खोज

बुटवल, १३ जेठ ।

शिवशक्ति आमा समुह तिलोत्तमाको प्रारम्भिक साधारण सभा तथा अधिवेशनले दुर्गाकमारी बस्यालको अध्यक्षतामा १२ सदस्य सहितको कार्यसमिति चयन गरेको छ ।

जसको वरिष्ठ उपाध्यक्षमा भीमकला पाठक, उपाध्यक्षमा तुलसा पाठक, सचिवमा कमला पाठक, सहसचिवमा इन्द्र रिजाल, कोषाध्यक्षमा सुनिता रेग्मी रहेका छन् । त्यसैगरी सदस्यहरुमा जमुना पन्थ भण्डारी, मिना पौडेल, रिमिसरा थापा, सुस्माकुमारी अर्याल, थगमाया लम्साल र तारा पाठक रहेका छन् ।

कार्यक्रममा बोल्दै तिलोत्तमा नगरपालिकाको वडा नं. ६ का वडा सदस्य गोविन्दप्रसाल रिजालले आमा समूहहरु निर्माण भएर समाजमा गरेका कामहरुको उदाहरण दिदै आगामी दिनमा अझै सामाजलाई सहि दिशा दिन समूहको योगदान रहने भएकाले आफुले सक्दो सहयोग गर्ने प्रतिवद्धता व्यक्त गरे ।

त्यसैगरी नर्मदेश्वर शिव पञ्चायतन मन्दिरका अध्यक्ष धर्मराज तिवारीले जहाँ पनि महिलाहरुले नेतृत्व गरेका संघसंस्था सफल भएकाले यो समुहले पनि समाजका लागि सही वातावरण निर्माण गर्न सहयोगी बन्ने विश्वास व्यतm गरे ।

नवनिर्वाचित अध्यक्ष दुर्गाकमारी बस्यालले समूहले सानो सानो रकम संकलन गरेर समाजकै लागि परिचालन गर्ने र महिला दिदीबहिनीहरुको आय आर्जनलाई जीवनसँग जोड्ने खालका कामहरु प्राथमिकतामा राखेर काम गर्ने बताए । कार्यक्रममा सिता दाहाल, पिङ्कि बस्याल लगायतले बोलेका थिए । समूहमा ९३ जना महिलाको सहभागिता रहेको छ । कार्यक्रममा ६ जना जेष्ठ आमाहरुलाई सम्मान गरिएको छ ।