खोज

‘देश घुमौं देश बुझौं’ नारासहित पोखराका एक युवक साईकलयात्राको क्रममा बुटवलमा आईपुगेका छन् । साइक्लिङ्गसंगै जनचेतना जगाउन पोखरा निवासी दिवस गुरुङ्ग ३७ औं दिनमा बुटवल आईपुगेका हुन् ।
नेपालका सात प्रदेशमा पुग्ने लक्ष्यसहित उनी प्रदेश १ बाट अभियान शुरुवात गरेका हुन् । प्रदेश नं. १, २ हुँदै तराईका जिल्लाहरू र प्रदेश ४ को विभिन्न ठाउँहरूमा भ्रमण सकि उनी बुटवलबाट पश्चिम लागेका छन् । नेपाल स्वयंसेवी रक्तदाता समाज कास्कीका आजिवन सदस्य समेत रहेका उनी सामाजिक सचेतनाका साथै पर्यावरण जोगाउने अभियानलाई समेत यात्राको क्रममा ठाउँठाउँमा बुझाउँदै हिँडेका छन् ।
वन विज्ञान संस्था पोखरामा चौथो वर्षमा अध्ययनरत उनी पर्यावरण जोगाउने कुरा सबैले समयमा बुझ्न जरुरी रहेको बताउँछन । असोज २८ गतेबाट अभियान शुरु गरेका हुन् । मुख्य गरि अहिले यो अभियानमा पाँच वटा उद्देश्यहरू लिएर उनी भ्रमणमा हिँडेका छन् ।
सरकारले घोषणा गरेको पर्यटन वर्ष २०२० को प्रवद्र्धन, स्वस्थ्य वातावरण र पर्यटनमा साईकलको महŒव दर्शाउने, अटिजम सम्बन्धी जनचेतना फैलाउने, रक्तदानको महŒव प्रकाश पार्ने र जलबायु परिवर्तनको न्यूनीकरणका साथै जैविक विविधतालाई संरक्षण गर्ने विषयमा यात्राको क्रममा दश हजार बढिलाई जानकारी दिने लक्ष्य रहेको उनले बताए ।
प्रदेश नं. ४ का पर्यटकिय क्षेत्रहरूमा पुग्ने तथा अन्य प्रदेशको समेत नयाँ र लुकेको पर्यटकिय गन्तव्यलाई पहिचान गरेर सामाजिक संजालमार्फत प्रचारप्रसारमा सहयोग गर्ने उनले बताए ।
करिब ४० दिनमा यात्रा पुरा गर्ने लक्ष्य राखेका उनलाई विभिन्न सामाजिक संघसंस्थाहरूले आर्थिक सहयोग गरेको छ । उनी यसअघि टुर द लुम्बिनी, राईड टु सिन्धुली, टुर दी पोखरा लगायत विभिन्न अभियानमा सहभागी भैसकेका छन् ।à