ट्रेंडिंग:

>> विशेष अदालतमा अनलाइन प्रणालीबाटै मुद्दाको सुनुवाइ >> गण्डक नहरमा डल्फिन भेटियो >> नवलपरासीमा सोमबारदेखि अन्तरप्रदेश राष्ट्रिय पुरुष कवड्डी प्रतियोगिता हुँदै >> नेपालगञ्जमा दिसाजन्य लेदो ब्यवस्थापनको समस्या अन्त्य >> रुख कटानको काम सुरु >> श्रम स्वीकृतिको काम एकै दिनमा हुने >> आयरल्यान्ड वुल्भ्सले दियो नेपाल ‘ए’ लाई २२३ रनको विशाल लक्ष्य >> एसईई अनुगमनका जथाभावी अनुमति पत्र रद्द >> १९ वर्षीया पद्मा सुनार हत्याका अभियुक्त सार्की सार्वजनिक >> बागमतिमा मुख्यमन्त्रीलाई विश्वासको मत दिए मन्त्रीलाई कारवाही : घिमिरे >> सडकबत्तीको महसुल तत्काल भुक्तानी गर्न पालिकाहरुलाई प्राधिकरणको आग्रह >> नमुना महिला विकास सहकारीको स्थापना दिवस >> स्थानीय वायुले देशभरको मौसम बदली >> आईपीएल क्रिकेटमा राजस्थान रोयल्सको लगातार दोस्रो जित >> नेपाल ए र आयरल्यान्ड ए टोलीबीचको मैत्रीपूर्ण टी–२० क्रिकेट शृङ्खला आजदेखि >> प्रदेशमा अपाङ्गता कार्यक्रमः सीप बिर्सदै पूर्वाधारको पछिपछि >> प्रि मनसुनको जोखिम र सावधानी >> मधेशमा बिकराल बन्दै मिटर ब्याजको समस्या >> राशीअनुसार तपाईंको आजको भाग्य हेर्नुहोस् : आजको राशीफल >> प्रेस चौतारी रुपन्देहीको आयोजनामा डिजिटल मिडिया व्यवस्थापन तालिम सम्पन्न  >> लुम्बिनी वल्र्ड स्कुलले “हेप्पीनेस लाईफ” कार्यक्रम गर्दै >> दाङमा लागुपदार्थ सहित एक महिला पक्राउ >> ग्याष्ट्रो सेन्टर बुटवलमा पहिलो पटक बच्चाको ईन्डोस्कोपी >> स्वरुप फेर्दै बुटवल बसपार्क : कस्ता बन्दैछन् संरचना ? >> बन चौरी अंकित चिन्ह राखेर एमाले हुम्लाले बनायो लोगो >> एमाले रुपन्देहीको अधिवेशन जेठ १६ र १७ गते, करिब ८ सय मतदाता >> निसन्तान दम्पत्तिका लागि लुम्बिनी प्रादेशिकमा ‘आईयूआई’ सेवा सुरु >> सिईसि र धनगढी विजयी >> सुनको मूल्यमा नयाँ रेकर्ड कायम >> बुटवलमा एक पुरुष मृत अवस्थामा फेला >> प्रधानमन्त्री र देउवाबीचको भेटमा के कुरा भए ? >> नेपाल ए र आयरल्यान्ड ए बीचको खेल रद्द >> लुम्बिनीका होटेल व्यवसायीको अनिश्चितकालीन धर्ना शुरु >> समस्याग्रस्त सहकारीको सङ्ख्या २० पुग्यो, साढे १७ अर्ब रुपैयाँ ठगी भएको भन्दै उजुरी >> दाङका चार क्रेसर उद्योग बन्द गर्ने निर्णय >> लुम्बिनी क्षेत्रको पर्यटकीय विकासको लागि एनआरएनए र चार नगरपालिकाबीच समझ्दारी >> प्रधानमन्त्रीले बोलाए संधानिक परिषद् बैठक >> थुनामा रहेका रायमाझी अस्पताल भर्ना >> कक्षा १२ मा पढ्दै गरेकी युवतीको हत्या प्रकरण: पाल्पा अस्पतालले पोस्टमार्टम गर्न नमानेपछि बुटवल ल्याइयो शव >> टी–२० सिरिजको पहिलो खेमा नेपाल ए र आयरल्याण्ड खेल्दै >> काँग्रेस महामन्त्री थापाको दोस्रो चरणको संवाद यात्रा सुरु >> लुम्बिनीमा तीर्थयात्रीका नाउमा गरिदै आएको होटल व्यवसाय अविलम्ब बन्द गर्न माग >> दाङमा भिरबाट लडेर एकको मृत्यु  >> आईपीएलमा हैदराबादले बनायो सर्वाधिक रन, मुम्बई ३१ रनले पराजित >> यी प्रदेशमा आज पनि चट्याङ्गसहित वर्षाको सम्भावना >> यस वर्षको एसईई आजबाट, ५ लाख भन्दा धेरै विद्यार्थी परीक्षामा सहभागी हुँदै >> ‘दलित ज्ञान उत्सव’ रूपन्देहीमा >> उत्कृष्ट नतिजाको अग्रिम शुभकामना >> कस्तो जमाना ? अरुको भलाईमा परिवन्दको डर ! >> सात वर्षमा दुई पटक भाँचियोः अब कहिले बन्छ पुल ?
फोटो कथा

उम्मेदवार घरदैलोमा, मतदातालाई खेतीपातीको चिन्ता (फोटो फिचरसहित)

२९ कार्तिक २०७९, मंगलवार
२९ कार्तिक २०७९, मंगलवार

बुटवल, २९ कात्तिक ।

धानको भारी बोकेर खलोमा ल्याउँदै गरेका धकधई, अडरिया टोलका रामअचल यादवलाई चुनावको भन्दा खेतीपातीकै चिन्ता छ । मंगलबार परिवारसहित खलोमा धान बोकिरहेका उनी यो वर्ष उब्जनी कम भएको गुनासो गरे । चार सय मिटर दूरीमा धानको भारी बिसाएर सुस्ताएका उनी सिचाईको राम्रो ब्यवस्था नहुँदा सधै आकासे पानीको भरमा खेती गर्नुपर्ने बाध्यता रहेको बताए । ‘हामी आकासे पानीमा खेती गर्न बाध्य किसानहरु सधै जोखिममा छौ’–उनले भने ।

उनी एक विगाहामा खेति गर्छन । यो वर्ष एक कठ्ठामा ५० किलो भन्दा बढी उब्जनी नहुने उनको आंकलन छ । ‘पहिले पहिले एक कठ्ठामा डेढ क्विन्टलससम्म उत्पादन हुन्थ्यो’–उनले भने । समयमा बीउ, मलखाद र पानीकै कारण उत्पादन ह्रास भएको उनको दाबी छ । खेतमा गहुँ लगाउने तयारीमा रहेका उनी अब मलखाद कहाँबाट ल्याउने समस्यामा छन् । पहिले २ हजार रुपैयाँ प्रतिबोरा भारतबाट पाईने खाद अहिले भने चोरीनिकासा गरेको पनि ३ हजार ५ सय रुपैयाँमा पाउन कठिन भएको उनले बताए । कृषि पेशा अपनाउन धेरै समस्या भएको उनको दुखेसो छ ।

‘कृषि मल विउ सबैभन्दा ठूलो समस्या छ । ‘एक विगाहामा २ बोरा डीएपी, ३ बोरा युरिया र १ बोरा पोटास हाल्नुपर्छ’–उनले भने । वर्षमा धान र गहँु गरी दुई खेति गर्ने उनी जस्ता किसानलाई धेरै समस्या छ । खेतमा काम गरिरहँदा धेरै नेताहरु चुनाव प्रचारमा गाउँ छिरेको उनले देखे । उनीहरु चुनावको बेलामात्र गाउँ पस्ने गरेको उनको दुःखेसो छ । ‘पाँच वर्षसम्म कता हराए कुन्नी ?’–उनले प्रतिप्रश्न गरे । पटकपटक मन्त्री बन्ने तर जनताको समस्याबारे भने नेताहरु अनभिज्ञ हुने गरेको उनको गुनासो छ । ‘हामी जनता दुखःी छौ ।’–उनले भने ।

अडरिया टोलको चोकमा सानो टंकी पसलमा ५५ वर्षीय सलिम उननिशा ग्राहकको पर्खाईमा छिन् । झुपडी घर अगाडि टंकी राखेर चहलपहल हुने चोकको सदुपयोग गरेकी उनी किराना सामानहरु बेचिरहेकी छिन् । खेतिपातीबाट जीवन चल्न नसकेपछि टंकी पसल थापेको उनले बताईन् । पाच वर्षसम्म कुनै नेता नआएको गाउँमा दैनिक हुल बाँधेर नेताहरु आएको उनी बताउँछिन् । ‘चुनावको प्रचारमा दैनिक नेताहरु गाडी चढेर आएका छन्’–उनले भनिन् । टंकी पसलबाट उनी चिहाएर बसेकी छिन । डिजे साउण्ड बजाएर नेताहरु गाउँ छिरे पनि माहौल भने नबनेको उनी बताउँछिन् । ‘नेताहरुलाई कुर्सी चाहिएर भोट माग्न आएका छन’–उनले भनिन ।

खेति किसानी गर्ने धकधई वडा नं. ३ की ४२ वर्षीय रामकली कहाँरको एउटा खुट्टा नचल्ने समस्या छ । लौरोको सहारामा हिडडुल गर्ने उनी काम गर्न सक्दिनन् । ब्लड प्रेसरकै कारण प्यारालाईसिस भएको उनले दुःखेसो गरिन् । ‘गाउँमा राम्रो अस्पताल छैन’–उनले भनिन् । बिरामीहरु सही उपचार पाउन नसक्ने अवस्थामा रहेको उनले बताईन् । नेताहरु चुनावको बेलामात्र गाउ पस्ने गरेको भन्दै उनले हाम्रो समस्या कहिलै पनि बुझने र समाधान गर्नेतर्फ ध्यान नदिएको दुःखेसो गरिन् ।

ससुराबाले भएको सम्पत्तिकै १२ कठ्ठा जग्गा समेत मन्दिरलाई दान गरेपछि बचेको ८ कठ्ठा जग्गामा उनको श्रीमान महेश कोहाँर खेती गर्छन् । खेतीबाट वर्षदिन खान नपुग्दा कोहार ज्यालादारी काम गरेर जिविका चलाउँछन् । परिवारमा १ छोरा र २ छोरीहरु ९ कक्षासम्म पढेर छोडेको उनले बताईन् । गाउँ डुलेर हिड्छन तर घरमा नसघाउने उनले दुःखेसो गरिन । ‘खेतमा धान झुलिरहेका फसल समेत काट्न समस्या छ’–उनले भनिन् ।

गाउँका चल्ताफुर्ता युवा १८ वर्षीय गौतम यादव राजनीतिक दलप्रति सकारात्मक छैनन । नेताहरु चुनाव जितेपछि एकपटक फर्केर नआएको उनी दुःखेसो गर्छन् । निःशुल्क शिक्षा भने पनि गरिब विपन्न परिवारका बच्चाहरु पढ्न सक्ने अवस्थामा नरहेको उनी बताउँछन् । आफ्नो ४ महिना खेति गर्ने धेरै युवाहरु रोजगारका लागि नजिकका शहर र विदेशमा जाने गरेको उनी बताउँछन् । परिवारको सदस्य आर्थिक रुपमा सबल भएमात्र छोराछोरी स्कुल जान्छ भन्ने नेताहरुले बुझन जरुरी रहेको उनको सुझाव छ । गाउँमा बुढाबुढीहरु भने वृद्ध भत्ताको ब्यवस्था गरेको भन्दै एमाले उम्मेदवारप्रति सकारात्मक रहेको उनी बताउँछन् । पढेर नोकरी मिल्दैन त्यसैले किन पढ्ने भन्ने गाउँमा धेरैको सोच परिवर्तन गर्न जरुरी रहेको उनले बताए ।

पोखरीभिण्डीका ६९ वर्षीय ओसिउल्ला खान पटकपटक निर्वाचनमा भाग लिएका छन् । मधेशको जनताको एकमात्र माग भौतिक विकास भएको बताउँछन् उनी । नेताहरुले गठबन्धन गरेर जनतालाई ठग्ने काम गरेको उनको दुःखेसो छ । विकासको नाममा दलका नेताहरु मिलेर बजेट खाने काम गरेको उनी बताउँछन् ।

भारतीय सिमा भगवानपुरदेखि धकधईसम्म पाँच किलोमिटर दूरी पक्की हुन नसकेको उनको दुःखेसो छ । यो सडक खैरेनी हुँदै पाल्पा जोड्ने लक्ष्य हरेक पार्टीको प्रचारमा भेटिन्छ । मुस्लिम र यादव जातिको बाहुल्यता रहेको सो क्षेत्रमा निर्णायक भोट मानिन्छ । रोहिणी, ओमसतिया, देवदहका क्षेत्रका ७५ प्रतिशत जनसंख्या खेतिपातीमा निर्भर छन् । उनीहरुको एकमात्र माग कृषि उपजका लागि बिउबिजन, मलखादको सहजता, सिचाईको ब्यवस्था, सडकमार्गको पहुँच, शिक्षा, स्वस्थ्य नै मुख्य रहेका छन् ।

यो खबर पढेर तपाईलाई कस्तो महसुस भयो ?