खोज

बुटवल,१९ जेठ । तिलोत्तमा–४ स्थित ज्ञानगंगा पाठशालाले साप्ताहिक कार्यक्रम अन्तर्गत विविध प्रतियोगिता सम्पन्न गरेको छ । शुक्रबार भएका प्रतियोगिताहरुमा कक्षा ७,८ र ९ का विद्यार्थीबीच छात्र, छात्रा ब्याडमिन्टन,कक्षा ४,५ र ६ का विद्यार्थीबीच नेपाली हस्तलेखन , कक्षा १,२ र ३ का विद्यार्थीबीच स्रुति लेखन र पुर्व प्राथमिक तहमा गायन प्रतियोगिता सम्पन्न भएका हुन् ।
प्रतियोगितामा विजयी विद्यार्थीलाई एक समारोहबीच पुरस्कार वितरण गरिएको छ । कार्यक्रममा विद्यालयका प्रबन्ध निर्देशक युवराज न्यौपाने,प्राचार्य चन्द्र अधिकारी,सहप्राचार्य केशवराज पन्त तथा मावि संयोजक श्रीमणी न्यौपानेले विजयी विद्यार्थीलाई पुरस्कार तथा मायाको चिनो प्रदान गरे । ब्याडमिन्टन प्रतियोगिता शिक्षक मनिष पौडेल र निमावि संयोजक कमल थापाले सञ्चालन गरेका थिए भने समग्र कार्यक्रम विद्यालयका अतिरिक्त क्रियाकलाप प्रमुख राजेश रोकाको संयोजकत्वमा भएको थियो । ज्ञानगंगा पाठशालाले अतिरिक्त क्रियाकलापमा विद्यार्थीहरुलाई अब्बल बनाउने उद्देश्यका साथ विविध प्रतियोगिता नियमित सञ्चालन गर्दै आएको शिक्षक कुलचन्द्र पुरीले बताए ।