खोज

सल्यान, ८ मंसिर ।

सडकमा चिप्लिएर बस दुर्घटना हुंदा सल्यानमा ६ जना घाइते भएका छन् । राप्ती लोकमार्ग अन्तर्गत सल्यानको शारदा–६ भट्टचौरमा ना ४ ख ३९९६ नम्बरको बस शुक्रवार दिउँसो पौने तीन बजेतिर दुर्घटना हुंदा ६ जना घाइते भएको जिल्ला प्रहरी कार्यालय सल्यानले जनाएको छ ।

घाइतेहरुमा सल्यानको कुमाख ७ जिमाली बस्ने २५ वर्षीय लाल बहादुर शाही, बागचौर २ बस्ने १० वर्षीय बालक सुशान्त केसी, ५५ वर्षीया सावित्रा ओली, ७८ वर्षीया झुपा केसी, दाङको बबै ७ बस्ने ३८ वर्षीय कुशल डांगी र बांकेको राप्तिसोनारी ३ बस्ने बर्ष ५० कि डिला खड्का रहेको कार्यालयका सूचना अधिकारी भवानी प्रसाद धमलाले जानकारी दिए । घाइते मध्ये लाल बहादुरको अवस्था गम्भीर रहेको प्रहरीले जनाएको छ ।

घाइतेहरुको श्रीनगरमा उपचार भैरहेको पनि प्रहरीले जनाएको छ । तुलसीपुरदेखि सल्यान दार्मा तर्फ जाँदै गर्दा २८ जना यात्रु बोकेको उक्त बस सडकमा चिप्लिएर सडकको बायाँ तर्फ ठोक्किएको थियो ।