खोज

बुटवल,  चैत- शसस्त्र प्रहरी बलको एपीएफ क्लबलाई २–१ गोलले स्तब्ध पार्दै फ्रेन्डस क्लब कुपन्डोल रुपन्देहीमा जारी २२ औ तिलोत्तमा गोल्ड कप नकआउट फुटबल प्रतियोगिताको अन्तिम चारमा स्थान बनाएको छ । सोमबार भएको प्रतिस्प्रर्धात्मक खेलमा फ्रेन्डसले विभागिय टिमलाई पाखा लगाउदै अन्तिम चारमा स्थान बनाएको हो । शुरुवातबाट नै खेलमा हाबी रहेको फ्रेन्डसले पहिलो हाफ गोल भने गर्न सकेन । विदेशी खेलाडी राफिक अमिनुले खेलको पाचौ मिनेटमा राम्रो अवसर गुमाए । उनले दशौ मिनेटमा एपिएफका गोलकिपर अन्जन श्रेष्ठलाई विट गराउदै गरेको प्रहार पोष्ट बाहिर गयो ।

तेस्रो पटक सन्जोग महर्जनको क्रसलाई राफिकले हेडमार्फत दिशा दिन सकेन । खेलको २५ औ मिनेटमा राफिलको पासलाई उत्तम राई पनि गोल गर्न असफल भए । खेलको ४२ औ मिनेटमा एपिएफले पहिलो अट्याक गर्यो । सन्तोषको पासमा प्रबिन स्याङताङको हेडलाई फ्रेन्डसका गोलकिपर बिशाल सुनारले रोकिदिए । खेलको ४४ औ मिनेटमा सन्जोग महर्जनलाई एपिएफका सुमन श्रेष्ठले डिबक्स बाहिर लगडाएपछि पहेलो कार्ड पाए । २० यार्डबाट डोनाको फिकिक प्रहार बाहिरियो । पहिलो हाफ गोलरहित बराबरी खेलेको एपीएफ दोस्रो हाफमा भने २ गोल खान पुग्यो । दोस्रो हाफको पाचौ मिनेटमा डोनाले गर्दै खेलमा टिमलाई अग्रता दिलाए ।
यसैगरि ३० औ मिनेटमा एरोन थापाको पासमा राफिक अमिनुले गोल थपे । फ्रेन्डसका एरोनको पासमा स्यामबाबु कक्षपतिको प्रहार एपिएफका गोलकिपर अन्जन श्रेष्ठले बिफल बनाए । एपीएफका बिरेन्द्र प्रसाद यादवले खेलको ईन्जुरी समयमा सान्त्वना गोल गरे ।
खेलमा फ्रेन्ड्सका राफिक अमिनु म्यान अफ दी म्याच घोषित हुदै नगद ११ हजार १ सय ११ रुपैया सहित गिफट ह्याम्परबाट पुरस्कृत भए । मंगलबार पहिलो चरणको अन्तिम खेलमा चर्चित मनाङ मस्याङ्दी क्लब र विभागिय नेपाल पुलिस क्लब खेल्ने छन ।

बुटवल उपमहानगरपालिकाको संरक्षकत्व, रुपन्देही जिल्ला फुटबल संघ रुपन्देहीको आयोजना, यशोदा फुड्स प्रालि, त्रिमुर्ति ईण्डष्ट्रिज प्रालीको मुख्य प्रायोजनमा दुई विभागीयसहित ८ टिमले उपाधिका लागि प्रतिस्प्रर्धा गर्दछन । प्रतियोगिताको विजेता टिमले ११ लाख ११ हजार एक सय ११ रुपैया नगद पुरस्कार पाउने छन । गोल्डकपको उपविजेताले ५ लाख ५५ हजार ५ सय ५५ रुपैया पुरस्कार प्राप्त गर्ने छ । सर्वोत्कृष्ट खेलाडीले नगद एक लाख रुपैया वा एक थान मोटरसाइकल, विधागत रुपमा उत्कृष्ट फरवार्ड, गोलरक्षक, मिड फिल्डर, डिफेन्स र कोचले जनही ३० हजारका दरले नगद पुरस्कार प्राप्त गर्ने छन ।