जेठ ३ २०७८   |  2021 May 17    


पदमुक्त भनिएका जसपा सांसद 'सर्वोच्च अदालत'


news

लुम्बिनी प्रदेशको प्रदेश सभा सदस्यबाट पदमुक्त भएका चार जनाले सर्वोच्च अदालतमा रिट दायर गर्ने जनाएका छन् ।


जनता समाजवादी पार्टीका सांसद सन्तोषकुमार पाण्डे, विजयबहादुर यादव, सुमन शर्मा रायमाझी र कल्पना पाण्डे कानूनी उपचारका लागि भन्दै अदालत जाने जनाएका हुन् ।
मुख्यमन्त्री शंकर पोखरेल विरुद्ध अविश्वासको प्रस्ताव दर्ता भए लगत्तै ति चार जना प्रदेश सभा सदस्य प्रदेश सरकारमा मन्त्री बनेका थिए ।


विहिवार प्रदेश सभा सचिवालयले जसपाको संसदीय दलको निर्णय अनुसार चारै जना सांसद पदमुक्त भएको सुचना निकालेको थियो ।


चार सांसद पदमुक्त भएको सूचना आएसँगै जनता समाजवादी पार्टीका अध्यक्ष महन्त ठाकुरले प्रदेश सभाका सभामुखलाई पत्र पठाएर चार जनालाई केन्द्रीय स्तरबाट कुनै कारवाही नभएको उल्लेख गरेका थिए ।


नेपाली कांग्रेस, माओवादी केन्द्र र जनता समाजवादी पार्टीका सांसदले बैशाख ६ गते मुख्यमन्त्री शंकर पोखरेल विरुद्ध अविश्वासको प्रस्ताव दर्ता गराएका थिए ।


सचिवालयले सूचना निकालेपछि सर्वोच्च अदालतमा रिट दायर गर्न आफूहरु काठमाण्डौ पुगेको सन्तोषकुमार पाण्डेले बताए । प्रदेश सभा सभामुख र सचिवलाई निकाल्ने अधिकार नभएको उनिहरुको भनाई छ ।


जनता समाजवादी पार्टीको केन्द्रीय कार्यकारिणी समितिको बैठक अहिले सम्म नबसेको हुँदा बैठक नै नबसिकन गरिएको कार्वाही गैरकानूनी भएको उनिहरुले बताए ।

अपडेट : 2021-04-30 13:51:05




your-image

Leave a Comment