ट्रेंडिंग:

>> प्रधान सेनापतिद्धारा सैनिक फिल्ड अस्पताल र महाविद्यालयको उद्घाटन >> पोखरा महानगरमा घुस प्रकरण : तारेखमा छुटिन् उषाकिरण >> सल्यान उद्योग बाणिज्य संघको निर्वाचन तयारी पूरा >> सुझाव संकलन गर्न जनतासँग जनप्रतिनिधि कार्यक्रम >> आफन्तले अझै बुझेनन् भीमाको शव >> लुम्बिनीमा ७ मन्त्रीले लिए सपथ, ११ सदस्यीय भयो मन्त्रिपरिषद् >> अन्ततः एमालेले समर्थन गरेपछि सुदूरपश्चिमको मुख्यमन्त्रीमा सोडारीको दाबी पेश >> लुम्बिनीमा एकीकृत समाजवादीलाई मुख्यमन्त्रीले बनाए ‘खेलौना’, छिनमै सरकारबाट ‘आउट’, छिनमै ‘इन’ >> युक्रेनका प्रधानमन्त्रीको चेतावनीः रुससँगको युद्ध हारेमा तेस्रो विश्वयुद्ध >> सर्वोच्चको आदेशपछि एन्फा उपाध्यक्ष लामा छुटे >> अब ईसेवाबाटै ब्लुबुक नवीकरण र तेस्रो पक्ष बीमा, यसरी लिन सकिन्छ सेवा >> प्रतितोला ६ सय रूपैयाँ घट्यो सुन >> स्वीकृत पाठ्यपुस्तक प्रयोग नगरे कारवाही >> लुम्बिनीमा आज मन्त्रिमण्डल विस्तार हुने , विना विभागीयले पाए जिम्मेवारी >> आज र भोलि बालबालिकालाई भिटामिन ‘ए’ र जुकाको औषधि खुवाइँदै >> आजको मौसमः तराईमा हावाहुरी, पहाडमा वर्षा र हिमपातको सम्भावना >> राजनैतिक स्वार्थको चक्रव्युहमा सामुदायिक विद्यालय >> राष्ट्रिय भूमि आयोग गठन गर >> भिटामिन ए र जुकाको औषधी खुवाउने अभियान सफल बनाऔं >> उद्यम—व्यवसायमा महिला सहकारीको पाइला >> राशीअनुसार तपाईंको आजको भाग्य हेर्नुहोस् : आजको राशीफल >> ईस्टन क्राफट एण्ड फलेयर्स सिरिजमा बुटवलका आठ युवा >> बैशाख ७ गते शालिग्राम महोत्सव हुने >> राप्ती स्वास्थ्य विज्ञान प्रतिष्ठानमा कलेजोमा पिप जमेको शल्यक्रिया सफल >> विप्लवको पार्टीले २०८४ को आम चुनावमा भाग लिने ! >> एसिसी प्रिमियर कप : साउदी अरबद्वारा नेपाललाई ७४ रनको लक्ष्य >> तिलोत्तमामा ऋष्यश्रृङ्गको शालिक अनावरण >> लुम्बिनीमा विषयगत समितिका सभापतिहरूद्वारा सपथग्रहण >> रोहिणी खोला किनारमा तीन अर्ब लागतको पेट्रोलियम डिपो निर्माण सुरु >> नववर्षको आरम्भ चैत्रशुक्ल प्रतिपदा कि वैशाख सङ्क्रान्ति ? >> सल्यानमा बस दुर्घटना हुंदा १३ जना घाइते >> एन्फा उपाध्यक्ष दावा लामा पक्राउ >> जँगली बँदेलले गाउँ पसेर मकैबाली खान थालेपछि स्थानीय चिन्तित >> बेष्ट ईन्स्टिच्युटले सुरु गर्यो लोकसेवा तयारी कक्षा >> घुस प्रकरणमा पोखरा महानगरका इन्जिनियर पक्राउ >> स्थानीय तहमा सडक बत्ती बापतको ३७ करोड बक्यौता, किस्ताबन्दीमा बुझाउने तयारी >> इलाम र बझाङमा उपचुनावको मतपत्र पठाइदै,इलाम २ मा १९ र बझाङमा ११ जना उम्मेदवार >> चार प्रदेशमा चट्याङ्गसहित वर्षाको सम्भावना >> एसीसी प्रिमियर कप : नेपाल र साउदी अरब भिड्दै >> आज रामनवमी पर्व मनाइँदै, देशैभरि सार्वजनिक बिदा >> जीवजन्तु मानव स्वास्थ्यमा खतरा ! >> स्थानीय तहका विज्ञापनहरू कति समावेशी ? >> तंग्रिन सकेनन् घरेलु उद्योग >> उखुले उठाउँदै किसानको आम्दानी >> राशीअनुसार तपाईंको आजको भाग्य हेर्नुहोस् : आजको राशीफल >> सियारीमा रोजगारीको अवसर खोज्न रोजगार संवाद मञ्च >> स्वास्थ्य सेवा बिस्तार गर्दै आम्दा >> गण्डकीका मुख्यमन्त्रीले गरेका निर्णयविरुद्ध कांग्रेस सर्वोच्चमा >> सुदूरपश्चिमका प्रदेश प्रमुखको कदमविरुद्ध कांग्रेस र नाउपा अदालत जाने >> डढेलोले लिदै कर्णालीबासीको ज्यानः दुई महिनामा सातजनाको मृत्यु

तिनाउ सिग्नेचर ब्रिजमा क्रस खुकुरीको डिजाइन : लेक एक्स्पोको आकर्षण (भिडियो सहित)

'खुकुरीको भरमा अंग्रेज़ फौजलाई हराएको जितगढी किल्लाको छेउमा बन्ने सिग्नेचर पुलको डिजाइनमा विद्यार्थीहरुले विरताको प्रतीक क्रस खुकुरी राखेको डिजाइन राम्रो'
२३ पुष २०८०, सोमबार
२३ पुष २०८०, सोमबार

बुटवल,२३ पुस । बुटवलको तिनाउ नदीमा बन्ने भनिएको सिग्नेचर पुलको नौलो डिजाइन लेक एक्स्पोको मुख्य आकर्षण बनेको छ । ६ लेनको सडक सहितको सिग्नेचर ब्रिजमा क्रस खुकुरी राखेर नौलो डिजाइन दिइएको हुंदा धेरैले यो डिजाइनको प्रशंसा गरेका छन् । सिग्नेचर ब्रिज पुलको आधुनिक प्रकार हो, यो अन्य पुलको तुलनामा निकै आकर्षक हुन्छ । अधिकांश शहर नजिकैका नदीहरूमा सिग्नेचर ब्रिज डिजाइन गरिन्छ । लुम्बिनी इन्जिनियरिङ म्यानेजमेन्ट एण्ड साइन्स कलेज (लेक) भलवारीमा आयोजित एक्स्पोमा सिभिल इन्जिनियरिङका विद्यार्थीहरुले सिग्नेचर ब्रिजको नौलो डिजाइन प्रदर्शनमा राखेका हुन् ।

विश्व बैंकको ऋण अनुदानमा बन्ने सिग्नेचर ब्रिजको विदेशी शैलीको डिजाइन यसअघि नेपाली र विदेशी इन्जिनीयरहरूको टोलीले तयार गरेपनि ती डिजाइन भन्दा आफूहरुले बनाएको डिजाइन राम्रो भएको विद्यार्थीको दावी छ ।
बुटवलको पहिचान र चिनारी नेपाली फौजले जितगढीमा अंग्रेज फौजलाई हराएको इतिहास भएकाले नेपाली विरताको चिनो खुकुरीलाई क्रस गराएर डिजाइन गरिएको विद्यार्थी युकेश ज्ञवालीले बताए । जितगढीको ऐतिहासिक विरासतलाई सधै जोगाउन र पर्यटकीय दृष्टिले पनि राम्रो हुने गरी आर्किटेक्ट डिजाइन गरिएको विद्यार्थी युकेशले बताए । पाइल फाउण्डेसनमाथि ६ हजार मेट्रिकटन तौलको स्टिलको स्ट्रक्चरलाई क्रस खुकुरी आकारमा डिजाइन गरी बनाइने हुंदा अन्य डिजाइन भन्दा बलियो र सयौं वर्ष टिकाउ हुने उनले दावी गरे ।

युकेश सहित आयुश कक्षपति,आदर्श शर्मा,कृष्ण बन्जाडे,उपेन्द्र भट्टराई र आकाश लगायतले ६ जनाको समूहले सिग्नेचर ब्रिजको डिजाइन गरेका हुन् । यो डिजाइनबारे विद्यार्थीहरुले बुटवल उपमहानगरपालिकालाई पनि जानकारी गराएका छन् । बुटवल उपमहानगरपालिका र सैनामैना नगरपालिकाका प्रतिनिधिहरु पनि एक्स्पोमा आएर यो डिजाइन हेरेर राम्रोे लागेको प्रतिक्रिया दिएका विद्यार्थी आयुश कक्षपतिले बताए ।
विद्यार्थीको डिजाइनमा नेपाली सेनाले अंग्रेज सेनालाई लखेटेको आकृति झल्किने डिजाइन बनाएमा अझै राम्रो हुने एक्स्पो हेर्न पुगेका दर्शकको सुझाव छ । सडक डिभिजन कार्यालय बुटवलका सूचना अधिकारी इन्जििनियर महेश्वर लम्सालले खुकुरीको भरमा अंग्रेज़ फौजलाई हराएको जितगढी किल्लाको छेउमा बन्ने सिग्नेचर पुलको डिजाइनमा विद्यार्थीहरुले विरताको प्रतीक क्रस खुकुरी राखेको डिजाइन राम्रो लागेको बताए । ‘यो डिजाइन जितगढीको ऐतिहासिकता र मौलिकताको हिसाबले मात्र नभई पर्यटकीय हिसाबले पनि ठिक हुने देखियो’–लम्सालले भने ।

बुटवलका निर्माण व्यवसायी जविन कक्षपतीले नेपाल –अंग्रेज युद्ध झल्किने गरी सिग्नेचर ब्रिजमा डिजाइन बनाउन सम्बन्धित सरकारी निकायले छलफल गरेर अन्तिमरुप दिनु राम्रो हुने बताए । ‘विद्यार्थीले बनाएको डिजाइन आफैमा मौलिक र नौलो छ, यसमा नेपाल–अंग्रेज युद्ध झल्किने आकृतिको डिजाइन बनाउन इन्जिनियरिङ हिसाबले पनि बलियो र उपयुक्त हुने भए त्यसो गर्दा झनै राम्रो देखिन्छ र पर्यटकलाई पनि आकर्षित गर्न सकिन्छ’–उनले भने ।
विश्व बैंकको ऋण सहयोगमा बुटवलसहित मुलुकका विभिन्न १० स्थानमा आकर्षक सिग्नेचर ब्रिज डिजाइनका लागि यसअघि केपी शर्मा ओली नेतृत्वको सरकारका अर्थमन्त्री तथा रूपन्देहीका सांसद विष्णुप्रसाद पौडेलले बजेट विनियोजन गरेका थिए ।

सिग्नेचर ब्रिज जस्तै एक्स्पोमा सवारी साधन दुर्घटना भएको ५ सेकेण्डभित्र लोकेसनसहित दुर्घटनाबारे चालकको नजिकको व्यक्तिलाई मोबाइलमा म्यासेज पठाएर जानकारी दिने एप्स, फोहोरबाट मल र विद्युत निकाल्ने प्रविधि, पुराना भवनलाई नभत्काई नयां बनाउने (रेट्रोफिटिङ) प्रविधि, स्मार्ट सिटी , दुर्गम वस्तीलाई सुगम बनाउने प्रविधि, पहिरो गएपछि बाटो अवरुद्ध भएको जानकारी प्रहरीलाई स्वतःगराउने एप्स लगायतका विद्यार्थीका आविष्कारहरु एक्स्पोका आकर्षण बनेका कलेजका निर्देशक तुलसीप्रसाद सापकोटाले बताए ।

दुई दिनसम्म चलेको एक्स्पोमा सिभलतर्फ २४,कम्प्युटरतर्फ १४ र इलेक्ट्रिक र इलेक्ट्रोनिक्स तर्फका १२ गरी ५० परियोजना विद्यार्थीले प्रदर्शन गरेका थिए ।

विद्यार्थीका नयां खोज, अनुसन्धान र आविश्कारलाई रुपन्देहीका २४ वटा कलेजका विज्ञान र प्राविधिक विषयका विद्यार्थी र अभिभावक गरी करिब ९ हजार जनाले अवलोकन गरेका कलेजका सदस्य सचिव केएन पाण्डेले जानकारी दिए । कलेजका विद्यार्थीहरुको क्षमता अभिवृद्धिसहित व्यक्तित्व विकास गर्ने र देशमा नयाँ प्रविधि भित्र्याउनसमेत टेवा पु¥याउने उद्देश्यले आयोजना गरिएको लेक एक्स्पो सोचे भन्दा सफल भएको पाण्डेले बताए ।


डिप्लोमादेखि मास्टर डिग्रीसम्म पूर्णतः इन्जिनियरिङ्ग पढाइ हुने कलेजमा हाल डिप्लोमा १४९, व्याचलरमा ६७५ र मास्टर डिग्रीमा ६० जना गरी ८८४ जना विद्यार्थी अध्ययनरत रहेका छन् भने कलेजले विद्यार्थीहरूको प्रतिभा तथा क्षमता प्रदर्शन गर्न एक्स्पो आयोजना गर्दै आइरहेको थियो ।

 

यो खबर पढेर तपाईलाई कस्तो महसुस भयो ?