खोज

बुटवल, २७ असोज ।

नेपाली कांग्रेस रुपन्देही २ को रिक्त क्षेत्रीय सभापति र सहसचिव पदका लागि पार्टीका दुई समूहबीच शनिबार मतदान सुरु भएको छ ।

बुटवलको बालमन्दिरमा जारी निर्वाचनमा बुटवल उपमहानगरपालिकाका नगर प्रमुख तथा नगर सभापति खेलराज पाण्डेय, सभापतिका दुई उम्मेदवारले पनि मतदान गरिसकेका छन् ।

स्थानीय चुनावको समयमा पार्टीको १४ औं महाधिबशेनबाट निर्वाचित हरि लम्सालले पदबाट राजीनामा दिएपछि क्षेत्रीय सभापति पद रिक्त रहेको थियो ।

त्यस्तै तत्कालीन सहसचिव राजबहादुर क्षेत्री रास्वपा प्रवेश गरेपछि उक्त पद पनि रिक्त थियो ।

यसबाहेक रुपन्देहीका एउटा गाउँपालिका र ५ वटा वडामा उपनिर्वाचन हुँदैछ । रुपन्देहीको गैडहवा गाउँपालिका सभापतिको लागि पनि नै निर्वाचन हुँदैछ । त्यहाँ योगेन्द्र चौधरीको एकल उम्मेदवारी परेको छ । त्यस्तै देवदह नगरपालिकाको वडा नंं ६, ओमसतियाको ४, मायादेवीको ५, मर्चवारीको ४ नंं वडामा पनि निर्वाचन हुँदैछ ।