जेठ १२ २०७७   |  2020 May 25    


पुरुष गाउँ फर्किदा महिलाको कार्यबोझ घट्दै



news


लोग्ने मान्छे घर बाहिर हुदा एक्लै खेती स्याहार्न वाध्य रोल्पाका महिलाहरु यस वर्ष भने पुरुषहरु संगसंगै खेतवारीमा रमाउन थालेका छन । दशै तिहार जस्ता ठूला चाडपर्वमा मात्रै घर आउन फुर्सद पाउने यहाँका पुरुषहरु कोरोना कहरले घर आएसंगै खेतीकिसानी र मेलापातमा महिला पुरुष देखिन थालेका हुन । घरवाहिरको काममा पुरुषले सघाउन थालेसंगै महिलाको कार्यबोझ पनि घटेको हो ।


रोल्पाका गाउँहरुमा गहुँ भित्र्याउने चटारो मात्रै हैन मल बोक्ने र खनजोत गर्ने काम पनि सुरु भएको छ । खेतमा धानको व्याड राख्ने देखी मल पुर्ने सवै काम एकैचोटी परे पनि यहाँका महिलाहरुमा अघिल्लो वर्ष जस्तो कामको चाप भने छैन । अघिल्लो वर्ष सवै काम एक्लै भ्याउनु पथ्र्यो अहिले भने श्रीमान घर आएकाले काम गर्न सहज भएको छ, रोल्पा नगरपालिका ४ की रिता परियारले भनिन । खेत नभएकाले व्याड राख्ने चटारो नभएपनि पाखो वारी खनजोत गर्ने र मल वोक्ने काममा श्रीमानवाट सहयोग पाउने कुराले हौसाएको छ उनलाई । धेरै वर्ष पछि श्रीमान संगै खेतवारीमा काम गर्न पाएका छौ परियारले खुसी व्यक्त गरिन ।

रोजगारीका लागि जिल्ला बाहिर जानुपर्ने वाध्यताले रोल्पाका गाउँहरु पुरुष विहिन मात्र हैन कतिपय घर त वालवालिका र जेष्ठ नागरिकका भरमा चलेका छन । श्रम गर्न सक्ने जनशक्ति रोजगारुमिा जिल्ला वाहिर जाँदा रोल्पाका धेरै घरको दैनिकी महिला, वालवालिका र जेष्ठ नागरिकको भरमा चलेका छन महिला मानव अधिकार रक्षक संजाल रोल्पाका अध्यक्ष तीर्था आचार्यले भनिन । ग्रामीण भेगका रोल्पाली महिला हलो जोत्न वाध्य छन आचार्यले भनिन । घरमा काम गर्ने छोरा नाती रोजगारीमा वाहिर गए संगै आराम गर्ने उमेरका जेष्ठ नागरिकहरु मेलापात देखिन्छन आचार्यले भनिन । कोरोनाको त्रास संगै जिल्ला भित्रिएका युवायुवतीका कारण यस वर्षको खेतीपातीमा सहजता भएको आचार्यको भनाई छ । अधिकारकर्मी आचार्यको अनुसार कोरोनाले यस वर्ष महिलाले घरवाहिर गर्ने कामको कार्यवोझ कम भएपनि घरभित्रको वोझ झन थपिएको छ । लकडाउनले महिला हिंसा समेत थपिदै गएको छ आचार्यले भनिन ।

आधिकारिक तथ्यांक नभएपनि १० हजार वढी रोल्पाली युवायुवती रोजगारीका लागि काठमाण्डौ, ललितपुर र भक्तपुरका ईटा भट्टामा रहेको वताईन्छ । भारत जानेहरुको पनि आधिकारीक तथ्यांक छैन भारतमा समेत दशौं हजार रोजगारीमा गएको हुन सक्ने वताईन्छ । खाडी तथा तेश्रो मुलुक जाने रोल्पाली युवायुवतीको संख्या झण्डै ४० हजार रहेको वताईन्छ । जिल्ला प्रशासन कार्यालय रोल्पावाट ५० हजार बढीले राहादानी लिएका छन ।

कोरोनाको त्रासका कारण उद्धार गरि आएका तथा आफै आएका समेत ८ हजार वढी जिल्ला भित्रिएका छन । जिल्लामा हाल सम्म ६८८ जना भारत तथा तेश्रो मुलुकबाट आएको देखिएको छ ।

अपडेट : 2020-05-19 07:05:36




your-image

Leave a Comment