ट्रेंडिंग:

>> प्रतिनिधिसभा बैठक आज बस्दै, यस्ता छन् कार्यसूची >> कोशी, गण्डकी र बाग्मती  प्रदेशमा चट्याङ्ग सहित वर्षा, यस्तो छ आजको मौसम पूर्वानुमान >> इन्धनको मूल्य घट्यो >> कोलनगर नजिकै थप पुरातात्विक बस्तु फेला >> मकैमा फौजी किराको प्रकोप >> प्रदेश सरकारका अस्थिर पर्यटन नीति र त्यसका असरहरू >> प्रगति विवरण होइन, काम देखाउ सरकार >> राशीअनुसार तपाईंको आजको भाग्य हेर्नुहोस् : आजको राशीफल >> मोटरबाटोले हरायो बटुवा हिंड्ने गोरेटो >> चाइना स्टेट कम्पनीको ३ वटा टिपर र एउटा जेसिबी प्रहरी नियन्त्रणमा >> काकाकुल रेक्चाबासी : पानी माग्न आन्दोलन >> छिपछिपे सहकारीका ७ जना पुर्पक्षका लागि कारागार चलान >> लुम्बिनीको वजेट ३८ अर्ब ९५ करोड (पूर्ण पाठ सहित) >> चिदिका–रुपन्देही सम्पर्क समाजको रक्तदान, १५१ युनिट रगत संकलन >> चाैथाे अधिवेशन । तेह्राैं बैंठक | लुम्बिनी प्रदेश सभा । २०८१ असार १ गते >> आईसीसीले पनि भन्यो– दक्षिण अफ्रिकाविरुद्ध नेपालको प्रदर्शन गर्व गर्न लायक >> राप्रपा नेपालले आगामी फागुनमा राष्ट्रिय महाधिवेशन गर्ने >> तिलोत्तमा व्यापार संघद्वारा ९ वटा वस्तुगत समिति गठन >> तिलोत्तमा व्यापार संघद्वारा कार्यालय प्रमुखको बिदाई र स्वागत >> मातृभाषी चलचित्रसम्बन्धी विचार गोष्ठी बुटवलमा सम्पन्न >> राष्ट्रपति पौडेल आजदेखि जर्मनीको औपचारिक भ्रमणमा >> दक्षिण अफ्रिकासँग १ रनले हार्‍यो नेपाल, सुपर ८ मा पुग्ने सम्भावना समाप्त >> नेपालले दक्षिण अफ्रिकालाई ११५ रनमै रोक्यो, कुशल भुर्तेलले लिए ४ विकेट >> नेपाल टस जितेर फिल्डिङ गर्दै, सागरको ठाउँमा सन्दीप >> अभिभावकको छहारी >> उल्टो धारमा सुल्टो धारणा >> ‘बल ब्वाय’ बाट कोच >> बाली बीमामा ‘बढेन आकर्षण’ >> राशीअनुसार तपाईंको आजको भाग्य हेर्नुहोस् : आजको राशीफल >> सप्तकोशी बैंकका पूर्वसीईओ नवीन सुवेदीलाई ३ वर्ष भन्दा बढी कैद, २ करोड बढी जरिवाना >> असार ३ गते सार्वजनिक बिदा >> गण्डकीमा फ्लोर क्रस गर्ने सांसद देवकोटा पदमुक्त >> विकास र राजनीतिलाई जोडेर लैजाऔं : पौडेल >> लुम्बिनी बौद्ध विश्वविद्यालयको रजिष्ट्रारमा तेस्रोपटक आचार्य >> चर्को गर्मीले विद्यार्थी बेहोस, सल्यानमा विद्यालय बन्द >> ‘हरेक ५० जना बालबालिकामा एकजनालाई अटिजम’ >> ताप्लेजुङमा पहिरोले घर बगाउंदा चारजनाको मृत्यु >> एमाले गुल्मीको अध्यक्षमा बालसिंह काउछा निर्वाचित >> वेस्ट इन्डिज पुग्यो नेपाली टोली : भोलि दक्षिण अफ्रिकासँग खेल्दै >> टी-२० विश्वकप :आज अफगानिस्तान र पीएनजी तथा अमेरिका र आयरल्याण्डबिच खेल हुँदै >> लुम्बिनी प्रदेशमा आज पनि पानी नपर्नेः यस्तो छ अन्य ठाउँमा मौसम पूर्वानुमान >> नेपालको शिक्षा नीतिमै अलमल : नैतिकता र संस्कारको खडेरी >> निर्माणाधीन नालामा माटोको ढिस्कोले पुरिंदा तीन मजदुरको मृत्यु >> किसानलाई उपकरण वितरण >> १६ दिने निःशुल्क वारिष्ठा तालिम सुरु >> रक्तदातालाई प्रोत्साहनको खाँचो >> बैँकको खाताबाट बचत गायब सेवाग्राहीको बिचल्ली ! >> राशीअनुसार तपाईंको आजको भाग्य हेर्नुहोस् : आजको राशीफल >> मानव विकास सूचकांकले गिज्याउँदै प्रदेश सरकार >> लुम्बिनी प्रादेशिक अस्पतालमा असार १ गतेदेखि अनलाइन टिकेट सेवा 
समाचार–टिप्पाी

पौडेलमाथि ‘एमालेकै खेल’

११ मंसिर २०७९, आईतवार
११ मंसिर २०७९, आईतवार

बुटवल, १० मंसिर ।

केपी शर्मा ओली प्रधानमन्त्री हुँदा विष्णु पौडेल अर्थमन्त्री थिए । पार्टीमा प्रभावशाली भूमिकामा रहेका कारण पौडलको धेरै समय काठमाडौंमै बित्नुपर्ने हो । तर रुपन्देहीबाट २०६४ यताका लगातार चुनाव जितेका पौडेलको काठमाडौंमा जत्तिकै व्यस्तता बुटवलमा हुन्थ्यो ।

जनप्रतिनिधि भएका हिसावले पनि पौडेलको रुपन्देही आउजाउ बाक्लो थियो । एमाले र माओवादीबीचको एकीकरणबाट गठन भएको तत्कालीन नेकपामा संकट आउँदा त्यसलाई मिलाउन पहल गर्ने प्रमुख पात्र पौडेल नै थिए । नेकपाका तत्कालीन अध्यक्ष एवं प्रधानमन्त्री ओलीका तर्फबाट पौडेल नै सबैतिर अग्रसर भइरहन्थे ।

पौडेल खासमा एमाले अध्यक्ष ओलीका मात्र विश्वासपात्र थिएनन्, पार्टीभित्रका अरु नेताहरुलाई मिलाउन समन्वयकारी भूमिकामा पर्थे । राष्ट्रिय राजनीतिमा हस्तक्षेपकारी भूमिकामा रहेका र यस क्षेत्रको विकासका लागि ठूला र महत्वाकांक्षी योजनाहरु ल्याएका कारण पौडेललाई यहाँ विकासका हस्ती भनेर धेरैले चिन्छन् । तर यसअघिका निर्वाचनहरुमा भारी मतान्तरले जित्दै आएका पौडेलको जित यसपल्टको निर्वाचनमा किन संघर्षपूर्ण बन्यो ? यसको बहस विभिन्न कोणबाट हुन थालेको छ ।

पौडेलको यो जित चुनावी जित–हारका हिसाबले स्वाभाविक प्रक्रिया भए पनि एमाले पंक्तिले त्यसलाई स्वाभाविक रूपमा लिएको देखिँदैन । एमालेले सजिलै जित्ने सूचीमा राखेका पौडेल कसरी मुस्किलले जित हासिल गर्न पुगे भन्नेबारे एमाले पंक्तिमा आगामी दिनमा समीक्षा हुँदै जाला । तर बिहानीले दिनको संकेत गर्छ भने झैं केही प्रारम्भिक बाछिटाहरु उनले कम मत ल्याउनुका पछाडि बाहिर आउन थालेका छन् ।

एकजना एमाले कार्यकर्ता पौडेलले सामान्य मतान्तरमा जित हासिल गर्नुको प्रमुख कारण एमाले कार्यकर्तामा रहेको ‘ओभर कन्फिडेन्स’ भएको बताउँछन् । “एमाले कार्यकर्तामा आत्मविश्वास बढी देखियो । त्यही कारण कार्यकर्ता पंक्ति तल्लो तहसम्म जसरी परिचालित हुनुपर्ने हो, त्यसरी भएनन्”, उनी भन्छन्, “पार्टीको उपाध्यक्ष, अर्थमन्त्री हुँदा विकासको बाढी नै ल्याउन भूमिका खेलेको कारण जनताले भोट दिइहाल्छन् भन्नेमा एमाले कार्यकर्ता ढुक्क भएर बसे ।”

एमाले कार्यकर्ताहरूको यो आत्मविश्वासको एउटा कारण पौडेलको प्रतिस्पर्धामा नेपाली कांग्रेसका उम्मेदवार नहुनु पनि थियो । सत्ता गठबन्धनमा भएको भागबन्डामा यो क्षेत्र नेकपा एकीकृत समाजवादीको भागमा परेको थियो । समाजवादीले राजु गुरुङलाई अघि सारेको थियो । तर उनको उम्मेदवारी चेक बाउन्स प्रकरणमा मुछिएपछि खारेज हुन पुग्यो । अर्कोतर्फ हाम्रो नेपाली पार्टीका निकोलश भनिने कमल भुसाल लौरो चुनाव चिन्ह लिएर हाम्रो नेपाली पार्टीबाट उम्मेदवार थिए । राजनीतिप्रतिको वितृश्णाका कारण उनीप्रतिको क्रेज पनि बढेको थियो । तर राज्यबाट दोहोरो सुविधा लिएका कारण उनको उम्मेदवारी पनि कायम रहन सकेन । दुईजना मुख्य प्रतिष्पर्धी नै मैदानबाट बाहिर रहेपछि एमाले कार्यकर्ता एक हिसावले चुनाव जित्नेमा ढुक्क जस्तै भएर बस्यो । जसका कारण कार्यकर्ता पंक्ति आक्रामक ढंगले चुनाव परिचालनमा जुटेन ।

ती नेताका अनुसार बुटवलको विकासमा पौडेलले महत्वपूर्ण योगदान गरेको र काँग्रेसको पकडमा रहेका उद्योगी व्यवसायीहरु पौडेलले ल्याएका ठूला योजनाका कारण भित्रीरुपमा उनलाई सघाएको चर्चा पनि थियो । त्यसैले कांग्रेसको भोट आउने आशामा एमाले कार्यकर्ताहरू थिए । तर, यसपटक कांग्रेसको अधिकांश भोट राष्ट्रिय स्वतन्त्र पार्टीका उम्मेदवारलाई ट्रान्सफर भयो । “निर्वाचनमा काँग्रेसले जनमुक्ति पार्टीका उम्मेदवारलाई समर्थन गरेको भएपनि कांग्रेसको अधिकांश भोट जनमुक्तिमा गएन । उनी भन्छन्, “एमालेको प्रभाव राम्रो भएका ठाउँबाट पनि पौडेलले भोट पाउन सकेनन् । त्यो भोट घण्टीमा गयो ।”

रुपन्देही–२ मा राष्ट्रिय स्वतन्त्र पार्टीबाट उम्मेदवार बनेका गणेश पौडेलले ल्याएको २५ हजार ७८१ मतले पनि त्यही देखाउँछ । कतिपयले प्रदेश राजधानी दाङ गएकोमा त्यसको दोष विष्णु पौडेललाई लगाउँदै भोट कम आउनुको एउटा कारण यो पनि मान्छन् । तर यसलाई कारण मान्ने हो भने दाङ राजधानी लैजाने शंकर पोखरेललाई दाङकै मतदाताले किन हराए भन्ने प्रश्नले बुटवललाई पनि जवाफ दिइरहेको छ । राजधानी र विकासको मुद्दाले मतदातालाई छुन नसक्दो रहेछ भन्ने उदाहरणका रूपमा यसलाई हेर्नुपर्ने कतिपय कार्यकर्ता बताउँछन् ।

एमाले रुपन्देहीका एक नेता अहिले पनि एमाले उपाध्यक्ष पौडेललाई मन नपराउने समूह एमालेमा रहेको र त्यो समूहको मत पनि पौडेलले पाउन नसकेको बताउँछन् । “पौडेललाई जसरी पनि हराउने भनेर भित्रीरुपमा एउटा शक्ति नै लाग्यो”, आफ्नो नाम उल्लेख गर्न नचाहने ती नेताले भने । कतिपयले यसलाई महासचिव शंकर पोखरेल खेमाले पौडेलको राजनीतिक उचाईलाई रोक्न उनलाई असहयोग गरेको अर्थमा पनि विश्लेषण गर्न थालेका छन् । तिलोत्तमा नगरपालिकाका निवर्तमान मेयर वासुदेव घिमिरेलाई रुपन्देही–५ मा प्रतिनिधिसभाको टिकट दिलाउन पौडेलले मुख्य भूमिका खेलेको र पोखरेल खेमाले यसलाई नरुचाएका कारण तिलोत्तमाबाट पौडेललाई कम मत आएको आंकलन गर्नेहरु पनि एमालेभित्र छन् ।

पौडेल एमालेभित्र मात्र होइन, बाहिर पनि रुचाइएका नेतामा पर्छन् । जस्तोसुकै कठोर कुरा पनि शालीन रूपले राख्न सक्ने खुबी, नम्र व्यवहार र सबैसँग घुलमिल हुनसक्ने स्वभाव भएका कारण पनि उनी धेरैका प्रिय मानिन्छन् ।

एमाले लुम्बिनी प्रदेशका नेता कुमार थापा चुनावमा जित भएपनि पार्टीले कम मत ल्याएको बारे भने गम्भीर समीक्षा हुनुपर्ने बताउँछन् । पौडेलले जिल्लाको विकासमा महत्वपूर्ण भूमिका खेलेको भए पनि त्यसको प्रभाव मतदातामा नदेखिएको कतिपय नेता कार्यकर्ताको भनाई छ ।

एमालेमा प्रष्ट वक्ता, तोकिएको जिम्मेवारी पूरा गर्ने र पार्टीको जिम्मेवारीमा निरन्तर खट्ने नेताका रूपमा चिनिन्छन्, विष्णु पौडेल । पौडेलले कम भोट ल्याउनुमा देशभर चलेको ‘घण्टी’ को लहरले काम गरेको एमाले रुपन्देहीका अध्यक्ष तेजेन्द्र केसी बताउँछन् । “धेरै मतदाता हल्लाका भरमा लागे र हल्लैहललाको मनोविज्ञानले काम गर्दा उनीहरुले घण्टीमा भोट हाले ।” रुपन्देही क्षेत्र नम्बर २ मा पर्ने तिलोत्तमाका ६ वटा वडाबाट घण्टीमा सबैभन्दा धेरै मत गयो । जसका कारण पौडेलको जित निकै संघर्षपूर्ण बन्यो । जिल्ला अध्यक्ष केसी भन्छन्–“तिलोत्तमाको अधिकांश मत किन घण्टीमा गयो, यो गम्भीर समीक्षाको विषय हो, यसको पार्टीले समीक्षा गर्नेछ ।”

एमालेका अर्का एक जिल्ला स्तरीय नेता भन्छन्–“घण्टीको लहर पछिल्लो एकसाता मात्रै देखिएको हो, घण्टीबाट प्रभावित भएका युवा पंक्तिलाई एमालेमा फर्काउने खालको पार्टी जिल्ला नेतृत्वले कुनै योजना बनाएन ।” पार्टीले टोलटोलमा योजना बनाएर युवा पंक्तिलाई विश्वासमा लिन सकेको भए घण्टीमा जाने अधिकांश मत यतै ट्रान्सफर हुन सक्ने ती नेताको भनाई छ ।

एमालेभित्रको एकथरी कार्यकर्ता पंक्ति भने पार्टीको नेतृत्व तह नै चुनावमा परिचालित नभएको तर्क गर्छ । एमाले लुम्बिनी प्रदेश कमिटीका एक सदस्यले जिल्लाका पदाधिकारी खुलेर चुनाव प्रचारमा नलाग्दा पनि त्यसको असर मतदानमा प्रकट भएको बताउँछन् । “पदाधिकारी नै खुलेर प्रचारमा नहिंडेपछि अरु कार्यकर्ता र आम मतदाताले कसरी भोट हाल्छन् ?”–ती नेताले भने ।

अर्थमन्त्री बनेर राम्रो छाप छाडेका पौडेल पार्टीभित्र ओलीका विश्वासपात्र समेत मानिन्छन् । यहीकारण उनी दसौँ महाधिवेशनबाट एमालेको उपाध्यक्ष बने । यसपालि पनि विना व्यवधान प्रतिनिधिसभा निर्वाचन लड्न टिकट पाए ।

यो निर्वाचनमा सबै पार्टीका कार्यकर्ताका अधिकांश छोराछोरीले घण्टीमा मतदान गरे । जसको प्रभाव प्रमुख दलले हासिल गर्ने मतमा प¥यो । नेकपा माओवादी निकट राष्ट्रिय उद्योग व्यापार महासंघका महासचिव खिमनारायण पराजुली भन्छन्–“घण्टीमा भोट हाल्छु भनेकी मेरी छोरीलाई मैले कन्भिन्स गर्न सकिन ।”

चुनाव चिन्ह घण्टी लिएर केही महिना अघिमात्र होमिएको हो राष्ट्रिय स्वतन्त्र पार्टी । यो पार्टीका नेता र शुभेच्छुकका लागि पनि प्रारम्भिक परिणाम अप्रत्यासित जस्तो भयो ।

अनुमान र अड्कलबाजी अनेक छन्, चलिरहेका छन् । त्योभन्दा बढी एकअर्काप्रति दोषारोपण र गालीगलौजको सिलसिला पनि चल्न थालेको छ । सामाजिक सञ्जालमा बाढी आएको छ, घण्टीको लहर कसरी आयो ?

यो खबर पढेर तपाईलाई कस्तो महसुस भयो ?