बाँके, जेठ ।
१ सय ३३ वर्ष पुरानो नेपालगन्जस्थित भेरी अस्पतालमा भौतिक पूर्वाधार थपिए पनि जनशक्तिको अभाव भने टार्न सकिएको छैन । पश्चिम नेपालको प्रमुख ‘रेफरल’ अस्पतालका रुपमा रहेको भेरीको स्थापना बिक्रम सम्वत १९४७ मा भएको थियो ।
पूर्वाधार थपिनेक्रममा बुधवारदेखि अत्याधुनिक सुविधा सम्पन्न आपत्तकालिन कक्ष सञ्चालनमा आएको अस्पताल प्रमुख डा बद्री चापागाईले जानकारी दिएका छन् । उनका अनुसार, १५ शैयाको आपत्तकालिन कक्ष रहेकोमा अब फराकिलो बिरामीको अवस्था अनुसार रातो, पहेलो र हरियो चिन्ह देखिने कक्ष सहितको आपत्तकालिनकक्ष सन्चालनमा आएको छ । संघीय आयोजना कार्यान्वयन इकाई मार्फत रु ३३ करोड लागतमा नयाँ भवन निर्माणको काम अन्तिम चरणमा पुगेको छ ।
पूर्वाधार थपिदै गएपनि अस्पतालले भने जनशक्ति अभाव झेलिरहेको छ । पर्याप्त मात्रामा जनशक्ति नहुँदा सेवा प्रभावकारी नभएको मात्र नभई भएकै जनशक्तिलाई समेत अधिक काम गर्नुपर्ने अवस्था रहेको तीन वर्षे कार्यकाल सकेर बुधवार बिदाई भएका अस्पताल विकास समितिका अध्यक्ष प्रमोद धितालले बताए ।
‘अस्पतालको सेवा प्रभावकारी बनाउनका लागि पछिल्लो समय पूर्वाधार निर्माणकोकाम राम्रै भएको छ । तर सोही अनुसार जनशक्तिको व्यवस्थापन गर्नुपर्ने टड्कारो आवश्यक मैले महसुस गरे ।’–निर्वतमान अस्पताल विकास समितिका अध्यक्ष धितालले भने । अस्पतालमाा बिरामीको चाप बढेको बढेयै छ । गत आर्थिक वर्षमा मात्र ९५ हजारले ओपिडी सेवा लिएका थिए ।
आवश्यक जनशक्तिको सर्भे गरेर स्वास्थ्य मन्त्रालयमा जनशक्तिको माग गरिएकोअस्पताल विकास समितिका निर्वतमान सदस्य धनिराम ओली बताउँछन् । तर त्यो स्वीकृत हुन सकेको छैन । १ हजार ३ सय ७६ चिकित्सक कर्मचारी आवश्यक रहेको प्रतिवेदन मन्त्रालयमा पठाइएको तर स्वीकृत नभएको बताउँदै ओलीले भने,–‘यदि प्रतिबेदन अनुसारको दरबन्दी कायम हुने हो भने पक्कै पनि सेवा अझ प्रभावकारी हुन्छ ।’
भेरीमा लुम्बिनी प्रदेशको सावित भेरी र राप्ती अन्चल, कर्णाली एवं सुदुरपश्चिम प्रदेशका बिरामीहरु एपचारका लागि आउने गरेका छन् । सेवाले सामाजिक सुरक्षा लक्षित गरेर बनाएका छुट सुविधाका कार्यक्रम समेत लागु गरेकाकारण अस्पतालमा बिरामीको चाप बढेको हो । बिरामीको चाप बढे अनुसारको जनशक्ति नथप्दा सेवा प्रभावकारी बन्न सकेको छैन ।
