ट्रेंडिंग:

>> प्रतिनिधिसभा बैठक आज बस्दै, यस्ता छन् कार्यसूची >> कोशी, गण्डकी र बाग्मती  प्रदेशमा चट्याङ्ग सहित वर्षा, यस्तो छ आजको मौसम पूर्वानुमान >> इन्धनको मूल्य घट्यो >> कोलनगर नजिकै थप पुरातात्विक बस्तु फेला >> मकैमा फौजी किराको प्रकोप >> प्रदेश सरकारका अस्थिर पर्यटन नीति र त्यसका असरहरू >> प्रगति विवरण होइन, काम देखाउ सरकार >> राशीअनुसार तपाईंको आजको भाग्य हेर्नुहोस् : आजको राशीफल >> मोटरबाटोले हरायो बटुवा हिंड्ने गोरेटो >> चाइना स्टेट कम्पनीको ३ वटा टिपर र एउटा जेसिबी प्रहरी नियन्त्रणमा >> काकाकुल रेक्चाबासी : पानी माग्न आन्दोलन >> छिपछिपे सहकारीका ७ जना पुर्पक्षका लागि कारागार चलान >> लुम्बिनीको वजेट ३८ अर्ब ९५ करोड (पूर्ण पाठ सहित) >> चिदिका–रुपन्देही सम्पर्क समाजको रक्तदान, १५१ युनिट रगत संकलन >> चाैथाे अधिवेशन । तेह्राैं बैंठक | लुम्बिनी प्रदेश सभा । २०८१ असार १ गते >> आईसीसीले पनि भन्यो– दक्षिण अफ्रिकाविरुद्ध नेपालको प्रदर्शन गर्व गर्न लायक >> राप्रपा नेपालले आगामी फागुनमा राष्ट्रिय महाधिवेशन गर्ने >> तिलोत्तमा व्यापार संघद्वारा ९ वटा वस्तुगत समिति गठन >> तिलोत्तमा व्यापार संघद्वारा कार्यालय प्रमुखको बिदाई र स्वागत >> मातृभाषी चलचित्रसम्बन्धी विचार गोष्ठी बुटवलमा सम्पन्न >> राष्ट्रपति पौडेल आजदेखि जर्मनीको औपचारिक भ्रमणमा >> दक्षिण अफ्रिकासँग १ रनले हार्‍यो नेपाल, सुपर ८ मा पुग्ने सम्भावना समाप्त >> नेपालले दक्षिण अफ्रिकालाई ११५ रनमै रोक्यो, कुशल भुर्तेलले लिए ४ विकेट >> नेपाल टस जितेर फिल्डिङ गर्दै, सागरको ठाउँमा सन्दीप >> अभिभावकको छहारी >> उल्टो धारमा सुल्टो धारणा >> ‘बल ब्वाय’ बाट कोच >> बाली बीमामा ‘बढेन आकर्षण’ >> राशीअनुसार तपाईंको आजको भाग्य हेर्नुहोस् : आजको राशीफल >> सप्तकोशी बैंकका पूर्वसीईओ नवीन सुवेदीलाई ३ वर्ष भन्दा बढी कैद, २ करोड बढी जरिवाना >> असार ३ गते सार्वजनिक बिदा >> गण्डकीमा फ्लोर क्रस गर्ने सांसद देवकोटा पदमुक्त >> विकास र राजनीतिलाई जोडेर लैजाऔं : पौडेल >> लुम्बिनी बौद्ध विश्वविद्यालयको रजिष्ट्रारमा तेस्रोपटक आचार्य >> चर्को गर्मीले विद्यार्थी बेहोस, सल्यानमा विद्यालय बन्द >> ‘हरेक ५० जना बालबालिकामा एकजनालाई अटिजम’ >> ताप्लेजुङमा पहिरोले घर बगाउंदा चारजनाको मृत्यु >> एमाले गुल्मीको अध्यक्षमा बालसिंह काउछा निर्वाचित >> वेस्ट इन्डिज पुग्यो नेपाली टोली : भोलि दक्षिण अफ्रिकासँग खेल्दै >> टी-२० विश्वकप :आज अफगानिस्तान र पीएनजी तथा अमेरिका र आयरल्याण्डबिच खेल हुँदै >> लुम्बिनी प्रदेशमा आज पनि पानी नपर्नेः यस्तो छ अन्य ठाउँमा मौसम पूर्वानुमान >> नेपालको शिक्षा नीतिमै अलमल : नैतिकता र संस्कारको खडेरी >> निर्माणाधीन नालामा माटोको ढिस्कोले पुरिंदा तीन मजदुरको मृत्यु >> किसानलाई उपकरण वितरण >> १६ दिने निःशुल्क वारिष्ठा तालिम सुरु >> रक्तदातालाई प्रोत्साहनको खाँचो >> बैँकको खाताबाट बचत गायब सेवाग्राहीको बिचल्ली ! >> राशीअनुसार तपाईंको आजको भाग्य हेर्नुहोस् : आजको राशीफल >> मानव विकास सूचकांकले गिज्याउँदै प्रदेश सरकार >> लुम्बिनी प्रादेशिक अस्पतालमा असार १ गतेदेखि अनलाइन टिकेट सेवा 

भैरहवाबाट अन्तर्राष्ट्रिय उडान : पश्चिम नेपालकै मुहार फेर्ने आशा

५ जेष्ठ २०८०, शुक्रबार
५ जेष्ठ २०८०, शुक्रबार

बुटवल, ५ वैशाख ।

नेपाल एयरलाईन्सले भैरहवास्थित गौतमबुद्ध अन्तर्राष्ट्रिय विमानस्थलबाट आगामी जेठ २९ देखि अन्तर्राष्ट्रिय उडान भर्ने घोषणा स्थानीयलाई उत्साह जगाएको छ । पश्चिम नेपालको मुहार फेर्ने आशाको दियोको रुपमा हेरिएको यो विमानस्थल पूर्णरुपमा संचालनमा आएको खण्डमा शान्तिका अग्रदुत भगवान गौतम बुद्धको महिमा र जन्मस्थल लुम्बिनीको महत्वलाई बिश्व समुदायमा प्रचारप्रसार गर्न पनि महत्वपूर्ण टेवा पुग्ने छ ।

गतवर्ष जेठ २ गते सोमबार बुद्ध जयन्ती र वैशाख पूर्णिमा, रुपन्देहीबासीका लागि ऐतिहासिक महत्वको दिन थियो । वि.सं. २०७९ जेठ २ गते गौतमबुद्ध अन्तर्राष्ट्रिय विमानस्थल भैरहवामा जजिरा एयरलाईन्सको एयरबसले अन्तर्राष्ट्रिय उडानको शुभारम्भ गरेको थियो । अन्तर्राष्ट्रिय उडान सुरु भएसँगै भैरहवा, बुटवलबासी मात्र नभै सिंगो लुम्बिनी प्रदेशबासी नै यसको क्षेत्रको विकासले फड्को मारेको भन्दै उत्साहित भएका थिए । पहिलो पटक १ सय ९४ यात्रुहरु लिएर अवतरण गरेको जजीराले ३० जना यात्रु बोकेर फर्केको थियो ।

उक्त दिन कुवेतस्थित जजिरा एयरलाइन्सको २ सय ७८ यात्रु क्षमताको न्यारोबडी जहाजले पहिलो उडान भर्दै गौतमबुद्ध अन्तर्राष्ट्रिय विमानस्थलको महत्व र आवश्यक्ता उजागर गरेको थियो । दैनिक ५ वटा अन्तर्राष्ट्रिय उडान भर्ने क्षमताको गौतमबुद्ध विमानस्थलमा जजीरा एयरलाईन्सले शुरुमा हप्तामा ३ दिनमात्र उडान भर्ने गरेको थियो । जजीराले क्रमशः उडान बढाउँदै लैजाने र अन्य एयरलाईन्सहरु पनि थपिने भन्ने कुरा चल्दा चल्दै अन्तर्राष्ट्रिय उडान नै ठप्पै रोकियो ।

झण्डै १ दशकअघि शुरु भएको सो विमानस्थल संचालनमा आएपछि यहाँका उद्योगी, ब्यवसायी, बुद्धिजिवी, किसान लगायत सबै निकै उत्साहित बनेका थिए भने वैदेशिक रोजगारीका लागि खाडी मुलुक जाने युवाहरुका लागि सहज र सुवर्ण मौकाका रुपमा पनि हेरिएको थियो । पश्चिम नेपालका लागि निकै लाभदायक मानिएको यो विमानस्थलबाट अन्तर्राष्ट्रिय उडान रोकिए पनि उक्त उत्साहमाथि पानी पोखिए झैं भएको स्थानीयहरु बताउँछन् ।

करिब ८ अर्व रुपैयाँ लगानी गरेर निर्माण गरिएको गौतमबुद्ध अन्तर्राष्ट्रिय विमानस्थलप्रति यसक्षेत्रका जनताको ठुलो आशा र अपेक्षा रहेको भैरहवाका स्थानीय बासिन्दा डम्बरदेव पन्त बताउँछन् । सयौं किसानको जग्गा अधिग्रहण गरेर बिस्तार गरिएको भैरहवाको विमानस्थलले यसक्षेत्रको आर्थिक विकासमा समेत टेवा पु¥याउने विश्वास गरिएको पन्तको भनाई छ । उनी भन्छन्—“तर कसरी रोकियो, किन रोकियो, कसको कारणले हो, कसको कमी कमजोरी हो स्थानीयले केही थाहा पाउन सकेका छैनन् ।”

भैरहवाबाटै अन्तर्राष्ट्रिय उडान हुन थालेपछि यहाँका पर्यटन ब्यवसायीहरु पनि निकै उत्साहित बनेका थिए । अहिले पनि अन्तर्राष्ट्रिय उडानका लागि सरोकारवाला निकायहरुमा पर्यटन ब्यवसायीहरुले पहल गरिरहेका छन् । नागरिक उड्डयन मन्त्रालय, नागरिक उड्डयन प्राधिकरण, नेपाल एयरलाईन्स, विदेशी एयरलाईन्सहरु लगायतमा पुगेर उडानका लागि प्रयास गरिएको पर्यटन ब्यवसायी सागर अधिकारीको भनाई छ । अधिकारी भन्छन्—“सरकार, सम्बन्धित सरकारी निकायहरु, सरोकारवाला एयरलायन्सहरु सबैमा आग्रह अनुरोध लगायतका पहल र प्रयासहरु भैरहेका छन् ।

रोकिएको अन्तर्राष्ट्रिय उडान पुनः सन्चालन हुनेमा बुटवलकी पर्यटन ब्यवसायी रचना पन्त पनि विश्वस्त छिन् । पर्यटन ब्यवसायी संघ नाटाकी लुम्बिनी प्रदेश अध्यक्ष समेत रहेकी पन्त भैरहवाबाट अन्तर्राष्ट्रिय उडानको ब्यवस्था तत्काल मिलाउनु पर्ने कुरामा जोड दिँदै आगामी जेठ २९ गतेदेखि नेपाल एयरलाईन्सले उडान भर्ने कुराले उत्साहित बनाएको बताउँछिन् । यसक्षेत्रकै विकासमा कोसे ढुंगा सावित हुने अन्तर्राष्ट्रिय विमानस्थल संचालनमा ढिला गर्न नहुने धारणा अध्यक्ष पन्तको छ । उनी भन्छिन्—“पहिले शुरु भएर रोकिएको थियो । अव फेरि हँुदैछ यो राम्रो कुरा हो तर यसलाई निरन्तरता दिन हरसम्भव प्रयास सबैले गर्नुपर्छ ।”

गतबर्ष दुवईबाट नेपाल आउने क्रममा भैरहवा विमानस्थलमा उत्रिएका सैनामैनाका शालिकराम भट्टराईले सिधा उडानले निकै सहज बनाएको बताएका थिए । पहिलेको जस्तो काठमाडौं उत्रेर फेरि भैरहवा आउनु पर्ने वा जीर्ण सडकमा बसको यात्रा गरेर दुःख पाउने अवस्था अन्त्य भएको भन्दै उनले खुशी ब्यक्त गरेका थिए । यात्रा सहज र खर्च कम हुने भएकाले पनि यात्रुहरु उत्साहित हुने गरेको उनको टिप्पणी छ । उनी भन्छन्—“टिकट पनि सस्तो पर्यो, एकैदिनमा सिधै घर आईपुगियो खर्च पनि कम भयो ।” उनीसँगै नेपाल आएका अन्य यात्रुले पनि प्रसन्नता ब्यक्त गर्न भ्याए ।

पुरानो आन्तरिक विमानस्थलबाट अहिले दैनिक २४ जहाजले आन्तरिक उडान भर्छन् । नेपाली आकासमा हुने एयर ट्राफिक जाम व्यवस्थापन गर्न अन्तर्राष्ट्रिय विमानको उडानलाई रातीको समयमा राखिएको छ । यसले पनि समस्या पारेको भन्दै ब्यवसायीहरुले बिहान सबेरैको समय निर्धारण गर्दा राम्रो हुने बताउँछन् । गौतमबुद्ध अन्तर्राष्ट्रिय विमानस्थल सञ्चालन भएसँगै काठमाडौँको त्रिभुवन अन्तर्राष्ट्रिय विमानस्थलको एअर ट्राफिक जाम पनि केही हदसम्म घट्ने विश्वास गरिएको छ ।

 

यो खबर पढेर तपाईलाई कस्तो महसुस भयो ?