काठमाडौँ ।
लोकतान्त्रिक समाजवादी पार्टी, नेपालले सत्ता गठबन्धनका दलहरूलाई सरकारमा सम्मानजनक सहभागिता गराउनुपर्ने बताएको छ ।
बिहीबार पार्टी केन्द्रीय कार्यालयमा बसेको कार्यकारिणी समितिको बैठकपछि पत्रकारहरूसँग कुराकानी गर्दै वरिष्ठ नेता शरतसिंह भण्डारीले सरकारमा सहभागी हुने दलहरूलाई सम्मानजनक सहभागिता गराउनुपर्ने बताएका हुन् ।
उनले निर्वाचनअघिको गठबन्धन ब्युँतिएकाले आफ्नो पार्टी पनि सरकारमा सहभागी हुने र गठबन्धनलाई पाँच वर्ष नै टिकाएर लैजान पार्टीले भूमिका खेल्ने बताए ।
भण्डारीले गठबन्धनलाई ५ वर्ष टिकाएर जनताको अपेक्षाअनुसारको सुविधा दिने र सुशासन, समृद्धि र कानुनी राज्य स्थापना गर्न पार्टी लाग्ने र सरकारलाई पनि झक्झकाउने निर्णय बैठकले गरेको बताए ।
बैठकले पार्टीको संगठन विस्तार गर्ने र पार्टीलाई नयाँ ढंगबाट अघि बढाउन निर्णय गरेको पनि वरिष्ठ नेता भण्डारीले बताए । उनले बारा २ को उपनिर्वाचनमा आफ्नो पार्टीका तर्फबाट पनि उम्मेदवारी दिने कुरा स्वाभाविक रहेको बताए
