खोज

सुर्खेत, ३ मंसिर ।

भूकम्प प्रभावित क्षेत्रमा नेकपा माओवादी केन्द्र कर्णाली प्रदेशले तीनहजार बढी स्वयंसेवक खटाउने भएको छ । माओवादी केन्द्रले पार्टी भित्रका तीन हजार एक सय भोलेन्टियर खटाउने जनाएको छ । हिजो बसेको कर्णाली प्रदेश विशेष रूपान्तरण अभियानको समीक्षात्मक बैठकले प्रभावित क्षेत्रमा स्वयंसेवक परिचालन गर्ने निर्णय गरेको हो । भुकम्प प्रभावित क्षेत्रमा खटिने स्वयंसेवकले अस्थायी आवास तथा पुनर्निर्माणको कामहरु गर्ने माओवादी केन्द्र कर्णाली प्रदेशले जनाएको छ ।

माओवादी केन्द्रका प्रदेश अध्यक्ष विमला केसीका अनुसार प्रभावित क्षेत्रमा खटिनेहरूले अस्थायी आवास तथा पुनर्निर्माण कार्यमा सहयोग गर्नेछन् । प्रभावित क्षेत्रमा खटिने स्वयंसेवकहरु कर्णाली प्रदेशभित्रैबाट खटाइने केसीले जानकारी दिइन् । प्रत्येक जिल्लाहरुबाट टोली प्रभावित क्षेत्रमा परिचालन गरिने जनाइएको छ ।