खोज

बुटवल,१८ जेठ । कपिलवस्तुको बाणगंगामा एक युवाले चक्कु प्रहार गरी दुईजनाको हत्या गरेका छन् । रुपन्देहीको कंचन गाउपालिका २ का २२ बर्षिय मोहन थारुले बाणगंगा नगरपालिका–५ मटेरियामा आफनै प्रेमिका र प्रेमिकाका काकाको चक्कु प्रहार गरी हत्या गरेका छन्।

बिहीवार बिहान सवा नौ बजेतिर प्रेमिका २२ बर्षिया अन्जीन थारु र उनका काका ७० बर्षिय बम बहादुर थारुको चक्कु प्रहार गरी हत्या गरेका हुन्।

चक्कु प्रहार पछि दुबै जना गंभीर घाईते भएका थिए। बम बहादुरको ४ नम्बरमा उपचारको क्रममा र अन्जनीको मेडिकल कजेल भैरहवामा मृत्यु भएको प्रहरी नायब उपरिक्षक मिन बहादुर घलेले बताए।

चक्कु प्रहार गर्ने मोहन थारु प्रहरी नियन्त्रणमा छन्। मोहन र अन्जनी बिच बिगतमा प्रेम सम्बन्ध रहेपनि पछिल्लो समय बिहे गर्न नमानेपछि विवाद बढे पछि अन्जनीले मोहनलाइ बेवास्ता गर्दैै आएकी थिईन्।