मंसिर १६ २०७८   |  2021 Dec 02    


१२ करोडको आलुु विक्रि गर्ने बागचौरमा भण्डारणको समस्या


news

सल्यानको बाफु खोलाबाट १२ करोड रुपैयाँको आलु विक्रि भएको छ । जिल्लाको बागचौर नगरपालिका वडा नम्बर ११ र १२ का किसानले यो वर्ष मात्रै १२ करोडको आलु उत्पादन गरेका हुन ।

यहाँको करिव दुई हजार रोपनी जमिनमा आलु खेति हुँदै आएको छ । र किसानहरुले आलु खेतीबाटै मनग्य आम्दानी गर्दै आइरहेका छन् । आलु खेति गरेररै वाफुखोलाका किसानहरुले वार्षिक करौडौं रकम भित्र्याउदै आइरहेका छन् ।

कृषि विकास कार्यालय सल्यानका अनुसार वाफुखोलामा २ हजार रोपनीमा आलु खेती हुँदै आइरहेको छ । कार्यालयका सूचना अधिकारी रेशम कुमार बस्नेतले दिएको जानकारी अनुसार वाफुखोलाबाट मात्रै यस वर्ष १२ करोड रुपैयाँको आलु बाहिर गएको छ । एक घर परिवारले आलु खेति गरेर न्यूनतम ५० हजारदेखि ७ लाखसम्म वार्षिक आम्दानी गर्ने गरेका छन् । यहाँको वर्षभरिको घरखर्च टार्ने खेति भनेको आलु खेती हो ।

आलु खेती गरेर नै यहाँका किसानको जीवनयापन चली रहेको किसान चित्र बहादुर ओलीले बताए । यस वर्ष ४५ क्विन्टल आलु बिक्री गरेर १ लाख ४५ हजार आम्दानी गरेको उनको भनाई छ । आलु लगाएको समयमा सुख्खा र खन्ने समयमा लगातार पानी पर्दा यो वर्ष उत्पादन भने धेरै घटेको चित्र बहादुरले बताए । गत वर्ष झन्डै तीन लाखको बिक्री गरेको भएपनि यो वर्ष आधाले घटेको उनले बताए ।

विगतमा घरपरिवार पाल्न भारतका विभिन्न ठाउँमा मजदुरीका लागी जाने किसान अहिले आलु खेतीमा रमाइरहेको अर्का किसान शेर बहादुर खत्रीले बताए । आलु खेतीले किसानको जीवनस्तरमा निकै परिवर्तन आएको उनको भनाई छ । यो वर्ष आफूले ५० हजारको आलु बिक्री गरेको उनले बताए ।

आलु उत्पादनबाट गाउँमा वर्षेनी १० देखि १५ करोड भित्रिने गरे पनि सुरक्षित भण्डारणको व्यवस्था नहुँदा किसान समस्यामा पर्नेगरेका छन् । आलु खेतीलाई आम्दानीको मुख्य स्रोत बनाउँदै आएका किसानले यसवर्ष उत्पादन गरेको आलु कुहिएपछि उनीहरु समस्यामा परेका हुन् । समयमा आलु ढुवानी गरेर किसानले पठाउन नसक्दा कुहिएको हो ।निषेधाज्ञाका कारण व्यापारी किसानको आलु खरिद गर्न नआएको र आफैले बजारमा लगेर बेच्न नसक्दा आलु कुहिएको किसानहरुको भनाइ छ ।

गाउँका सबैले आलु खेती गर्ने गर्ने गरेको भए पनि भण्डारण गर्ने ठाउँ नहुँदा सिजनमा सस्तोमा बिक्री गर्नु पर्ने बाध्यता र पछि अन्य ठाउँको आलु महँगोमा खानु पर्ने बाध्यता रहेको बागचौर नगरपालिका वडा नं १२ का वडा अध्यक्ष दिपक वलीले बताए । ‘हाम्रो जिल्लामा एउटा मात्र कोल्ड स्टोर भइदिएको भए किसानले उत्पादन गरेको कृषिजन्य बस्तुको भण्डारण गर्न निकै सहज हुने थियो,’ उनले भने । बाफुखोलाका ८० प्रतिशत किसानले आलु खेती गर्ने गरेको भएपनि आलुको अनुसन्धान केन्द्र र चिस्यान केन्द्र स्थापना नहुदाँ समस्या हुुने गरेको किसानको गुनासो छ ।

अपडेट : 2021-10-17 18:56:06




your-image

Leave a Comment