Logo
२४ माघ २०७९, मंगलवार
Logo

लुम्बिनी केबलकार फागुनदेखि सञ्चालनमा आउने


बुटवल,२९ पुस । बुटवलको गोलपार्कदेखि पाल्पाको वसन्तपुरसम्मका लागि निर्माणाधीन लुम्बिनी केबलकार आगामी फागुनदेखि संचालनमा आउने भएको छ।

काठमाडौंमा शुक्रबार आयोजित कम्पनीको १९औं वार्षिक साधारण सभामा लुम्बिनी केबलकार प्रालिका अध्यक्ष चन्द्रप्रसाद ढकालले टावरहरुको सिभिलतर्फको निर्माणका काम लगभग सकिएको जनाउँदै केबलकार आगामी फागुनदेखि संचालनमा आउने बताए।

‘केबलकार टावरहरुको सिभिल निर्माण कार्य सम्पन्न भइसकेको छ,’ उनले भने, ‘टप स्टेसनमा मन्दिर एरियाको सिभिल निर्माण कार्य पनि द्रुत गतिमा अगाडि बढिरहेको छ।’

केबलकारका सबै गोण्डोला लगायतका उपकरणहरु विदेशबाट आयात गर्ने काम भइसकेको उनले बताए। ९ वटा टावरमध्ये ७ वटाको जडान कार्य सम्पन्न भइसकेको र बाँकी २ वटाको जडान कार्य पनि अन्तिम चरणमा पुगेको उनले जानकारी दिए।

‘टप स्टेसनमा केबलकार उपकरणहरुको जडान कार्य सम्पन्न भइसकेको छ भने बटम स्टेसनमा केबलकार उपकरणहरुको जडान कार्य अगाडि बढिरहेको छ,’ उनले भने।

ढकालले सम्पूर्ण इलेक्ट्रोमेकानिकल काम निर्माण तथा जडान गर्ने कार्य द्रुतगतिमा अगाडि बढिरहेको समेत बताए। केबलकार निर्माणको काम २०७८ पुसदेखि सुरु भएको थियो।

यो खबर पढेर तपाईलाई कस्तो महसुस भयो ?

ताजा
  >>   आईटी क्षेत्रलाई सम्बोधन गर्ने गरी छुट्टै कानुन बनाउछौं: सञ्चार मन्त्री   >>   नेपालीले खान्छन् आवश्यकता भन्दा बढी आयोडिनयुक्त नुन, मात्रा घटाउने तयारीमा सरकार   >>   ‘विद्यार्थीको पठनपाठनमा अभिभावकको भूमिका अपरिहार्य’   >>   टी-ट्वान्टी लिग : स्पट फिक्सिङको आरोपमा नितेश गुप्ता पक्राउ   >>   बालबालिकामा इन्टरनेटको बढ्दो लत   >>   ‘सरकारले नेपाली टेक्नोलोजीलाई प्राथमिकता दिन सकेन’   >>   गार्गी एकेडेमीमा खेलकूद सप्ताह सुरू   >>   आठौं मणिमुकुन्द रनिङ कप भलिबल शुरु, खेलले समाजको चौतर्फी विकासमा टेवा दिन्छ : मेयर खांण   >>   प्रधानमन्त्री प्रचण्ड र एमाले अध्यक्ष ओलीबीच भेटवार्ता   >>   लुम्बिनीमा सुरु भो रामकथा प्रवचन, दुईहजार श्रद्धालु सहभागी