खोज

बुटवल,३ चैत । राष्ट्रपति चुनावमा सत्तारुढ गठबन्धनका रामचन्द्र पौडेललाई मत दिएको राष्ट्रिय स्वतन्त्र पार्टीले उपराष्ट्रपतिमा भने जनमत पार्टीकी ममता झालाई मतदान गर्ने भएको छ । आज पार्टी कार्यालयमा नेताहरुबीच भएको सरसल्लाहमा उक्त समझदारी भएको हो । रास्वपाको यो निर्णयसंगै उक्त पार्टी सत्ता गठबन्धनमा नरहेको संकेत मिलेको छ ।

निर्वाचन आयोगको आचारसंहिताका कारण रास्वपाले यस विषयमा औपचारिक निर्णय भने लिएको छैन । स्रोतका अनुसार रास्वपाले नयाँ पार्टी र महिला भएकाले जनमतकी ममतालाई रोजेको एक सांसदले बताए । केही नेताहरूले मतदानमा सहभागी हुन नहुने मत राखेका थिए । तर, यसबाट अहिलेको पद्दति नै स्वीकार नगरेको सन्देश जाने भएकाले भोट हाल्ने निर्णय भएको हो ।