Logo
२४ माघ २०७९, मंगलवार
Logo

रेशम चौधरीको मुद्दा कानुन अनुसार नै टुंगिन्छः मन्त्री प्रधान


नवलपरासी, १० माघ ।

कानुन, न्याय तथा संसदीय मामिलामन्त्री धुब्र बहादुर प्रधानले रेशम चौधरी राजनैतिक निर्णयको आधारमा रिहा नहुने बताएका छन् ।

मन्त्री बनेपछि पहिलोपटक गृह जिल्ला पश्चिम नवलपरासी आएका मन्त्री प्रधानले सामुदायिक रेडियो परासीले आयोजना गरेको बधाई तथा पत्रकार भेटघाट कार्यक्रममा बोल्दै नागरिक उन्मुक्ति पार्टीका संरक्षक रेशम चौधरी रिहाको विषयमा सर्वदलीय सहमति नभएको बताए । रेशम चौधरीको मुद्दा कानुन अनुसार नै टुंगिनु पर्ने बताउँदै मन्त्री प्रधानले थुनामा रहेका सबैको विषयमा एकै प्रकारको व्यवहार हुनुपर्ने बताए । यस विषयमा राजनैतिक दलहरु पनि एक मत रहेको उनको भनाई थियो ।

मन्त्री प्रधानले मुलुकमा सुशासन र दण्डहीनताको अन्त्य गर्न मौजुदा कानुन अपुरो रहेकाले कानुन बनाउन ध्यान केन्द्रित गर्ने बताए । विकास निर्माणको काममा अहिले मौजुदा रहेको कानुन अपुरो र बाधक भएको भन्दै त्यसलाई सुधार गर्न परामर्श थालेको बताए ।

मुलुकमा भ्रष्टाचार बढ्नुमा ऐन कानुनमा नीतिगतरुपमा नै त्रुटी रहेको बताउँदै त्यसले सुशासन र आर्थिक विकासमा असर पारिरहेको बताए । नेपालमा समयमा नै मल उपलब्ध हुन नसक्नुमा पनि कानुन बाधक भएको उनको भनाई छ । कानुनी प्रावधान नै त्रुटीपूर्ण रहेकाले नीतिगत रुपमै भ्रष्टाचार भईरहेको र मल समयमा नआउनु पनि त्यसैको परिणाम भएको मन्त्री प्रधानले बताए ।

आफ्नो मन्त्रालय विकास निर्माणको काम गर्ने मन्त्रालय नभएकाले धेरैलाई खासै खुसी नलागेको बताउँदै उनले तर कानुन मन्त्रालय महत्वपूर्ण मन्त्रालय भएको र आफुले पार्टीलाई परेका मन्त्रालय मध्ये रोजेर लिएको पनि उल्लेख गरे । मन्त्री प्रधानले उपचाररत सुस्ता बचाउ अभियानका अध्यक्ष गोपाल गुरुङ्गको उपचारका लागि पहल गर्ने बताए ।

 

यो खबर पढेर तपाईलाई कस्तो महसुस भयो ?

ताजा
  >>   आईटी क्षेत्रलाई सम्बोधन गर्ने गरी छुट्टै कानुन बनाउछौं: सञ्चार मन्त्री   >>   नेपालीले खान्छन् आवश्यकता भन्दा बढी आयोडिनयुक्त नुन, मात्रा घटाउने तयारीमा सरकार   >>   ‘विद्यार्थीको पठनपाठनमा अभिभावकको भूमिका अपरिहार्य’   >>   टी-ट्वान्टी लिग : स्पट फिक्सिङको आरोपमा नितेश गुप्ता पक्राउ   >>   बालबालिकामा इन्टरनेटको बढ्दो लत   >>   ‘सरकारले नेपाली टेक्नोलोजीलाई प्राथमिकता दिन सकेन’   >>   गार्गी एकेडेमीमा खेलकूद सप्ताह सुरू   >>   आठौं मणिमुकुन्द रनिङ कप भलिबल शुरु, खेलले समाजको चौतर्फी विकासमा टेवा दिन्छ : मेयर खांण   >>   प्रधानमन्त्री प्रचण्ड र एमाले अध्यक्ष ओलीबीच भेटवार्ता   >>   लुम्बिनीमा सुरु भो रामकथा प्रवचन, दुईहजार श्रद्धालु सहभागी