खोज

गुल्मीका नेवार समुदायमा नाचिँदै आएको लाखे नाच बुटवलमा प्रदर्शन गरिएको छ । मुसीकोट नगरपालिका वामीटक्सारका नेवा बर्जु पुचले लोक संस्कृतिको जर्गेनाका साथ नाचिँदै आएको लाखे नाचलाई बुटवलका बासिन्दामाझ देखाईएको हो ।  लोपन्मुख लाखे नाच जोगाउने उद्देश्यका साथ ग्रामिण भेगका नेवार समुदायहरूले विगत लामो समयदेखि जगेर्नामा लागेको नेवाः बजु पुच अध्यक्ष मोहनलाल श्रेष्ठ बताए । गाईजात्रा, जन्माष्टमी लगायतका पर्वहरूमा समुहमा ३० जना वामीका नेवारहरूले कार्यक्रमहरू गर्दै आएको उनले बताए । युवाहरूलाई नै अग्रसर गराएर संस्कृति जगेर्नामा लगाईएको उनले बताए । भक्तपुरका नेवारहरू बसाईसराई गरि मुसीकोट नगरपालिका, वामी टक्सार आएका नेवारहरूले सो क्षेत्रमा आफनो संस्कृति जगेर्ना गर्दै आएको उनले बताए । नेवार समुदायमा विगत लामो समयदेखि ऐतिहासिक लाखे नाच नाचिँदै आएको छ ।
यस वर्ष वामीबाट बुटवल बसाई गर्नेहरूलाई आफनो परम्परा सम्झाउन नाच ल्याईएको जबिन कक्षपतिले बताए । संस्कृतिका धनि नेवारहरूले वर्षभरि नै जात्रा र पर्व मनाउने गर्दछन । साउन १७ गते गाठेमंगलबाट शुरु भएको नाच विभिन्न भाग हुदै बुटवलमा ३ दिनसम्म नाचिने पुचका नबिन कक्षपतिले बताए । लाखे नाच तिजको पञ्चमीमा समापन गरिने उनले बताए । लाखे नाच शुरुभएसंगै हिन्दु धर्मावलम्बीहरूको पर्व शुरुवात भएको मानिन्छ ।