ट्रेंडिंग:

>> टी-२० विश्वकप: नेपालले टस जितेर पहिला फिल्डिङ गर्दैं >> ज्येष्ठ नागरिकमाथिको दुव्र्यवहार रोक >> आर्थिक बर्ष सकिन लाग्दा विकास निर्माणको चटारो >> बुटवल–लमही प्रसारण लाइन, २६ अर्ब लागतमा १ सय ७० किलोमिटर बन्ने >> सय भन्दा बढि स्थान बाढी पहिरोको जोखिम क्षेत्र >> महामारीले जन्मिएका ‘उद्यमी’ >> राशीअनुसार तपाईंको आजको भाग्य हेर्नुहोस् : आजको राशीफल >> यातायात व्यवस्था कार्यालय बुटवलका पुर्व प्रमुख सहित ५ जना नक्कली लाइसेन्स प्रकरणमा पक्राउ >> एचआईभी संक्रमितलाई छात्रवृत्ति, शैक्षिक र पोषण सामग्री वितरण >> टी–२० विश्वकपः बंगलादेशसँग १० वर्षपछि बद्ला लिने मौका >> सामाजिक सुरक्षा भत्ता लिन राष्ट्रिय परिचयपत्र अनिवार्यविरुद्ध सर्वोच्चमा रिट दायर >> बजाज पल्सर एन १५० अब नेपाली बजारमा >> घोराही उपमहानगरपालिकाको नीति तथा कार्यक्रम सार्वजनिक >> पश्चिम तराईमा असार ६ सम्म तातो हावाको लहर यथावत रहने >> लुम्बिनी र सुदुरपश्चिम प्रदेश प्रमुखबिच भेटघाट >> तेस्रो न्यू होराइजन एसईई फेस्टमा विद्यार्थीको उत्साहजनक सहभागिता >> बुटवलमा ग्रील जोनलाई संघीय सरकारको एक करोड वजेट >> बूढीगण्डकीको अन्यौलतालाई हटाउनुपर्छ : विश्वप्रकाश >> कबाड व्यवसायीको काठमाडौँमा प्रदर्शन, बालेनविरुद्ध नाराबाजी >> करको दर नभई दायरा बढाउन ब्यवसायीको सुझाव >> भारतको उत्तराखण्डमा पर्यटक बोकेको गाडी नदीमा खस्दा १४ जनाको मृत्यु >> संसदीय समितिको बैठकमा एनजीओको खाजा ! >> युसीएमएस भैरहवाद्वारा कपिलवस्तुमा सरोकारवालाहरुसँग अन्तरक्रिया >> पाल्पामा जिप दुर्घटना हुँदा नौ जना घाइते >> कांग्रेस र एमालेका जनप्रतिनिधिले वहिष्कार गरेपछि काठमाडौंको नगरसभा स्थगित >> भिजिट भिसाको दुरुपयोग बढ्दैः अध्यागमनले ५ सय भन्दा बढीलाई विमानस्थलबाटै फर्कायो >> प्रतिनिधिसभा बैठक आज बस्दै, यस्ता छन् कार्यसूची >> कोशी, गण्डकी र बाग्मती  प्रदेशमा चट्याङ्ग सहित वर्षा, यस्तो छ आजको मौसम पूर्वानुमान >> इन्धनको मूल्य घट्यो >> कोलनगर नजिकै थप पुरातात्विक बस्तु फेला >> मकैमा फौजी किराको प्रकोप >> प्रदेश सरकारका अस्थिर पर्यटन नीति र त्यसका असरहरू >> प्रगति विवरण होइन, काम देखाउ सरकार >> राशीअनुसार तपाईंको आजको भाग्य हेर्नुहोस् : आजको राशीफल >> मोटरबाटोले हरायो बटुवा हिंड्ने गोरेटो >> चाइना स्टेट कम्पनीको ३ वटा टिपर र एउटा जेसिबी प्रहरी नियन्त्रणमा >> काकाकुल रेक्चाबासी : पानी माग्न आन्दोलन >> छिपछिपे सहकारीका ७ जना पुर्पक्षका लागि कारागार चलान >> लुम्बिनीको वजेट ३८ अर्ब ९५ करोड (पूर्ण पाठ सहित) >> चिदिका–रुपन्देही सम्पर्क समाजको रक्तदान, १५१ युनिट रगत संकलन >> चाैथाे अधिवेशन । तेह्राैं बैंठक | लुम्बिनी प्रदेश सभा । २०८१ असार १ गते >> आईसीसीले पनि भन्यो– दक्षिण अफ्रिकाविरुद्ध नेपालको प्रदर्शन गर्व गर्न लायक >> राप्रपा नेपालले आगामी फागुनमा राष्ट्रिय महाधिवेशन गर्ने >> तिलोत्तमा व्यापार संघद्वारा ९ वटा वस्तुगत समिति गठन >> तिलोत्तमा व्यापार संघद्वारा कार्यालय प्रमुखको बिदाई र स्वागत >> मातृभाषी चलचित्रसम्बन्धी विचार गोष्ठी बुटवलमा सम्पन्न >> राष्ट्रपति पौडेल आजदेखि जर्मनीको औपचारिक भ्रमणमा >> दक्षिण अफ्रिकासँग १ रनले हार्‍यो नेपाल, सुपर ८ मा पुग्ने सम्भावना समाप्त >> नेपालले दक्षिण अफ्रिकालाई ११५ रनमै रोक्यो, कुशल भुर्तेलले लिए ४ विकेट >> नेपाल टस जितेर फिल्डिङ गर्दै, सागरको ठाउँमा सन्दीप

नेम्वाङलाई सम्झिँदै ओलीले लेखे : संविधान रोक्ने दबाबलाई उहाँले स्वीकार्नु भएन, बरु नाकाबन्दी खप्यौँ

२८ भाद्र २०८०, बिहीबार
२८ भाद्र २०८०, बिहीबार

काठमाडौं, २८ भदौ ।

नेकपा एमालेका अध्यक्ष केपी शर्मा ओलीले पार्टीका दिवंगत उपाध्यक्ष सुवास नेम्वाङको अडानकै कारण २०७२ असोज ३ गते नेपालको संविधान जारी भएको बताएका छन्।

मंगलबार निधन भएका नेम्वाङको बिहीबार दिउँसो पशुपति आर्यघाटमा अन्तिम संस्कार गरिएको छ। नेम्वाङलाई अन्तिम बिदाइ गरेर फर्किएका ओलीले २०७२ मा संविधानसभाको अध्यक्ष रहेका नेम्वाङको अडान र सक्रियताकै कारण संविधान जारी गर्न सम्भव भएको बताएका हुन्।

‘प्रिय! साथी सुवास नेम्वाङलाई सदाका लागि बिदाइ गरेर आर्यघाटबाट फर्केपछि आज मैले आठ वर्षअघि यसै समयको डायरीको पाना पल्टाएँ’, उनले सामाजिक सञ्जाल फेसबुकमा लेखेका छन्, ‘त्यस कठिन बेलाको दृश्य आँखाअगाडि आयो। नेपालमाथि नाकाबन्दीको हल्ला चलिसकेको थियो, सुरक्षाको कारण देखाएर सीमानाकामा गाडी रोकिन थालिसकेका थिए। भूकम्पको ठूलो क्षतिबाट उठ्न सकेका थिएनौँ। अत्यावश्यक इन्धनको अभावले बजारमा हाहाकार सुरु भइसकेको थियो।’

संविधान जारी गर्ने समयमै विभिन्न जातीय, क्षेत्रीय र धार्मिक समूहलाई उत्तेजित बनाउने काम हुँदा पनि त्यसलाई सम्हालेर संविधान जारी गर्न सफल बताएको बताएका छन्।

‘त्यहीबेला विभिन्न जातीय, क्षेत्रीय, धार्मिक समूहलाई उत्तेजित बनाउने र त्यसबाट देशलाई अस्थिरतातर्फ लैजाने प्रयास भित्रभित्रै भइरहेका थिए’, ओलीले संविधान जारी गर्दाको समय सम्झिँदै लेखेका छन्, ‘नेपाललाई स्वतन्त्र राष्ट्रका रुपमा रहन नदिने एउटा प्रहार खेपिरहेका थियौँ।  संविधानसभामा सधैँ शान्त रुपमा प्रस्तुत हुने उहाँ त्यो दिन कडा रुपमा प्रस्तुत हुनु भएको थियो।’

ओलीले त्यसबेला दलका  नेताहरु, संविधानसभाका अध्यक्ष नेम्वाङ र तत्कालीन प्रधानमन्त्री सुशील कोइरालामाथि संविधान रोक्न तीव्र दबाब आएको खुलाएका छन्।

‘दलका नेता, संविधानसभाका अध्यक्ष, प्रधानमन्त्री सबैलाई संविधान रोक्न निकै ठूलो दबाब थियो’, उनले भनेका छन्, ‘भारतीय विदेश सचिव (एस जयशंकर, जो अहिले भारतीय विदेशमन्त्री छन्) आएर फर्केपछि सुवासजी तत्कालीन प्रधानमन्त्री सुशील कोइरालालाई भेटेर अलि अत्तालिँदै मलाई भेट्न आउनु भयो’, उनले अगाडि लेखेका छन्, ‘उहाँले अलिक हडबडाउँदै भन्नुभयो–‘डरलाग्दो स्थिति छ, ३ गते (असोज) संविधान जारी गर्नबाट रोकियो भने संविधान मात्रै होइन, सबै बर्बाद हुने छ। यस्तो भयो भने त देश नै सकिन्छ।’

भारतीय विदेश सचिवको दबाबबीच नेम्वाङले तत्कालीन राष्ट्रपति डा. रामवरण यादवलाई भेटेको कुरा पनि ओलीले सम्झिएका छन्।

‘उहाँ असोज ३ गते संविधान जारी गर्न संसद्‍मा आइदिन निम्तो लिएर राष्ट्रपति रामवरण यादवकहाँ जाँदा आउने, नआउने केही भन्नु भएनछ’, ओलीले लेखेका छन्, ‘नआउन पनि सक्ने देखेँ, के गर्ने होला?’ सुवासजी संविधान जारी नहुने चिन्ताले उत्तेजित हुनु भएको रहेछ। उहाँलाई मैले तपाईं ३ गतेको तयारी गर्नुस्, जे हुन्छ, त्यही दिन गरौँला भनेँ।’

असोज ३ गते संविधान जारी भएलगत्तै नेपालमा भारतीय नाकाबन्दी सुरु भएको थियो। ‘हुन पनि संविधान जारी भएपछि नाकबन्दी भयो’, ओलीले अन्तिममा लेखेका छन्, ‘हामीले नाकाबन्दीको त्यो अप्ठ्यारो पार गरेको झलझली सम्झिरहेको छु, सुवासजी।’

यो खबर पढेर तपाईलाई कस्तो महसुस भयो ?