Logo
२४ माघ २०७९, मंगलवार
Logo

किन सुरु हुन सकेन रुपन्देहीमा मतगणना ?


बुटवल ५ मंसिर ।

प्रतिनिधिसभा तथा प्रदेशसभा सदस्यका लागि भएको मतदान कार्य सकिएपछि आईतबार रातीदेखि नै मतगणना सुरु हुने भनिएपनि रुपन्देहीमा अहिलेसम्म सुरु हुन सकेको छैन । मतगणना सुरु गर्ने तयारी गर्दै गर्दा केही राजनीतिक दल र दलका कार्यकर्ताले विवाद सिर्जना गरेका छन् । जसका कारण मतगणना सुरु हुन नसकेको हो ।

मतदान कार्य सकिएपछि आइतबार राति नै मतपेटिकालाई सुरक्षित रुपमा मतगणना स्थलमा पुर्याइएको थियो । जिल्ला निर्वाचन कार्यालयले आइतबार राति ९ बजेदेखि नै मतगणना सुरु गर्ने बताएको थियो । तर मतपेटिका पु¥याइसकेपछि दल र दलका प्रतिनिधिले विवाद सिर्जना गरेपछि मतगणना अगाडि बढ्न सकेको छैन ।

माओवादी केन्द्रका उम्मेदवार र प्रतिनिधिले विवाद सृजना गरेकाले रुपन्देही क्षेत्र नं. २ को मतपेटिकाहरु निर्वाचन अधिकृतको कार्यालय बुटवल ल्याईएपनि गणना सुरु हुन नसकेको एक उम्मेदवारले जानकारी दिए ।

उनका अनुसार सबै मतदान केन्द्रबाट मतपेटिका निर्वाचन अधिकृतको कार्यालयमा ल्याएपछि सर्वदलीय छलफलमा निर्वाचन अधिकृत परिवर्तन गर्नुपर्ने माओवादी केन्द्रका उम्मेदवारले माग राखेपछि सहमति जुट्न नसकेको हो ।

जिल्लाका अरु निर्वाचन क्षेत्रको पनि मतगणना कार्य सुरु हुन सकेको छैन । जिल्ला निर्वाचन कार्यालय रुपन्देहीका प्रमुख अयोध्या भण्डारीले राति कुनैपनि क्षेत्रको मतगणना कार्य सुरु नभएको बताए । रुपन्देहीका पांच वटा प्रतिनिधि सभा र १० वटा प्रदेश सभा निर्वाचन क्षेत्रको मत गणना ५ वटा निर्वाचन क्षेत्रमा अलग अलग हुने छ ।

यसअघिका आम निर्वाचनमा जिल्लाका सबै निर्वाचन क्षेत्रको मतगणना जिल्ला सदरमुकाममा हुंदै आएको थियो । निर्वाचन कार्यालय रुपन्देहीका अनुसार क्षेत्र नं १ को मतगणना देवदह क्याम्पस शितलनगरमा, २ को बुटवल उपमहानगरपालिकाको पुरानो प्रशासनिक भवनमा, ३ को भैरहवा नमूना माविमा,४ को मझगावा मावि मर्चवारमा र ५ को गंैडहवा गाउपालिकाको नयां प्रशासनिक भवनमा हुने छ ।

यो खबर पढेर तपाईलाई कस्तो महसुस भयो ?

ताजा
  >>   आईटी क्षेत्रलाई सम्बोधन गर्ने गरी छुट्टै कानुन बनाउछौं: सञ्चार मन्त्री   >>   नेपालीले खान्छन् आवश्यकता भन्दा बढी आयोडिनयुक्त नुन, मात्रा घटाउने तयारीमा सरकार   >>   ‘विद्यार्थीको पठनपाठनमा अभिभावकको भूमिका अपरिहार्य’   >>   टी-ट्वान्टी लिग : स्पट फिक्सिङको आरोपमा नितेश गुप्ता पक्राउ   >>   बालबालिकामा इन्टरनेटको बढ्दो लत   >>   ‘सरकारले नेपाली टेक्नोलोजीलाई प्राथमिकता दिन सकेन’   >>   गार्गी एकेडेमीमा खेलकूद सप्ताह सुरू   >>   आठौं मणिमुकुन्द रनिङ कप भलिबल शुरु, खेलले समाजको चौतर्फी विकासमा टेवा दिन्छ : मेयर खांण   >>   प्रधानमन्त्री प्रचण्ड र एमाले अध्यक्ष ओलीबीच भेटवार्ता   >>   लुम्बिनीमा सुरु भो रामकथा प्रवचन, दुईहजार श्रद्धालु सहभागी