Logo
२४ माघ २०७९, मंगलवार
Logo

उपमेयर छात्रा भलिबलको सेमीफाईनल समीकरण पूरा


दाङ, ९ माघ ।

दाङको घोराहीमा जारी उपमेयर छात्रा भलिबल प्रतियोगिता २०७९ सेमिफाइनलमा प्रतिष्पर्धा गर्ने चार टिमको टुंगो लागेको छ । घोराही उपमहानगरपालिकाको आयोजनामा यही माघ ६ गतेदेखि जारी प्रतियोगितामा पद्मोदय पब्लिक नमुना मावि भरतपुर, गोरक्ष रत्ननाथ मावि चौघेरा, बालविकास मावि नयाँ बजार र जयशेर मावि रावतगाउँ गरी चार विद्यालय सेमिफाइनलमा प्रवेश गरेका छन् ।

सोमबार भएको क्वाटर फाईनल खेलमा बालविकास माविले ज्ञानसिन्धु माविलाई २–१ को सेटमा हराउँदै सेमिफाइनल प्रवेश गरेको हो । बालविकास माविले २५–२२, १५–२५ र २५–२१ को सेटमा हरायो । यसैगरी, गोरक्ष रत्ननाथ मावि चौघेरा र हापुर मावि निघुवारबीचको खेलमा हापुर मावि निघुवारले खेलमा क्वाटर फाईनलमा सहभागी नभए पछि वाकओभरका आधारमा गोरक्ष रत्ननाथ मावि सेमिफाइनलमा प्रवेश गरेको हो ।

जयशेर मावि रावतगाउँ र गोरखा इन्टरनेशनल पब्लिक सेकेन्डरी स्कुलले सोझो सेटमा हराएको छ । जयशेर माविले २५–१७, २५–१२ को सेटमा हराउँदै सेमिफाइनलमा पुगेको छ । यसअघि आइतबार भएको पहिलो क्वाटरफाइनलमा पद्मोदय माविले महेन्द्र मावि धर्नालाई २–० को सोझो सेटमा हराउँदै सेमिफाइनल प्रवेश गरिसकेको थियो । अब फाइनल प्रवेशका लागि मंगलबार पहिलो सेमिफाइनलमा पद्मोदय पब्लिक नमुना मावि भरतपुर र गोरक्ष रत्ननाथ मावि चौघेरा बीच खेल हुनेछ भने दोश्रो सेमिफाइनलमा बालविकास मावि नयाँ बजार र जयशेर मावि रावतगाउँबीच खेल हुने भएको प्रतियोगिता आयोजक समिति संयोजक एवम नगरप्रवक्ता राममणि पाण्डेले जानकारी दिए । प्रतियोगिताको फाईनल खेल माघ ११ गते हुनेछ । प्रतियोगितामा १६ वटा विद्यालयमा अध्ययनरत छात्राले भाग लिएका थिए । प्रतियोगिताको उपाधि विजेताले नगद ५० हजारका साथै शील्ड मेडल पाउनेछ ।

उत्कृष्ट हुनेलाई पुरस्कार यही माघ १५ हुने नगर स्थापना दिवसको अवसरमा हस्तान्तरण गरिने घोराही उपमहानगरपालिकाको भनाई छ ।

यो खबर पढेर तपाईलाई कस्तो महसुस भयो ?

ताजा
  >>   आईटी क्षेत्रलाई सम्बोधन गर्ने गरी छुट्टै कानुन बनाउछौं: सञ्चार मन्त्री   >>   नेपालीले खान्छन् आवश्यकता भन्दा बढी आयोडिनयुक्त नुन, मात्रा घटाउने तयारीमा सरकार   >>   ‘विद्यार्थीको पठनपाठनमा अभिभावकको भूमिका अपरिहार्य’   >>   टी-ट्वान्टी लिग : स्पट फिक्सिङको आरोपमा नितेश गुप्ता पक्राउ   >>   बालबालिकामा इन्टरनेटको बढ्दो लत   >>   ‘सरकारले नेपाली टेक्नोलोजीलाई प्राथमिकता दिन सकेन’   >>   गार्गी एकेडेमीमा खेलकूद सप्ताह सुरू   >>   आठौं मणिमुकुन्द रनिङ कप भलिबल शुरु, खेलले समाजको चौतर्फी विकासमा टेवा दिन्छ : मेयर खांण   >>   प्रधानमन्त्री प्रचण्ड र एमाले अध्यक्ष ओलीबीच भेटवार्ता   >>   लुम्बिनीमा सुरु भो रामकथा प्रवचन, दुईहजार श्रद्धालु सहभागी