जेठ १२ २०७७   |  2020 May 25    


बुटवल बस्ने र आउनेले जान्नैपर्ने ७ कुरा



news

बुटवल उपमहानगरपालिकाले लकडाउन व्यबस्थापन कार्यतालिका सार्बजनिक गरेको छ । उपमहानगरले सार्बजनिक सुचना जारी गर्दै यस्तो समय तालिका सार्बजनिक गरेको हो ।

१) खाद्यान्न हप्तामा तीन दिन
हप्ताको ३ दिन आइतवार, मंगलवार र विहिवार मात्र विहान ९ वजे देखि दिउसो २ वजे सम्म खाद्यान्न, तरकारी तथा फलफुल पसलहरु खोल्ने समय   तोकिएको छ ।

२) बिहान तीन घण्टा तरकारी र फलफूल घरघरमा
बुटवल उपमहानगरभित्रभए सम्वन्धित वडा कार्यालयको सिफारिस र अन्य स्थानीय पालिकामा उत्पादन भएको भए सम्वन्धित पालिकाले स्थानीय उत्पादन भनी सिफारिस गरेको आधारमा प्रत्येक दिन विहान ७ वजे देखि १० वजेसम्म हरियो तरकारी र फलफुल घरघरमा डुलाई विक्री वितरण गर्न पाइने छ ।

३) दुधलाई बिहान तीन साँझ दुई घण्टा
दुध तथा डेरी उत्पादन प्रत्येक विहान ७ बजेदेखि १० बजेसम्म र वेलुकी ५ बजेदेखि ७ बजेसम्म विक्री गर्न पाउने व्यवस्था मिलाइएको छ । दुध विक्रेताले उत्पादन र संकलन गरेको स्थल खुलेको सम्बन्धित पालिका वा वडाले गरेको सिफारिस साथमा ल्याउनुपर्ने ब्यवस्था गरिएको छ ।

४) हप्तामा तीन दिन मल बिउ र हार्डवेयर
कृषि कार्यसँग सम्बन्धित कार्यका लागि आवश्यक मल, विउ आइतवार, मंगलवार र विहीवार विहान ९ बजेदेखि दिउसो २ बजेसम्म खोल्न पाइने छ । विकास निर्माणसँग सम्बन्धित माल सामान विक्री गर्ने हार्डवेयर पसल हप्तामा ३ दिन आइतवार, मंगलवार, विहीवार विहान ९ बजेदेखि २ बजेसम्म खोल्न सकिने ब्यवस्था गरिएको छ ।

५) बित्तिय संस्था तीन दिन तीन घण्टा
वैक, वित्तीय संस्था र सहकारीहरुको हकमा प्रत्येक आइतवार, मंगलवार र विहीवार विहान १० बजेदेखि १ बजेसम्म मात्र खुल्ला गर्न सकिने ब्यवस्था गरिएको छ ।

६) कृषि औजार ढुवानी र मर्मत दैनिक ८ घण्टा
कृषि औजार उपकरण तथा साधन र ढुवानी साधनको मर्मत सम्भार ५ जनाभन्दा बढी मिस्त्री नरहने गरी प्रत्येक दिन विहान ९ बजेदेखि ५ बजेसम्म संचालन गर्न सकिने छ ।

७) नदिजन्य पदार्थ दैनिक ९ घण्टा
प्रत्येक दिन विहान ९ बजेदेखि वेलुका ६ बजेसम्म नदीजन्य पदार्थको ढुवानी गर्न पाइने ब्यवस्था गरिएको छ ।

अपडेट : 2020-05-20 09:49:43




your-image

Leave a Comment