खोज

नेकपा एमाले कपिलवस्तु क्षेत्र नम्बर ३ का प्रतिनिधि सभा सदस्य उम्मेदवार मंगल प्रसाद गुप्ता विगत पाँच दशकदेखि राजनीतिमा सक्रिय छन् । विगतमा पटकपटक चुनावमा पराजित भए पनि यस पटक भने उनी जितेर समाज सेवा गर्ने योजनमा छन् । कुन‌ै पदमा नरहेपनि आम नागरिकलाई शिक्षा, कृषि लगायत हरेक क्षेत्रका तह तप्कामा योगदान पुर्‍याउँदै आएका गुप्ता यसपटक आफ्नो क्षेत्रमा स्वास्थ्य सेवालाई आम जनताको पहुंचमा सहज र सर्वसुलभ रुपले पुराउने तथा कृषि र औद्यौगिक करिडोरको पनि विकास गर्ने योजनाका साथ जनताबीच पुग्ने गरेको छन् । उम्मेदवार गुप्तासँग चुनाव केन्द्रीत कुराकानी ।

१.  तपाईंको उम्मेदवारी के का लागि ?
देश विकास, जनताको जीवनस्तर उकास्न, भष्ट्राचार, अन्याय, अत्याचार, शोषण र सामन्ती शैली र भावनाको अन्त्यको लागि मेलै उम्मेदवारी दिएको छु।

२.  मतदाताले तपाईलाई के प्रश्न गरिरहेका छन् ?
मलाई मतदाताले यस क्षेत्रको विकास कहिले हुन्छ भनेर सोध्ने गरेका छन् । विगतका निर्वाचनमा पटकपटक जितेर गएकाले खासै केही गरेनन् तपाईले कसरी गर्नुहुन्छ भन्ने गरेका छन् । मैले विकास र समृद्धि चाहनुहुन्छ भने यसपटक नेकपा एमालेलाई विजय बनाउनुपर्छ अनि मात्र विकासको देख्न सकिन्छ भनेर उत्रर दिने गरेको छु । अहिलेसम्म नेताहरुले जनतालाई झुठा आश्वासन दिएर चुनाव जितिसके पछि गाउँघरमा नफर्केको गुनासो छ । अरु जस्तो जनतालाई ढांट्ने, छल्ने मेरो नैतिकताले पनि दिँदैन भनेको छु ।

३.  चुनाव जित्न त व्यापक रुपमा जनतालाई आकर्षित गर्न सक्ने एजेन्डा चाहिएला नि ? त्यस्तो के छ तपाईंसँग ?
जनतालाई आकर्षण गर्ने एजेन्डा भन्दा पनि स्थानीय स्तरमा स्वास्थ्य र शिक्षालाई प्राथमिकतामा राखेर काम गर्ने मेरो उजेण्डा छन् । आफ्नो क्षेत्रमा स्तरीय अस्पताल नहुंदा स्वास्थ्य उपचार नपाएर जनताले धेरै दुख पाएका छन् यो अवस्थाको मैले अन्तय गर्छु भनेको छु । यस्तै कृषिमा मलखाद, बिउबिजन लगायत सिँचाइ व्यवस्थापन र सडक सञ्जालको दुर्दशालाई सुधार गर्नुका साथै पूर्वाधार विकासको तयारी गर्ने मुख्य एजेन्डा रहेको छ ।
प्रस्तुति : राम अवतार चौधरी