खोज

काठमाडौं ।

यूएईमा सुरु भएको यू १९ एसिया कप अन्तर्गत पहिलो म्याचमा नेपालले टेस्ट राष्ट्र पाकिस्तानलाई १५३ रनको सामान्य लक्ष्य प्रस्तुत गरेको छ ।

पाकिस्तानका जिसन खान एक्लैले ६ विकेट लिएपछि नेपालको ब्याटिङ धराशयी भयो । नेपालका लागि उत्तम थापामगरले अर्धसतक बनाए ।

टस हारेर पहिले ब्याटिङमा निम्त्याइएको नेपालले खराब सुरुवात गरेको थियो । पाकिस्तानी बलरहरुको पेस र बाउन्सलाई नेपाली ब्याट्सम्यानहरुले सामना गर्न सकेनन् । सबैभन्दा बढी आशा गरिएका कप्तान देव खनाल र राष्ट्रिय टीमका अनुभवि गुल्शन झा दुवै फ्लप भए ।

पाकिस्तानका जसिम साहले अविस्मरणीय बलिङ गर्दै नेपालका ६ विकेट लिए । उनले ओपनर अर्जुन कुमाल, देव खनाल, दिपेश कँडेल, विशाल विक्रम केसी, विपिन रावल र आकाश चन्दको विकेट लिएका थिए । अग्लो कदका जिसनको बाउन्सले नेपालका ब्याट्सम्यानलाई अप्ठेरोमा पारेको थियो ।