माघ १२ २०७७   |  2021 Jan 25    


तिनाउको झ्याङ्ला र घोडेबासका १४८ घरमा खानेपानीका धारा


news

पाल्पाको तिनाउ गाउँपालिकाको झ्याङ्ला र घोडेबास गाउँका १४८ घरमा खानेपानीको धारा जडान भएको छ । नेपाल रेडक्रस सोसाइटी, पाल्पा, तिनाउ गाउँपालिका सहयोग र स्थानीय जनताको श्रमदानमा खानेपानीका धारा जडान भएका हुन् ।

गाउँपालिकाका प्रवक्ता राजेश श्रेष्ठका अनुसार झ्याङला गाउँमा ९८ घर र घोडेबासमा ५० घरमा खानेपानीका धारा जडान गरिएको हो ।

ति दुइ गाउँका खानेपानी योजनाको एक कार्यक्रमका बीच नेपाल रेडक्रस सोसाइटी पाल्पाका सभापति बुद्धि प्रसाद शर्मा र गाउँपालिकाका अध्यक्ष ओमबहादुर घर्तीले शुक्रबार उद्घाटन गरेका छन् ।

झ्याङ्ला खानेपानी योजनाका लागि नेपाल रेडक्रस सोसाइटीबाट १९ लाख ४५ हजार, तिनाउ गाउँपालिकाबाट ४ लाख ३५ हजार र स्थानीयको ९ लाख बराबरको श्रमदान गरी करिब ३३ लाख लागतमा खानेपानी योजना सम्पन्न गरिएको हो । त्यसैगरी घोडेबास खानेपानी योजनाका लागि रेडक्रसबाट ६ लाख, गाउँपालिकाबाट ५ लाख र स्थानीय श्रमदान ७ लाख गरी करिब १८ लाख खर्च गरिएको थियो ।

तिनाउ गाउँपालिकाका प्रवक्ता राजेश श्रेष्ठले घोडेबास गाउँका बासिन्दाले खानेपानी योजना अघि बाउन्ने खोलाको पानी खाँदै आएको र गाउँलेको १५ बर्षदेखि पानी खाने सपना पूरा भएको बताए ।

खानेपानी योजना उद्घाटन कार्यक्रममा नेपाल रेडक्रस सोसाइटी, पाल्पा शाखाका सभापति बुद्धिप्रसाद शर्मा, गाउँपालिकाका अध्यक्ष ओमबहादुर घर्ती, प्रवक्ता राजेश कुमार श्रेष्ठ, रेडक्रसका केन्द्रिय उपनिर्देशक अम्मर पौडेल, धना उचाई, चक्रब्यू थापा, रुदै जिसी, रविन्द्र पौडेल लगायतले खानेपानीको महत्व र खानेपानी योजनाको बिषयमा बोलेका थिए ।

अपडेट : 2020-12-25 18:36:56




your-image

Leave a Comment