खोज

बुटवल, २ जेठ ।

युवाहरुलाई नेतृत्व विकास र सामाजिक कार्यमा अग्रसर गराउँदै आएको रोट¥याक्ट क्लब अफ बुटवलको बर्ष २०२३÷०२४ को लागि अर्जुन खनालको अध्यक्षतामा नया नेतृत्व चयन भएको छ । उनी संस्थाको २६ औं अध्यक्ष हुन् ।

क्लबको सचिवालयमा सोमबार बसेको ५ सय २८ औं वृहत बैठकबाट नयाँ नेतृत्व चयन भएको हो । क्लबको ईलेक्ट प्रेसिडेन्ट दिपेश कुमार अग्रहरी, प्रेसिडेन्ट नोमिनी कृष्ण अधिकारी, सचिव अजय यादव, कोषाध्यक्ष राजन न्यौपाने, सर्भिस प्रोजेक्ट चेयर भेषराज पोख्रेल, मेम्बरसीप चेयर प्रकाश भण्डारी, रोटरी फाउन्डेसन चेयर कृष्ण बस्याल, प्रोफेसनल चेयर सर्भिस दिपक अर्याल, ईन्टरनेशनल चेयरमा सन्तोष पुरी, फेलोसिप÷स्पोर्ट्स चेयर चिरञ्जीवी गैरे, सहसचिव दिव्या रेग्मी, पब्लिक ईमेज चेयर गोकुल खनाल, एडमिनिस्ट्रेसन चेयर प्रशान्त न्यौपाने, सर्ज एटआर्म सुनिल कुवर र सम्पादकमा विशाल क्षेत्री निर्वाचित भएका छन् ।

कार्यक्रममा क्लबका संस्थापक अध्यक्ष बोनिन पियाले रोट¥याक्ट क्लब अफ बुटवल रजत महोत्सव मनाउन सफल भएको भन्दै क्लबबाट उत्पादन भएका युवाहरु समाजमा हरेक ब्यवसायिक क्षेत्रमा सफल रहेको बताए । क्लबबाट युवाहरुबीच एकता, समाज बुझने अवसरका साथै सामुहिक भावना विकास गर्न सफल भएको उनले बताए ।

प्रत्येक वर्ष १० जना गरिब तथा जेहेन्दार विद्यार्थीलाई छात्रवृत्ति प्रदानका साथै अन्य धेरै सामाजिक कार्यमा हातोमालो गर्दै नमुना काममा क्लब अघि बढेको दाबी गरे ।

विश्वमा पोलियो निवारण गर्न अगाडी आएको अन्तर्राष्ट्रिय सामाजिक संस्था रोटरी क्लबको भातृ संस्थाका रुपमा पश्चिमाञ्चल क्षेत्रकै सबैभन्दा पुरानो भएको निवर्तमान अध्यक्ष नवराज बन्जाडेले बताए । रोट¥याक्ट क्लब अफ बुटवलले रोटरीको मुलमन्त्रलाई आत्मसात गर्दै शिक्षा, स्वास्थ्य, भौतिक संरचना निर्माण, वातावरण सरसफाइ, सचेतनाका क्षेत्रमा समुदायमा रहेको योगदान दिदै आएको छ ।