खोज

 प्रत्येक विद्यालयले आफ्नो बिद्यालयको बजेटबाट गुणस्तर बद्धिको लागि केही बजेट छुट्टयाउनु पर्ने सैनामैना नगरपालिकाका नगर प्रमुख चित्र बहादुर काकीले बताएका छन् ।
मंगलबार सैनामैना नगरपालिकाले आयोजना गरेको सुचना, सञ्चार शिक्षा प्रविधि (आई.सी.टी.) सम्बन्धी ५ दिने तालिम को समापन कार्यक्रममा बोल्दै अब शिक्षकले आफ्नो क्षमता विकास गर्नको लागि निरन्तर लाग्नु पर्ने बताए । आई.सी.टी.तालिममा सहभागि सबै शिक्षकहरूले आफ्नो बिद्यालयमा गएर यहाँ सिकेको शिपलाई कक्षाकोठामा प्रयोग गर्नुपर्ने उनको भनाई थियो । सैनामैना नगरपालिकाले बिद्यालयलाई प्रबिधिमैत्री बनाउन ठुलो लगानी गरेका भन्दै यसमा सम्पुर्ण शिक्षकहरूको पुर्ण सहयोग पाए मात्र यो बजेटको सार्थकता देखिने बताए ।
कार्यक्रममा बोल्दै सैनामैना नरपालिका शिक्षा शाखा प्रमुख धनिश्वर पन्थीले यो लगायत सैनामैना नगरपालिकाले दिन क्षमता बृद्धिका तालिमले यस क्षेत्रमा सञ्चालित बिद्यालयको शिक्षण सिकाई उपलब्धीलाई ६० प्रतिशत भन्दा माथी पुर्याउन सकिने बताए । शिक्षामा प्रबिधिको प्रयोगको बारेमा सैनामैनामा कार्यरत शिक्षकमध्ये आधारभुत तहका ६७ र माध्यमिक तहका ४८ जना गरि ११५ जनालाई तालिम दिएको बताए ।सैनामैना नगरपालिका नगर प्रमुख चित्र बहादुर कार्की, शिक्षा शाखा प्रमुख धनीश्वर पन्थीको उपस्थितीमा सम्पन्न कार्यक्रममा हेमावति थापा, कृष्ण प्रसाद पौडेल, महेश अधिकारी लगायतले बोलेका थिए । कार्यक्रमको सहजीकरण राकेश अग्रहरी ले गरेका थिए । तालिममा सहभागि ११ जनाले तालिम बाट प्राप्त सीप आफ्नो ल्यापटप बाट सबै बीच प्रस्तुत गरेका थिए ।