कपिलवस्तु, ११ चैत ।
उद्योग ब्यापार संघ कपिलवस्तुका अध्यक्ष खिमानन्द पौडेल “कोपिल” तथा समिति सदस्य मुक्तिराम कंडेलले आफ्नो जन्मदिन कपिलवस्तु बाल गृहमा मनाएका छन् । दुवैले जन्मदिनको अवसरमा बाल गृहका बालकहरुसँग केक काटेर खुसी साटेका थिए ।
सो अवसरमा बाल गृहका बालकहरुका लागि २० हजार बराबरको खाद्यान्न सहितका सामग्री हस्तान्तरण गरिएको संघका महासचिव बासुदेब खनालले जानकारी दिए । आफ्ना सदस्यहरुलाई सामाजिक कार्यमा प्रेरित गर्ने उद्देश्यले जन्मदिनमा सामाजिक क्रियाकलाप गरिदै आएको अध्यक्ष खिमानन्द पौडेल “कोपिल” ले बताए ।
बाल गृहका बालकहरुसँग जन्मदिनको खुसी साट्दै सहयोग गर्ने कार्य उदाहरणीय भएको कपिलवस्तु बाल गृहका व्यवस्थापक राम प्रसाद अर्यालले बताए । जन्मदिन बिशेष तथा सामाग्री हस्तान्तरण कार्यक्रममा पत्रकार महासंघ शाखा अध्यक्ष किरणमान बज्राचार्य, संघका सदस्य कलामुद्दिन मुसलमान सहित उद्योग ब्यापार कपिलवस्तु का पदाधिकारी तथा सदस्यहरुको सहभागिता रहेको थियो ।
