जेठ ३ २०७८   |  2021 May 17    


रुपन्देहीमा सक्रिय संक्रमित ३ हजार २ सय ८२


news

रुपन्देही जिल्लामा पछिल्लो २४ घण्टामा ९ जना कोरोना संक्रमितको मृत्यु भएको छ । स्वास्थ्य कार्यालय रुपन्देहीका अनुसार रुपन्देहीमा अहिले सम्म मृत्यु हुनेको संख्या २ सय पुगेको छ ।

जिल्लामा अहिले सक्रिय संक्रमितको संख्या ३ हजार २ सय ८२ पुगेको छ । संक्रमितहरु मध्ये २५ प्रतिशत सक्रिय संक्रमित रहेका छन भने ७३ प्रतिशत निको भएर घर फर्किसकेका छन् । संक्रमित मध्ये २ प्रतिशतको मात्र मृत्यु भएको छ ।

२४ घण्टामा रुपन्देहीमा ४ सय ४३ जना संक्रमित थपिएका छन् । जसमध्ये सबै भन्दा बढी बुटवल उपमहानगर पालिकामा मात्र ९१ जना महिला र १ सय १४ जना पुरुष गरि २ सय ५ जना संक्रमित देखिएका छन् । यसै गरि सिद्धार्थनगर नगर पालिकामा २१ महिला र ४४ पुरुष गरि ६५ जना, तिलोत्तमा नगरपालिकामा ३६ महिला र ३६ पुरुष गरि ७२ जना, देवदह नगरपालिकामा ६ जना महिला र १७ जना पुरुष गरि २३ जना संक्रमित थपिएको स्वास्थ्य कार्यालय रुपन्देहीको तथ्यांकमा उल्लेख छ ।

पछिल्लो २४ घण्टामा रुपन्देहीको सम्मरीमाई गाउँपालिका बाहेक अन्य सबै १५ वटै स्थानिय तहमा संक्रमित देखिएका छन् ।

अपडेट : 2021-05-02 10:45:29




your-image

Leave a Comment