फाल्गुण १९ २०७७   |  2021 Mar 03    


हाम्रो निर्भिक यात्रा


news

कोेभिड १९ ले हामीलाई पनि प्रभावित पार्यो । लकडाउनको समस्या सबैले भोगियो । तर पनि बुटवल टुडे राष्ट्रिय दैनिकको नवौं बार्षिकोत्सव मनाउन पाउँदा आज हामीलाई गर्भानुभूति भइरहेको छ । रंगीन कलेबरमा अन्तर्राष्ट्रिय मापदण्डमा निरन्तर रुपमा पत्रिका प्रकाशित गर्नु मजाकको विषय पक्कै हैन । अनेकौँ समस्यासँग जुध्दै हामीले पाठकहरुलाई हरेक दिनको प्रभातमा यो वा त्यो माध्यमबाट नयाँ खोजयुक्त समाचार तथा विचारहरु पस्कन सक्यौँजस्तो लाग्छ । र, नै आज हामी निर्धक्कसँग भन्न सक्छौँ कि हाम्रो पत्रकारिता समयसापेक्ष थियो र भोलिका दिनमा पनि रहने छ ।

लुम्बिनी प्रदेशको ऐतिहासिक, शैक्षिक, सांस्कृतिक नगरी बुटवललाई केन्द्र बनाएर प्रकाशित हुँदै आएको बुटवल टुडे राष्ट्रिय दैनिक सबैभन्दा धेरै पाठकहरुले पढ्ने पत्रिका हो । लुम्बिनी प्रदेशमामात्र हैन, अन्य प्रदेशका पाठकहरुमाझ बुटवल टुडेले उपस्थिति जनाउँदै दैनिक रुपमा आफ्नो छाप छाड्न सफलता पाएकोमा हामीलाई गर्वानुभूति भएको छ ।

मिडियाको क्षेत्रमा मोफसलको राजधानीको चिनारी दिएको बुटवलको साख बचाएर राख्नकालागि बुटवल टुडे दैनिकले प्रयास र अभ्यास गरिरहेको छ । यसले पाएका राष्ट्रियतहका पुरस्कार, सम्मान, पत्रपत्रिकाको वर्गीकरण मूल्यांंकनमा पाएका उपाधिहरु यसका ज्वलन्त उदाहरणहरु हुन् । यो क्षेत्रमामात्र हैन, राज्य सञ्चालन गर्ने नेतागणहरुमाझ तठस्थ र सत्य विचारहरु सम्प्रेषण गरेर सुझाव दिई राष्ट्रियता, संघीयता, जनताका हक अधिकार संस्थागत गर्ने सवालहरुमा पनि झक्झकाउने काममा महत्वपूर्ण भूमिका निभाउँदै आएको हो ।

यी कारणले पनि बुटवल टुडेले जनताको प्रिय पत्रिका बन्ने अवसर पाएको हो भन्ने हामीलाई लागेको छ । यसले प्राप्त गरेका यी उपलब्धीहरुको हकदार हामीमात्र निश्चितै होइनौँ । यसमा निरन्तर खट्ने सञ्चारकर्मी, अमूल्य विचारहरु लेखेर दिने आदरणीय लेखक, पाठक, विज्ञापनदाता, सुझावदाता सबै हकदार हुनुहुन्छ । हामीलाई आशा छ भोलिका दिनमा पनि यहाँहरुको यस्तै मायाँ, सहयोग र सद्भाव रहने छ ।

अपडेट : 2021-02-02 11:22:25




your-image

Leave a Comment