आश्विन ७ २०७८   |  2021 Sep 23    


उजाड डाँडामा मनमोहक पार्क


news

सुक्खा र उजाड पहाडका रूपमा रहेको बंगलाचुली पहाडलाई अहिले पार्कको रूपमा विकास गरिएकोे छ । बंगलाचुली गाउँपलिका ५ को मुर्कुटी बजारदेखि पूर्व–उत्तरमा रहेको अग्लो पहाडलाई पर्यटकीय स्थलका रुपमाविकास गर्ने उद्देश्यले गाँउपालिकाले पार्क निर्माण गरिरहेको छ ।


केहीवर्ष अघि सुक्खा डाँडाको रूपमा रहेको उक्त पहाड अहिले बंगलाचुली गाँउपालिकाले पालिकाको पहिचानका लागी भन्दै पार्कको रुपमा विकास गरिरहेको जनाएको छ । करिब दुई सय ५० रोपनी क्षेत्रफल रहेको उक्त ठाउँमा अहिलेसम्मविभिन्नभौतिक संरचनाहरु निर्माणका लागि करिब एक करोड रुपैयाँ खर्च भएको छ । समुदायिक वन क्षेत्रमा पर्ने उक्त ठाउँलाई गाउँपालिकाकै प्रमुख पर्यटकीय स्थलका रुपमा विकास गर्नका लागि अहिलेसम्म भ्यू–टावर, प्रतीक्षालय, नाँचघर, पार्कको विभिन्न ठाउँमा बस्नका लागिकुर्सी, भ्यू–टावरको संरक्षणका लागिपर्खाल, गेट र उक्त क्षेत्रमा हिडडुल गर्नका लागिपक्की बाटोलगायतका विभिन्न संरचनाहरु निर्माण गरिएको गाँउपालिकाकाअध्यक्षभक्तवहादुर ओलीले जानकारी दिए । बंगलाचुली पार्कलाई थप आकर्षक बनाउनका लागि पिक स्पोर्ट, खेल मैदान, मन्दिर, विवाह मण्डप लगायतका अन्य थुप्रै संरचनाहरु निर्माण गर्न बाँकी रहेको उनले बताए ।


वि.सं २०६४÷०६५ सालमा बंगलाचुली पर्यटकीय क्षेत्र पूर्वाधार समिति गठन गरेर उक्त क्षेत्रको विकासका लागि काम सुरु गरिएको हो । सुरुमाउक्त क्षेत्रलाई विकास गर्न सरोकारवाला निकायले चासो नदिँदा पछाडि पर्दै आएको उनको भनाई छ । “यो पहाड यस क्षेत्रकै अग्लो भएको र सफा मौसम भएको समयमा उत्तरी क्षेत्रमा रहेका अग्ला हिमालहरुको दृश्यावलोकन गर्न सकिने भएकाले यस ठाउँलाई पर्यटकीय स्थलका रुपमाविकास गर्न स्थानीय लागेका थिए तर बजेट अभावका कारण विकास गर्न सकेका थिएनन् तर अहिले प्रदेश सरकार र स्थानीय सरकार बंगला चुलीले पार्कको विकासमा बजेट राख्न थालेपछि अहिले विकसित हुँदै गएको हो” अध्यक्ष ओलीले भने । बंगलाचुली पार्क नामाकरण गरिएको उक्तपार्क क्षेत्रमा अहिले प्रारम्भिक चरणको मात्र विकास भएको उनले बताए । “अहिले पार्कको प्रारम्भिक चरणको विकासको कामभएको छ, अझै धेरै कामहरु हुनबाँकी नै छन्, सबै संरचनाहरु निर्माण भएपछि यो नमुना पर्यटकीय केन्द्रका रुपमा विकास हुनेछ” अध्यक्ष ओलीले भने ।


बंगलाचुली पार्कमा पूर्वाधार विकासका लागि गतवर्ष प्रदेश सरकार अन्तर्गत डिभिजन वन कार्यालयले ५० लाख रुपैयाँ खर्च गरेर संरचनाहरु निर्माण गरेको हो । त्यस्तै यस वर्ष पनि कार्यालयले २० लाख रुपैयाँ विनियोजन गरेको र संरचना निर्माणको काम भइरहेको छ । यसैगरी उक्त ठाउँको पर्यटकीय विकासका लागि गाउँपालिकाले करिब २० लाख रुपैयाँ र पर्यटन बोर्ड भैरहवाले तीनवर्ष अघि सुरुमा पाँच लाख रुपैयाँ खर्च गरेर भ्यू टावर निर्माणको सुरुवात गरेको थियो । बंगलाचुली पार्कको पर्यटकीय विकासले यस क्षेत्रको समग्र विकासका लागि भूमिका खेल्ने बंगलाचुली गाउँपालिका ५ का अध्यक्ष एनुराज खत्रीले बताए ।

उनले सामान्य पहाडको डाँडालाई पर्यटकीय रुपमा विकास गर्नका लागि विभिन्न संरचनाहरु निर्माण गर्दा अहिले आकर्षणको केन्द्र बन्दै गएको बताए ।“बंगलाचुली पहाडलाई पार्कका रूपमा विकास गर्नका लागिप्रदेश सरकार र गाउँपालिकाले बजेट विनियोजन गरेर विभिन्न संरचना निर्माण गर्ने कामभइरहेको छ, सवै संरचना निर्माण भैसकेपछि थप आकर्षक हुनेछ” वडा अध्यक्ष खत्रीले भने ।


पार्कलाई थपआकर्षक बनाउनका लागि हिड्ने बाटोमा रेलिङ राख्ने, विभिन्न प्रकारका विरूवा रोपेर हरीयाली बनाईने भएको छ । बंगलाचुली पार्क घोराही बजारदेखि ३२ किलोमिटरको दूरीमा छ ।

अपडेट : 2021-06-12 10:34:44




your-image

Leave a Comment