बुटवल, २८ फागुन ।
बुटवलमा सम्पन्न प्रथम मिष्टर उजिरसिह रुपन्देही जिल्लास्तरीय बडिबिल्डिङ प्रतियोगिता २०७९ को उपाधि बुटवल जिम एण्ड फिटनेशका सुनिल आलेले चुमेका छन् ।
लामो समयदेखि निरन्तर खेलमा लागेका उनी प्रतियोगिताको ६५ केजी वजन समुह बिजेता हँुदै फाईनलमा औभर अल च्याम्पियन बने । मिष्टर रुपन्देहीको उपाधिसंग उनले नगद ५० हजार रुपैयाँ, ट्रफि र व्यानेट सहित उपाधि समेत हात पारे । यसैगरी ५५ केजी तौल समूहतर्फ क्रमशः फिजिकल फिटनेसका आकाश गुरुङ प्रथम, फिटनेस टाइमका प्रविन पौडेल द्वितीय र रोयल आइरनका बलराम डुम्रे तृतीय भए ।
६० केजी वजन समूहमा फिटनेस हबका स्यामुल गुरुङ प्रथम बुटवल जिम एण्ड फिटनेसका भानुभक्त कठरिया दोश्रो पावर एण्ड मशल जिमका रमेश थापा तृतीय हुन सफल भए । त्यस्तै ६५ केजी तौल समूहमा बुटवल जिम एण्ड फिटनेसका सुनिल आले प्रथम, द ड्रिम फिटनेसका दोश्रो तथा कृष्ण जिमका चन्द्रबहादुर थापा तेस्रो भए । ७० केजीमा रोयल जिमका गौतम राना प्रथम, विलिङनेश जिम एक्सप्रेसका बिजय कार्की क्षेत्री दोश्रो तथा फिटनेस टाइमका आकाश जिशिले तेस्रो स्थानमा चित्त बुझाए । त्यसैगरी ७० केजी माथिको समुहमा रोयल जिमका कुशल प्रसाद गुरुङ प्रथम, फिटनेस टाइमका अमित डांगी दोश्रो तथा निवोध एरोविक्स एण्ड जिमका सुरेशबहादुर दमाई तृतीय भए ।
समूह चरणका खेलाडीलाई क्रमशः प्रथमलाई ३ हजार, दोश्रोलाई २ हजार, तेस्रोलाई नगद १ हजार सहित टिशर्ट प्रमाणपत्र तथा मेडल प्रदान गरिएको थियो । तौल समूहबाट विजेता बन्दै छनौट चरण पार गरेका पाच जना बिजेताहरु वीच अन्तिम स्पर्धा गराइएको थियो । प्रतियोगितामा बेष्ट पोजर उपाधि ५५ केजीका बिजेता समेत रहेका आकाश गुरुङले प्राप्त गर्न सफल भएका थिए ।
एक समारोहका बीच बिजेता खेलाडीहरुलाई प्रदेश खेलकुद परिषद लुम्बिनीका सदस्यसचिव जय प्रकाश भट्टराई, आयोजक संस्थाका अध्यक्ष सितुप्रसाद श्रेष्ठ, बुटवल उपमहानगरपालिका प्रमुख प्रशासकीय अधिकृत टेकराज पन्थी, नेपाल शारीरिक सुगठन तथा फिटनेस महासंघका केन्द्रीय उपाध्यक्ष दिनेश राजभण्डारी तथा बुटवल उपमहानगरपालिका बडा न ९ का अध्यक्ष प्रदिप श्रेष्ठ कार्यक्रममा नेपाल शारिरिक तथा फिटनेश महासंघका उपाध्यक्ष दिनेश राजभण्डारी, थाईलैण्डमा सम्पन्न १३ औ विश्व वडिविल्डिङ प्रतियोगितामा काश्य पदक विजेता प्रज्वल शाक्य, बुटवल उपमहानगरपालिकाका प्रमुख प्रशासकिय अधिकृत टेकराज पन्थी, वडा नं ९ का वडाअध्यक्ष प्रदिप कुमार श्रेष्ठ, कार्यक्रममा निर्णायकहरु मुख्य निर्णायक प्रतापकाजी वरिया, निर्णायक स्टाटिशियन अनिललाल श्रेष्ठ, अन्तर्राष्ट्रिय निर्णायक केशव बहादुर शाक्य, बुद्धि जंग कार्कि, राष्ट्रिय निर्णायक शिवध्वज राई देवान, राजकुमार श्रेष्ठ, सुरज श्रेष्ठले विजेता खेलाडीहरुलाई पुरस्कार वितरण गरेका थिए ।
प्रदेश खेलकुद विकास परिषद लुम्बिनी जयप्रकाश भट्टराईले खेलाडीहरुलाई देशको गहना नाममात्र नभई ब्यवहारमा उतार्ने गरि काम गर्न जरुरी रहेको बताए । कुलतमा लागेका युवालाई शारिरिक सुगठनमा आकर्षित सहि मार्ग निर्देशनमा लगाउने गरि योजना बनाउन सुझाव दिए । शारीरिक सुगठन खेल खेलाडीलाई खर्चिलो हुने भन्दै यसमा लागेका खेलाडीहरु लक्षित योजनाहरु बनाउने उनले प्रतिवद्धता जनाए ।
कार्यक्रममा शारीरिक सुगठन तथा फिटनेश संघका अध्यक्ष सितु प्रसाद श्रेष्ठले कर्णेल उजिरसिंह र जितगढी किल्लाको सामरिक महत्वलाई थप उजागर गर्ने र खेललाई पर्यटन प्रवद्र्धनमा जोडने उद्देश्य प्रतियोगिताको रहेको बताए । खेलमा नव उदयीमान खेलाडीहरुको प्रवेश गराउँदै उनीहरु जिल्ला हुँदै राष्ट्रिय तथा अन्तर्राष्ट्रिय रुपमा नाम कमाउन सक्ने गरी रुपन्देहीबाट उत्पादन गर्न लागिएको श्रेष्ठले बताए ।
शारीरिक सुगठन खेल नेपालमा सहिद धर्मभक्त माथेमाले भित्र्याएका थिए । भारतमा शिक्षा दिएर नेपालमा शारीरिक सुगठन भित्राएका थिए । बैधानिक रुपमा २०३० सालमा मिष्टर काठमाडौ भएको ईतिहास रहेको छ । वि.सं.२०४२ सालमा नेपाली खेलाडीहरुले अन्तर्राष्ट्रिय प्रतियोगितामा भाग लिएको थियो । वि.सं २०५२ सालमा रुपन्देही जिल्ला गठन भएर निरन्तर युवा खेलाडी र खेलको विकासमा लागेको उनले बताए । बुटवल श्री प्रतियोगिताको १० औ संस्करणसम्म गराउन सफल भएको र खेल विकासमा अग्रसर भएको उनले बताए । संगितको तालमा शरीरको भागलाई प्रदर्शन गर्ने खेलका रुपमा पहिचान बनाएको उनले बताए । सन्तुलित भोजन, नियमित ब्यायामको प्रतिफल सुगठित शरीर बन्ने उनले बताए ।
