खोज

दाङ, ९ असोज ।

पूर्व पश्चिम राजमार्गको लमही नगरपालिका –१ शिवखोलामा काठमाडौंबाट सुर्खेत जाँदै गरेको बस दुर्घटना भएको छ ।

कर्णली प्रदेश०२–००१ ख ०३६२ नम्बरको यात्रुबाहक बस आज (मंगलवार) बिहान ६ बजेतिर दुर्घटनामा परेको जिल्ला प्रहरी कार्यालय दाङका प्रहरी प्रवक्ता डिएसपी जनक बहादुर मल्लले जानकारी दिए ।

दुर्घटनामा परी २५ जना यात्रु घाइते भएका छन् । घाइतेमध्ये दुई जनाको अवस्था गम्भिर रहेको प्रहरी प्रवक्ता डिएसपी मल्लले जानकारी दिए । घाइतेहरुको उद्धार गरेर लमही अस्पतालमा उपचार भैरहेको छ । दुर्घटनापछि चालक फरार रहेको प्रहरीले जनाएको छ ।