Logo
२४ माघ २०७९, मंगलवार
Logo
मेला वार्ता

कृषि, पर्यटन र औद्योगिक विकासको लागि मेलाले टेवा पुर्याउनेछ


रमेश कर्माचार्य
अध्यक्ष, सुनवल उद्योग वाणिज्य संघ

कृषि, पर्यटन उद्योग र ब्यापार, राष्ट्र निर्माणको बलियो आधार भन्ने नारा सहित सुनवल उद्योग वाणिज्य सँघको आयोजनामा यहि माघ १० गतेदेखी माघ २२ गतेसम्म सुनवल नगरपालिकाको सोमनाथमा दोश्रो सुनवल औद्योगिक ब्यापार मेला २०७९ को आयोजना हुँदैछ । समग्र कृषि, पर्यटन र औद्योगिक विकासको लागि मेलाले टेवा पु¥याउने उद्देश्यले मेलाको आयोजना गरिएको छ । मेलाको आयोजनाका बारेमा सुनवल उद्योग वाणिज्य सँघका अध्यक्ष एवं मेला आयोजक समितिका संयोजक रमेश कर्माचार्यसँग गरिएको कुराकानीको सम्पादित अँश ।

मेलाको तयारी कहाँ सम्म पुग्यो ?

–हामीले पहिलो पटक मेला आयोजना गरेको ३ वर्षपछि दोश्रो पटक मेलाको आयोजना गरेका छौँ । विगतका वर्षमा कोभिडका कारण मेला आयोजना गर्न सकिएन । यसवर्ष आयोजना गर्द आयोजक सँगसँगै स्थानियहरु पनि निकै उत्साहित भएको पाएका छौँ । मेला आयोजनाको लागि स्टल निर्माण, विभिन्न जनजातीका सँस्कृति झल्काउने स्टल निर्माण, वाल उद्यान लगायतका काम सकिएको छ । विभिन्न सँघसँस्था, आमा समुह, क्लवहरु सँगको समन्वय पनि भैसकेको छ । समग्रमा तयारी करिव ९० प्रतिशत सकिएको छ ।

मेलामा कतिवटा स्टल रहने छन? कुन कुन ब्यवशायिक क्षेत्रका स्टलहरु रहेका छन ?
–मेलामा अहिले १ सय ५० वटा स्टल रहनेछन जसमा ५० वटा स्टल नितान्त स्थानियतह भित्रका ब्यवशायीहरुको लागि रहने छ । जसमा कृषि, लघु उद्यमी, कुटिर उद्योग लगायतको लागि रहने छ भने बाँकी रहेका १ सय स्टल ब्यवशायिक स्टल रहने छन । ब्यवशायिक स्टलमा कपडा, जुत्ता, दैनिक उपभोग्य सामाग्री, इलेक्ट्रोनिक्स लगायतका रहने छ । हामीले खानाको लागि छुट्टै फुडमार्टको ब्यवस्थापन गरेका छौँ । जहाँ विभिन्न जनजाती विशेषका खानाका परिकारको ब्यवस्था हुने छ यस्तै बालउद्यानले पनि दर्शकलाई लोभ्याउने छ भन्ने कुरामा विश्वस्त छौँ ।

 

मेलाको विशेष आकर्षण के रहेको छ ? कति दर्शकहरु अवलोकन गर्ने अनुमान गर्नु भएको छ ?
–सामान्यतः औद्योगिक ब्यापार मेला भन्ने वित्तिकै विभिन्न व्यावसायीक स्टलहरु सँगसँगै कृषि प्रदशर्नी , वाल उद्यान, विविध साँस्कृतिक कार्यक्रमहरु , सुनवल डान्स आइडल साथै विद्यार्थीहरुलाई समेत लक्षित गरेर विज्ञान प्रर्दशनी लगायत मेलामा आकर्षणहरु रहेका छन् । मेलामा विद्यार्थीहरुले प्रदर्शनीमा राख्ने विज्ञान प्रर्दशनी विशेष आकर्षणको केन्द्र बन्नेछ भन्नेमा हामी विश्वस्त छौँ । १२ दिनसम्म सँचालन हुने महोत्सवमा हामीले करिव १ लाख अवलोकनकर्ताहरु आउने अपेक्षा गरेका छौँ यसको मुख्य आधार भनेको अहिले यस क्षेत्रमा अन्य कतै पनि मेला महोत्सव आयोजना भएको छैन । हामी यो मेला सफल हुनेमा आशावादी छौँ ।

मेलाप्रति स्थानिय संघसंगठनको कस्तो प्रतिक्रिया पाउनुभएको छ ?
–पक्कैपनि मेला सफल बनाउन स्थानिय संघसंघठन तथा राजनैतिक दलको महत्वपुर्ण भुमिका रहने गर्दछ । त्यसैले हामिले मेला संचालन गर्ने भन्ने निणर्य गरे सँगै स्थानिय राजनितिक दल , स्थानिय सँगसंगठन साथै विभिन्न जनजातिगत संगठनहरु सँग छलफल भयो । मेलालाई सुनवलवासी सवैको सझा कार्यक्रम गराउने र सवैले आ आफ्नो ठाँउबाट पुर्णरुपमा सहयोग गर्ने प्रतिवद्धता जनाउनु भएको छ । उहाँहरुको सल्लहा सुझावहरुले हामिलाई थप हौसला पनि प्राप्त भएको छ ।

अन्त्यमा,
सुनवल उद्योग वाणिज्य सँघले आयोजना गरेको ब्यापार मेला मात्र ब्यवशायीक मेला नभइ यस क्षेत्रको पहिचान सँग पनि जोडिएको छ । त्यसै कारण यो मेलालाई सफल तुल्याउन सम्पूर्ण उद्योगी ब्यवशायी, सुनवलबासी लगायत छिमेकी जिल्ला र पालिकाका आदरणिय महानुभावहरुसँग अनुरोध गर्दछौँ र मेला सँचालनमा सहयोग गर्नुहुने सबैमा धन्यवाद प्रकट गर्न चाहान्छौ ।

यो खबर पढेर तपाईलाई कस्तो महसुस भयो ?

ताजा
  >>   आईटी क्षेत्रलाई सम्बोधन गर्ने गरी छुट्टै कानुन बनाउछौं: सञ्चार मन्त्री   >>   नेपालीले खान्छन् आवश्यकता भन्दा बढी आयोडिनयुक्त नुन, मात्रा घटाउने तयारीमा सरकार   >>   ‘विद्यार्थीको पठनपाठनमा अभिभावकको भूमिका अपरिहार्य’   >>   टी-ट्वान्टी लिग : स्पट फिक्सिङको आरोपमा नितेश गुप्ता पक्राउ   >>   बालबालिकामा इन्टरनेटको बढ्दो लत   >>   ‘सरकारले नेपाली टेक्नोलोजीलाई प्राथमिकता दिन सकेन’   >>   गार्गी एकेडेमीमा खेलकूद सप्ताह सुरू   >>   आठौं मणिमुकुन्द रनिङ कप भलिबल शुरु, खेलले समाजको चौतर्फी विकासमा टेवा दिन्छ : मेयर खांण   >>   प्रधानमन्त्री प्रचण्ड र एमाले अध्यक्ष ओलीबीच भेटवार्ता   >>   लुम्बिनीमा सुरु भो रामकथा प्रवचन, दुईहजार श्रद्धालु सहभागी