टीका मान्छेमा देखियो । आफू भए ठिक तर अर्को आउँदा दुःख मनाउ गर्ने, अर्को गुटलाई पाटीकै मानिस नसम्झिने जस्ता कारणले पनि काँग्रेस कमजोर बन्दै गएको छ । बल्लतल्ल चुनाव जितेपनि काम गर्न नदिने र खुट्टा तान्ने गुटगत कार्यकर्ता नै हुने गरेका छन । आफु वा आफनो गुट परे ठिक होइन भने कसरी असफल गराउने भनेर लाग्ने र असहयोग गर्ने आफ्नै पार्टीका हुने गरेका छन । पार्टीभित्र कार्यकर्ताको योग्यता र क्षमताको कदर छैन । हिंजोको दिनदेखि पार्टी सम्हालेका अग्रजको खोजी छैन । कार्यकर्तालाई गुटगत विभाजन गर्दिने, सोधपुछ नगर्ने, कसलाई कुन स्थान दिने हो कुनै मूल्याँकन नगर्ने जस्ता कारण कार्यकर्तामा नैराश्यता छाएको छ । । को बडे नेताको वरिपरी घुम्छ को सँग के स्वार्थ जोडिएको छ, त्यही आधारमा राजनीतिक नियुक्ति बाँडिन्छ । चाकडी र चाप्लुसीमा पाटी चलेको छ ।

नेपाली काँग्रेसले पहिलो चरणमा देश बिदेशमा चलाएको जनजागरण अभियान औपचारिकतामा सकिएको छ । पहिलो चरणको अभियान जस्तै यो पनि औपचारिकतामा सिमित हुने काँग्रेसमा आस्था राख्ने पुराना नेपाली काँग्रेसका बुद्धिजीबीले आँकलन गरेका छन । वडाका टोलदेखि केन्द्रसम्म गुटगत राजनीति हावी छ । जाने दुश्मनसँग जस्तो एउटा गुटले अर्को गुटलाई केही कुरा थाहा नदिने कार्यक्रम अथवा कुनै योजना थाहा पाउँछन कि भनेर तर्सिरहेको अबस्था छ । पछिल्लोसमय स्थानीय तहमा जीत हासिल गरे पछि पार्टीका नियमित बैठक चल्न छोडेका छन । छताछुल्ल यो यो गुट, त्यो त्यो गुटको आदी भनेर गुटगत बिल्ला क्रियाशील कार्यकर्ता सबैलाई भिराइएको छ । एउटा कुनै नेताले भेला बोलाउन भन्यो भने कुन गुट हो त्यसलाई रोक्नु पर्छ भनेर असहयोग गर्ने गतिबिधी छ भने टोलदेखि वडा नगर क्षेत्र जिल्ला र प्रदेशका अधिवेशनले गुट चिनाउने काम गरेको छ । अन्तमा साँच्चीकै समुदायमा काँग्रेस अभियान सफल पार्न वडाका टोल समितिलाई चलायमान गराउनु पर्छ । मेरो काँग्रेस होइन हाम्रो काँग्रेस, राम्रो काँग्रेस भन्ने छाप बाँडेर सबै बिचार बोक्नेलाई ब्यवहारले आफ्नो पार्टीतिर तान्ने वातावरण यो अभियानले ल्याउनुपर्छ र मात्र यो अभियानको सार्थकता रहन्छ ।

 

यो खबर पढेर तपाईलाई कस्तो महसुस भयो ?