Logo
२४ माघ २०७९, मंगलवार
Logo

आन्तरिक पर्यटकलाई आकर्षण गर्ने कार्यक्रम सञ्चालन गर्नुपर्ने


बुटवल, ९ माघ ।

आन्तरिक पर्यटक नै मुलुकको आर्थिक चलायमानका प्रमुख माध्यम भएकाले आन्तरिक पर्यटकहरुलाई आकर्षण गर्ने कार्यक्रम संचालन गर्र्न जरुरी रहेको एक कार्यक्रममा सहभागीहरुले जोड दिएका छन् ।

होटल तथा रेष्टुरेण्ट व्यवसायी संघ रुपन्देहीले सोमवार बुटवलमा आयोजना गरेको स्वागत तथा सम्मान कार्यक्रममा उनीहरुले पर्यटनको विकास नै आर्थिक संमृद्धिको आधार भएको औल्याएका थिए । कार्यक्रममा संघले अंगे्रजी नया वर्षको अवसरमा आयोजना गरेको चौथो सडक खाना महोत्सव आन्तरिक पर्यटकका लागि निकै फलदायी भएको वक्ताहरुले ठहर गरेका थिए ।

उनीहरुले चौथो खाना महोत्सवले बुटवलमा रात्रीकालिन बजार जरुरी रेहेको पुष्टि भएको बताएका थिए । कार्यक्रममा संघका अध्यक्ष राम प्रसाद गौतमले चौथो खाना महोत्सव सफल बनाउन हरेक क्षेत्रवाट भएको सहयोगको लागि धन्यवाद दिए ।

बुटवल उपमहानगरपालिका वडा नम्बर ९ का अध्यक्ष प्रदीप कुमार श्रेष्ठले बुटवलमा रात्रीकालिन बजार संचालनको तयारीसँगै यस क्षेत्रमा शान्ति सुरक्षाको चुनौती बढेकाले त्यसतर्फ गम्भीर हुन आग्रह गरे । कार्यक्रममा ईलाका प्रहरी कार्यालय बुटवलका प्रहरी नायव उपरीक्षक दानबहादुर थापाले व्यवसायी र प्रहरी प्रशासनको सम्बन्ध रुखको वोट र जराको जुन सम्बन्ध हुन्छ सोही अनुपातमा रहनु पर्नेमा जोड दिए ।

प्रहरीप्रति व्यवसायीका गुनासा हुनसक्ने भएपनि एक आपसमा छलफल गरी समाधान गर्न जरुरी रहेको उनले औल्याए । त्यस्तै संघका संस्थापक सचिव तथा पर्यटन व्यवसायी माधव नेपालले संसारका हरेक मुलुकहरु आन्तरिक पर्यटन प्रवद्र्धनबाट चलायमान भएकाले बुटवललाई पनि आन्तरिक पर्यटकको हव वनाउन जोड दिए । कार्यक्रममा लुम्बिनी प्रदेश पर्यटन परिषदका कार्यकारी निर्देशक रामु जोसीले पर्यटकको चाहना अनुसार व्यवसायीले प्रोडक्ट उत्पादन र सेवा दिने वातावरण बनाउन जरुरी रहेको बताउनु भयो ।

त्यसका लागि पर्यटन परिषदले योजना बनाउन लागेको औल्याए । त्यस्तै कार्यक्रममा बुटवल उपमहानगरपालिकाकी उपप्रमुख सावित्रा देवि अर्यालले यस क्षेत्रको आर्थिक समृद्धिका लागि बुटवलमा रात्रीकालिन वजार संचालनको अनुमति पाएकोले अब क्रमशः पहिलो चरणमा राती ११वजे अनि १२ वजे हँुदै उज्यालो शहरका रुपमा विस्तार गरिने बताए ।

नगरमा आर्थिक अभाव रहेकाले केन्द्र, प्रदेश र स्थानीय तहबीच समन्वय हुनु पर्नेमा जोड दिए । कार्यक्रममा संघका निवर्तमान अध्यक्ष समुन्द्र जिसीले बुटवलमा रात्रीकालिन वजारका लाागि सवैको सहयोग जरुरी रहेको बताए । खाना महोत्सवमा उत्कृष्ट हुने तथा महोत्सव सफल बनाउन सहयोग गर्नेहरुलाई सम्मान गरिएको महासचिव माधव कुमार खनालले बताए ।

यो खबर पढेर तपाईलाई कस्तो महसुस भयो ?

ताजा
  >>   आईटी क्षेत्रलाई सम्बोधन गर्ने गरी छुट्टै कानुन बनाउछौं: सञ्चार मन्त्री   >>   नेपालीले खान्छन् आवश्यकता भन्दा बढी आयोडिनयुक्त नुन, मात्रा घटाउने तयारीमा सरकार   >>   ‘विद्यार्थीको पठनपाठनमा अभिभावकको भूमिका अपरिहार्य’   >>   टी-ट्वान्टी लिग : स्पट फिक्सिङको आरोपमा नितेश गुप्ता पक्राउ   >>   बालबालिकामा इन्टरनेटको बढ्दो लत   >>   ‘सरकारले नेपाली टेक्नोलोजीलाई प्राथमिकता दिन सकेन’   >>   गार्गी एकेडेमीमा खेलकूद सप्ताह सुरू   >>   आठौं मणिमुकुन्द रनिङ कप भलिबल शुरु, खेलले समाजको चौतर्फी विकासमा टेवा दिन्छ : मेयर खांण   >>   प्रधानमन्त्री प्रचण्ड र एमाले अध्यक्ष ओलीबीच भेटवार्ता   >>   लुम्बिनीमा सुरु भो रामकथा प्रवचन, दुईहजार श्रद्धालु सहभागी