मंसिर १७ २०७७   |  2020 Dec 02    


गुल्मी ग्वादीका एक बालक बुटवलबाट दुईदिनदेखि बेपत्ता


news

गुल्मीको रुरुक्षेत्र गाउँपालिका वडा नं. २, ग्वादी, तिलहरे गाउँका एक बालक बुटवलबाट बेपत्ता भएका छन् ।

बुटवल उपमहानगरपालिका वडा नं. ८ दिपनगर चमचमचोकमा परिवारसंग बस्दै आएका १० बर्षिय निश्चल तिवारी शुक्रबारदेखि बेपत्ता भएका हुन् ।

उनी बुटवलको कालिका मानवज्ञान माबि कक्षा ४ का बिद्यार्थी हुन् । शुक्रबार दिउँसो साथीहरुसंग खेल्न भनेर सिद्धेश्वर माविको खेल मैदानमा गएको उनि घर नफर्केको बालकका बाबु कृष्ण तिवारीले बताए ।

घरबाट खेल्न भनेर साथीहरूसंग गएको हो, हिजो नफर्केपछि रातभर खोज्दा फेला नपरेको उनले बताए । परिवारका अनुसार दिउँसो ३ बजेतिर घरबाट खेल्न निस्किएका उनिहरु ५ बजे नफर्किएपछि परिवारले खोजी गरेको थियो ।

उनिसँगै खेल्न गएका साथीहरुले एक व्यक्तिको साइकलमा चढेर हिडेको कुरा परिवारलाई बताएको बताइएको छ ।

बालक बेपत्ता भएपछि परिवारजनमा दशैँको मुखमा चिन्ता थपिएको छ । बुटवल प्रहरीले बालकको खोजी कार्य जारि राखेको जनाएको छ ।
बालकको खोजी गरिदिन परिवारजनले सबैमा अपील गरेका छन् ।

अपडेट : 2020-10-25 17:49:27




your-image

Leave a Comment